الطلاق

السلام عليكم ورحمة الله وبركاته

الله يصبرج أختي ..ويعوضج خير يارب..

لا تضايقين نفسه علشانه ..هو مايستاهل دمعه من دموعج... واللي سواه مو شوي
هو الي بيخسر وحده مثلج.. وحياتج ماتوقف عليه ... اللي جابه بيجيب غيره ..
بالعكس ..شوفي حياتج ورجعي شغلج ... واشتركي في معاهدو ودورات .. غيري جو .. لين تتأقلمين

عندي صديقه مرت بنفس الي مريتي انتي فيه واكثر.. بس مشاءالله عليها .. كملت دراستها .. وشدة حيلها
ودخلت دورات وتعايشت مع وضعها ..

الي مثل زوجج حرام تصيحين عليه .. بالعكس .. اطلبي من الله في صلاتج انه الله يعوضج ويصبرج ومثل ما قلتلج اختي
غيري روتين حياتج .. واللي باعج بيعيه ..ولا تتحسرين عليه ..
وربي يكتبلج الي فيه الخير

بالعكس انتي المفروض الحين اتفكرين بالاشيا الايجابيه الي تقدرين اتسوينها بدونه

كملي دراستج عندج شهاده خذي ماجستير وكملي او اشتغلي وصبي كل اهتمامج بنفسج

وتقربي من الله اكثر صدقيني بيكون جمبج لانه هو خلقه وخلق الف غيره وان ماجو غيره مايهم

مب شرط اتعيش المراه مع رجل عشان اتصير سعيده

حبيبتي لا تزعلين نفسج حاولي تتذكرين الاشيا الي دفعتج لطلب الطلاق وماقول انج ماراح تح

كرري


انا لله وانا اليه راجعون

اللهم آجرني في مصيبتي واخلفني خيرا منها

مجربة

وقريبا ان شاءالله ربي يعوضك بأحسن منه ويهنيك معاه

اختي الغالية هو ما طلقك لي الحين

انتي تدرين اللحظة الجاية شنو فيها ؟؟؟ علم الغيب عند رب العالمين

و حتى لو فرضنا ان راح يصير في طلاق ؟؟

انتي شنو الي مضايقك ؟؟ ان انسان ما يبيك ؟؟ ليش هو اذا ما يبيك يعني كل الدنيا ما تبيك؟؟

انتي عندك ناس يبونك ؟؟ و اهل يحبونك ؟ عيل ليش دنياك بتتحطم على " 1 " شخص واحد بس ما يبيك ؟؟

انزين انتي تقولين شلون بعيش ؟؟

شوفي الدنيا حواليك ..... و شوفي كم مطلقة من اهلك ........ شوفي كم مطلقة من جيرانك ......... كم مطلقة من معارفك ... حد منهم مات بسبب الطلاق ؟؟؟؟؟؟؟؟؟؟

لما تكونين طالق معناه انتي " فيك مرض معدي " لا طبعا
.... الحياة ما توقف على هالنقطة

هو صدق ان الطلاق ابغض الحلال و لكنه حلال ........ احيانا بعض البيوت لا تستقيم الا بالطلاق

ربما لو انتي لن تتطلقي بتكونين في حاله اسوأ

شوفي اختي انتي بس حساسة

و لا الحريم الي تطلقوا قبلك لا ما توا و الي عقبك ما بيموتون


الدنيا حلوة .... و راح تعيشين حياتك باذن الله كسيدة مسلمة تعرف حقوقها و واجباتها

استهدي بالله و اكثري من الادعية و كوني قوية مو طلاق يهد دنيتك

الله يكون في عونج والله يصبرج

نبع الحب;4321805:
كرري


انا لله وانا اليه راجعون

اللهم آجرني في مصيبتي واخلفني خيرا منها

مجربة

وقريبا ان شاءالله ربي يعوضك بأحسن منه ويهنيك معاه

قولي الحمدالله انه ماعندج اعيال والله انه اختى زوجي طلقني عشان وحدة وشوة سمعتي عشان ايطلقني ومرمطني وخذ البيت الي خسرت عليه شقى عمري والله لانه تم ايههدني فيه عشان ايرجعلي اعيالي والله الدنيا كلها مصايب ولاكن عقب ماتطلقت احمد ربي واشكرة على كل شي اني صج ارتحت واللي باعني الله عليه والدنيا اتدور وحقج مابيضيع حبيبتي بالعكس خلج مرتاحه اواثقه من عمرج وشوفي مصيبة غيرج وعشان اتهون عليج مصايبج حبيبتي والله الهادي عيشي حياتج والله بيعوضج ان شاء الله ياربي وانجوفج عروس واحلى عروس وانشوف اعيالج ياري:poster_war:

لا حول ولا قوة الا بالله..نسال الله العلي القدير ان يعوض صبرك خير ويقر قلبك بزوج صالح يصونك ويحافظ عليكي..واحمدي الله انك بتخلصي منه ..على الاقل هذا زوج ما تخسري دنياكي واخرتك عشانه..ربنا يثبتك ويوفقك

الله يعوض عليج اختي

ان شاء الله حبيبتي ربنا تعالى يهون عنك وينسيك وعوضك بالاحسن

إختي هل موضوعج يستاهل إنج تتطلقين؟؟ فكري قبل لا تتخذين قرار تندمين عليه طول عمرج!!

شنو يعنـي مطلقـه ماعليـج من أحد دامج مظلومـه ولايهـز أحد

تقربي لربج وأدعي أنه يعوضج بالأحسـن وهذا نصيبج ومحد ياخذ غير نصيبه

وكثري من إنا لله وإنا اله راجعون اللهم أجرني في مصيبتي وأخلف لي خير منهـا

وأنا أعرف بنات كثار تطلقوا وتزوجوا أحسن من أزواجهم الأوليـن الحياه قسمه ونصيب

وماتدرين وين نصيبج الله يوفقج يالغاليـه

الله يعوض عليج اختي