لو كنتوا مكانها !!!

السلام عليكم ..

بنات بخبركم قصة وحدة من اهلي .. تتعلق بفحص ما قبل الزواج والامراض الوراثية :21_207:


قريبتي متزوجة من حوالي 12 سنة .. ومن 12 سنة ما كان الفحص قبل الزواج منتشر او الكل كان يسويه ، انخطبت بالطريقة التقليدية .. ولا كانت تعرف عن روحها اذا كانت مصابة بشي ،واما زوجه كان ييفتكر انه سليم ..

بعد ما تزوجت حملت مباشرة وكانت صغيرة بالسن ، وتعبت واايد ومن فحوصات الحمل عرفوا انها مصابة بمرض نقص الخميرة او G6PD وايضا حاملة سكلر " فقر الدم المنجلي " ..

لكنها بعدا ما ولدت وكبرت بنتها شوي طلعت بنتها مصابة فقط بنقص الخميرة والحمد لله ..

بعدها حملت وفي الشهر الخامس توفي الجنين بسبب وجود تشوهات خلقية ..

وبعد 10 اشهر حملت وجابت بنوتة ولما كبرت شوي وسووا لها فحوصات اتضح انها مصابة بنقص الخميرة وبالسكلر .. الام انصدمت وحتى الدكتورة سألتها عن نفسها وقالت لها بشنو مصابة وقالت لها ان الابو سليم فقالت الدكتورة شلون يكون سليم .. ما يصير ، وطلبوا الاب حق فحوصات واتضح بعدها انه حامل الفا ثلاسيميا وكانت هالشي صدمه لهم خصوصا بعد ما خبرتهم الدكتورة عن احتمالية انجاب اطفال مرضى وانهم لو سووا فحص ما قبل الزواج كان راح يطلع انه غير مناسبين لبعض ..

بعد سنة ونصف صار حمل بدون تخطيط وصارت نفسية الام في الحضيض لان بنتها صغيرة ولانها خايفة من انجاب طفل مريض ثانيا وكانت كل تبكي وتدعي الله ليل نهار ان الطفل اللي بطنها يطلع سليم .. والحمد لله يوم ولدت جابت ولد ويوم كبر شوي وسووا له فحوصات طلع انه مصاب بنقص الخميرة فقط ..

والحين هالولد صار عمره 3 سنوات وشهرين ،، يعني كبر الولد .. وتقول ان زوجها قال لها من فترة انه يبغي طفل اخر وخصوصا انه يتبع طريقة العزل لمنع الحمل وقال لها ان ظهره تعب من هالطريقة طول هالسنين لكن الام عندها خووووف ومو راضية تحمل مرة ثانية .. وزوجها ما يبغي يسوي شي بدون رضاها وهي متحيرة لان خاطرها انها ترضي زوجها وهي بعد تحب ان تكون عندها عيالة كبيرة وعيالها يوم يكبرون يشيلون بعض وفي نفس الوقت خايفة .. تقول تكفيها الحالة النفسية اللي عاشتها وهي حامل اخر مرة ..


شرايكم في هالمشكلة .. ولو كنتوا محلها شتسووون ؟؟؟؟