ورود للمواليد الجدد

RoOoOmy 06-04-2003 23 رد 5,916 مشاهدة
R
في موضوعي عن الورود الطبيعية وعدتكم اني اكمل واحط لكم صور ورود حسب المناسبات واليوم راح اوريكم مجموعة ورود تناسب اذا كنتي رايحة لوحدة والدة سواء في المستشفى او البيت
زي مااحنا عارفين ان المولود الجديد يعني الفرحة لاهله وكل اقاربه عشان كذا باقة الورد لازم تكون مميزة وناعمة مثل هالمولود يعني الالوان ناعمة وافكار تناسب المناسبة مثل وضع دببة وقلوب مكتوب عليها عبارات ترحيب بال new baby و نقدر نختار باقة الورد على حسب جنس المولود يعني البنت نختار لها الوردي اوالاصفر مع الابيض وخضار كثير والولد نختار له الازرق مع الابيض او الاصفر مع الخضار
بعض الافكار المفيدة عند اختيار باقة للمولود الجديد

*اذا حبيتي تخلين اي هدية او باقة مميزة حطي معاها مصحف صغير لان مافي احسن من كلام رب العالمين يبارك للاهل بمولودهم الجديد1- لا تنسي كتابة اسمك وصلة قرابتك اذا وجدت للمولود عشان اذا كبر يقرا ويعرف من مين هالبطاقة
2- السلات احلى من الستاند العادي بالنسبة لباقة المولود الجديد يعني تطلبي من اللي يسوي لك الباقة يحطها في سلة مو ورق او مثل الفازة العادية
3- اضافة بعض الالعاب مثل الدببة ومخدات على شكل قلوب او نجوم واقمار مكتوب عليها حرف المولود او عبارات مثل welcome او congratulations
4- شكل جديد موجود في محلات الورد من فترة وهو مناسب لهذا النوع من الباقات وهو عبارة عن عربة اطفال من الحديد او البامبو ويوضع الورد في داخلها شكلها غريب وجديد وفي نفس الوقت حلوة
5- اهمية التنويع في الباقة يعني مو لازم ورد او روز يعني في التوليب والليليز والسن فلاور وغيرها من الورود الغريبة حلو التغيير

6- لو حبيتي انك تهدين الام الجديدة شوكولاته او حلويات بمناسبة الولادة لازم تسوي نفس خطوات اختيار الباقة يعني العلبة والتغليف لازم يناسب فكرة الولادة علب على شكل رضاعة او تحطين دب صغير ماسك الشوكولاتة او تخلطين الحلويات مع الورد مع شوية دببة ابتكري وراح تعجبك النتيجة

الباقة الاولى مناسبة لمولودة
R
وهذي نفس الشي بس لمولود ولد
R
وهذي حلوة مع البالونات لبنوتة
R
نفس الباقة بس لولد
R
هذي غريبة بس حلوة
R
بالونات تقدرين تضيفينها للباقات
R
نفس البالونات بس لبنوتة
R
هذي شكلها حلو
R
نسيت احط لكم هذي حلوة للتوأم ولد وبنت او الوردي للبنت والازرق للولد
R
انشاءالله تعجبكم الصور والافكار
كان ودي ان اعرض لكم كل الصور اللي عندي بس المشكلة في الحجم انشاءالله مرة ثانية ادور صور اصغر عشان تشوفون مجموعة اكبر وموضوعي الجاي باذن الله باقات ورد لزيارة المرضى ولمن تزورون ناس منتقلين الى بيت جديد انتظروني
ا
رائعه جدا واسمحي لي اضيف الي عندي
R
ذوقك هو اللي حلو يا فتاة المروج والصورة اللي حطيتها مرة حلوة بعد وحلوة تنهدى في عيد الام بعد مشكورة اختي
ن
السلام عليكم

ما شاء الله عليك أختى الفاضله

موضوع حلو ومتناسق

ننتظر المزيد منكِ

الى الأمام :):):) دائماً
ق
اختي فتاه المروج
الصور رووووعه
و افكار تجنن
تسلمي
R
شكرا لك اختي نور الهدى وانتي بعد يا قلب جرئ ولو انك شكرتي فتاة المروج على الموضوع اللي انا مسويته :) بس معليش كلنا مثل بعض وانتظروا المزيد ولو ان الاخوات بس يقرون وما يعلقون وهذا بصراحة ما يشجع ان احد يدور لهم عن مواضيع وافكار وصور جديدة بس معليش عشان عين تكرم الف عين
ع
مشكوووورة اشياء حلوة
N
يعطيكم العافيه يابنات ..

roooomy_m و فتاه المروج

اختيارات فعلا رائعه وماقصرتو لانه موضوع مهم جداا داائما نحتار

فى اشكال وطرق للهدايا ونفضل الشي الغير تقليدي ...

تحياتي
R
مشكور اختي الحرمان وانتي يا نوفا وهذا من ذوقك الحلو عندي افكار ثانية بس للأسف ان البنات ما شجعوني اني اكتب عن الموضوع رغم انه موضوع حلو يعني الوحدة مننا بدل ما تحتار وش نوع الورد اللي توديه للناس في المناسبات المختلفة تشوف وتتعرف على افكار جديدة وتقول لمحل الورد يسويها لها انا عن نفسي دايما اسوي هالطريقة بس يمكن الباقي ما يهمهم الموضوع
N
roooomy_m

بانتظار المزيد من الافكار عيوني

يعطيك العافيه
R
انتظروا المزيد
X