بنات باجر آخر يوم لي في المنتدى معاكم ::::ممكن تدخلون وتساعدوني ؟؟؟

اولا حبيبتي ... لاتعلقين مصيرج وتفكيرج بحلم .... الاحلام مب كلها تصدق ولاانتي ملزومه تفسرين حلم وتفكرين فيه


ثاني شي .... اكيد امج عندها نقطه أو سبب لرفضها فلاتتضايقين ولو ماتم هذا الموضوع صدقيني خيره ... ربج مايكتب شي الا فيه خير لعبده توكلي على الله وابعدي عنج الوسواس والخوف وانشاءالله يارب تتيسر امورج عن قريب ....


نصيحة ( مجرب ) : أكثري الاستغفار

هلا اختي

الي اعرفه انه ان شاء الله بيكون هذا خير

بس مو عارفه من اي ناحيه

واذا بغيتي شخص يفسر لج هذا التفسير بالتفصيل عندي انا رقم شيخ مفسر اذا تبغينه راسليني عالخاص

:)

مرحبا الغاليه
فديت قلبج ليش هالتشائم كله
عااادي سواالف الرفض والمواافقه تحصل مع كل العواايل
انا يوووم عرست اخويه واختي ماكانوا مواافقيين ابدا
برغم انه الباقي كلهم مواافقيين.
حطي في بالج ياحيااتي اني هذي حيااتج انتي مستقبلج انتي انتي اللي تحدديين مصييرج مافي حد يحدده غيرج
نصيحتي لج صلي استخااره ..انا جذييه سوييت والحمدالله الاموور اتسهلت
وايذا كان خير الحمدالله وايذا كان شر ابعدي عنه اخيرلج
ومافي احسن من انج اتخيريين ربج في امووورج
اما عن الحلم انا في اعتقاادي انه خير ان شاء الله
هذا والله اعلم


ولييش باجر ااخر يووم تدخلين المنتدى؟

لأنه اليوم آخر يوم لي في الدوام ((الشغل)) وما عندي إنترنت في البيت أو بالأحرى ما عندي كمبيوتر خرااااااااااب وأمي وعدتني أنها بتشتري واحد ثاني عشان الجامعه والمدارس بس ما أدري متى فن ألحين الى ذاك اليوم أشوفكم على خير

مأعرف أفييدك أختي في الحلم بس أدعوى الله أن ييسر لكي أمرك ويفرج كل همك

مو دايما تفسير الحلم مثل ما انتي تشوفينه

ممكن خياطتج للطرحه تكون تفسيرها انج تمشين بدرب فيه سعاده
او انج تنجزين شي حلو

مو شرط الزواج


لا تحطين امل على الحلم لانه ما يفسر بشكله الظاهر

اختي شوفي امج ليش رافضة اذا سبب يستحق فرفضي هل شاب و دوسي على مشاعرج صدقيني رضى الأم واااايد مهم في الزواج و الله يوفقج

حبيبتي خلي ايمانج بالله قوي ما تعرفين وين الخير يمكن الخير مب وياه ويمكن وياه...ادعي ربج ولا تعلقين قلبج

حبيبتي ما الك الا صلاة الاستخارة انتي صليها و خلي الماما تصليها كمان و شوفو اذا بترتاحو للموضوع أو لأ

و الله يوفقك حبيبتي

عسى الله ييسر امرك وامر كل المسلمين

::

الحلم حلو ما في اي شي يخوف

وهذا تفسير حلم ربيعتج ...

فان خاط لنفسه فانه يصلح دنيا في صلاح الدين..

وهذا التفسير من كتاب تفسير الاحلام لابن سيرين ...

لا داعي للخوف حبووبه الله يوفقج ويسهل دربج ..

::