اعمل ايه تعبت من صحبتي

السلام عليكم و رحمة الله و بركاته
ازيكم يا بنات
النهاردة للأسف جاية بمشكلة و محتاجة حد يساعدني بس أرجوكوا بلا ردود مثالية يعني تكون الحلول حلول واقعية و حطوا نفسكو مكاني في كل المواقف بالله عليكن حسو بيا في كل كلمة
بصو يا جماعة فيه واحدة صحبتي إتعرفت عليها من سنتين من أيام الثانوية العامة في أول تعارفنا كان بينا مشاكل و مكناش بنطيق بعض لغاية لما أصبحنا أصحاب و هي تعتبرني إني أقرب أصحابها تشكي لي كل شئ بس بصراحة يا جماعة أنا أشك بنسبة 99% إنها مريضة ( تعاطفو معايا انا كمان إني بأستحمل عمايلها متتعاطفوش معاها و بس ) اللي خلاني احس بكدا إنها بتناقض كلامها بشكل غريب تقول لي إبعدي عن فلانة انا بكرهها دي كذا و كذا و كذا و بتعمل كذا و في نفس اليوم الاقيها تقعد مع فلانة دي و تحكي معاها و تضحك و أول ما انا اجي أحس غنها بدأت تغير الموضوع و بعدين تقول لي على شئ و تقول لي متقوليش لحد دا سر انا مش عايزة حد منهم يعرف و فجأة ألاقي الكل عارف
تكلم بعض البنات على حاجات و بعدين لما آجي تقول لي قومي معلش بنتكلم في موضوع
يحصل موقف معين تقوله بطريقة تانية و تقول على حاجات محصلتش خالص و تفتري على ناس معملوش أي حاجة خالص
تبين لي ساعات الإخلاص و فجأة ألاقيها تخبي عني شئ أنا محتاجاه و دايما تختلق الأعذار
عرفتها على الصحبة بتاعتي لاقيتها بتقرب منهم و تحاول تترأسهم و تبعدني بشتى الطرق إما بإنها تخبي عني حاجة أو إنها تضللني
بتنتقدني في حاجات كتير هي شخصيتها جد جدا و انا شخصيتي هزااااااااااااااار على الآخر
المشكلة كمان اني لما بعدت عنها لقيتها بتقول لي في حاجة ( أصلي من النوع اللي بيكتن يكتم و ينفجر فجأة) و تقول لي انتي زعلانة مني في حاجة و بعدين جابت لي هدية و أعتذرت و قالت لي حديث النبي صلى الله عليه و سلم إلتمس لأخيك سبعين عذرا و إنها بتعمل كدا عشان الناس ميظنوش حاجة تانية و بتقول الكلام دا قدام فلانة عشان فلانة تعمل كذا و بتقول الكلمة دي قدام تانت فلانة عشان تانت فلانه تحسب كذا لدرجة إني بقيت أشك في كلامها هي اللي بتقوله لي دا جد و لا كلام بس عشان تخليني أفتكر حاجة تانية و بقيت أشك في كل كلمة ليها مش عارفة هيا صادقة و لا كذابة
و هي كل يوم تتصل بيا تسأل عليا و تحكي معايا و تقول لي على أسرارها و انها قالت لأمها كدا عشان تعتقد حاجة تانية و قالت لأخوها كلام ...........................ألخ
وهي مش راضية تبعد عني دايما ملاحطة كل تحركاتي انتي كنتي بتقولي لفلانة دي إيه ؟ و فلانة دي عملت ايه ؟
و تعالي هنا و هيا كمان زي مقلت لكم كل حاجة تنتقدني لإن زي ما قلت لكم هيا جد بزيادة كل اللي إتعاملو معاها قالو كدا مشكلتها ان ابوها عصبي جدا و امها و كل بيتها كمان حصل لها حادث و هي صغيرة الكلام دا انا عرفته قريب اوي (أرجوا زي محتتعاطفوا معاها هنا تعاطفوا معايا انا اني مستحملة)
أعمل إيه يا جماعة أبعد عنها إزااااااااااااايييييييييييييي؟؟؟؟؟؟؟؟؟؟؟؟؟؟؟؟؟؟؟؟ و أعمل ايه
أرجو حلول ممكن تتنفذ مش حلول كإني ملاك و مش بزعل و مش بحس و كإ ن معنديش اعصاب