كل وحدة تكتب ردة فعلها مع زوجها اذا صارخ وهدد

انا الصراحه بترياه لين يهدا بعدين بتفاهم وياه لان العصبيه ما تيب نتيجه
هذا رايي

انه سواها فيني زوجي لبست ارنوب ورحت نمت ولما سحب اللحاف وشافني لابسه الارنوب قام يراضيني عشان..............................................وتعرفون السالفة

لو كنت في موقفك اتركه عشان اعصابي ماتفلت




ومصيره يرجع

أسيبه لما يهدأوأوريه إنوغلطان

بصراحه

انا بحتر ,, بس بسكت عنه وبخليه على راحته ولا راح اسوي شي

وبحب راسه وانا طالعه عنه وبرقد في غرفتي

وعقب اذا ماجاني ,, او تم على اصراره واعناده وطلع

بعدل له الغرفه وبحط الشموع وبطرش له مسج حلو

وطبعا اكييد بيهدا

وبيرجع وبيشوف المكان معطر ومبخر وحلووو

وبهالطريقه بكسبه وبنرضى وبنرد احلى من العسل



بس الحمد لله لحد الحين ماصادني نفس هالمواقف وان شاء الله مايصيدني ولا اشوفه معصب يااارب

وشكر اختي

الأفضل تركه وبدون اي انفعال


يعني هو معصب وانا ساكتة افضل وعن تجربة

اتركه لغاية ما تهدا اعصابة بعدين اتكلم معاه

مرات اذا زاد في الكلام ارد عليه ومرات اتركة بقرونة يصارع ههههههههههههههههههههههههههههههه

بكل بساطه ابكي لاني مرررررررررررررة حساسه

انا اسيبه يعصب زي مايبغى بس ماارد عليه واذا خلص اقول له انا اسفه


وبعد ساعه او ساعتين او نص ساعه اجيب له عصير ليمون بالنعناع

اخليه لما يهدي ويرتاح نفسيا وتبرد اعصابه بعدين انتفاهم



دمتم سالمين
اختكم شريفة

ياحظكم

انا لا عكسكم انا اللي انفجر واقعد اصيح واقوله تعال نرمس لاني بصراحه ما اعرف اخلي بخاطري عليه ابدا وحتى لو شل عمره وراح اسير وراه واعتذر او ابا التفاهم واحيانا اقعد معاه وامسك يده وافهمه وجهة نظري وبروحه يرضي وما يتكلم لاني اكتشفت لو قعدت اصرخ واصي هو يعاند ازياده يبا يكسر عنادي اما لو سكت وقتله ان شاءالله يسكت بروحه واييي عندي


الله يصبرني عالطريقة الثانية واما ترجع حليمة لعادتها القديمة

أنا بصراحه بتم سااااااااكته لحد مايخلص كلامه وبسوي عمري مسكييييينه ماأدري شو السالفه وبتم بطالع عينه بنظره بريئه لحد مايسكت ويحس أنه عصب أكثر من اللازم ولا بتحرك من مكاني لحد مايستحي ويطلع برع وبعدين لما تهدأ أعصابه ببدأ أكلمه حبه حبه
وسلامتكم

زوجي اذا حرج انا ما اتكلم ولا كلمه واتم منزله راسي

لاني وااااااااااااااايد اخاف

وهو هذا الشي يقهرنه ... وااااايد بس انا ما عرفت الا قبل فترة

يقول يوم اكلمج ردي علي وناقشيني

بصراحه لما يحرج اسكت وما اقول شي

بس تلقوني مرة وحده انفجر من الضحك وهو بعد يضحك
خخخخخخخخخخخخخخخ


ما شاء الله تبارك الرحمن

ماصارت لي من قبل وان شاء الله ماتصير

بس اتوقع اني ببكي بس

بنظرة حزن انظر إليه ثم أتركه وأعمل له كوب من عصير الليمون ثم أترك المكان حتى يهدأ وألبى كل طلباته بدون كلام سوف يبدأ بكلام خطوة خطوة إلى أن يحكى ما به ثم نناقش بهدؤ الامر وفى النهاية أقول له حتى وإن لم أخطأ فأنا اتمنى ألا تغضب منى لأن غضبك معناه هلاكى ...............
بهذه الكلمات ممكن تصلح أى ضيق بين الازواج

اسكت وأطنش لين يهدأ بعدين بروحه بيي ويراضيني

والله ما شالله عليكم عيني عليكم باردة اله تقدرون تتحكمون بأعصابكم وتسكتون


لما أحس اني مظلومة ما أقدر اتحمل اقعد اصارخ وهو يصارخ يعني ( واجه صياح بصياح ) هههههههههههههههههه

وبعدين نهدا ثنيناتنا ونضحك شوي وهو دايما يقول لي ( انتي جبريت صغير وانا جبريت كبير ) ما شالله علينه محد يقدر يقرب صوبنه اله ولعنه

بس الحمدلله في نهاية المطاف نتصالح وكل ناس لها اسلوبها

انا يا عيوني حنتظر لما يهدأ و بعدين نتفاهم لاني الصراحه ما احب الهواش و الصراخ , احب اتعامل مع الشخص بهدوء حتى في اشد زعلي .ز