يا شين فكرة الزواج لا انحطت في بالك.. انقذوني

اقول تعالي وانا اختس


تعالي تربعي قدامي وقشمي فص فص


واسمعيني


اولا ياعيوني انتي
مااحد منهم تقدم
بس موجودة بوادر خطبه
لاتستعجلين
وتحسدين نفستس على هالعيال ثم تصبحين صبح ماعاد تلقينهم
ثم عرس ماعاد فيه بح


استهدي بالله
ولاتتكلمين بشيء ماصار


ثانيا
اركدي للحين احط قشور الفص فص بأذنتس
لاتبينين لأحد انتس تبين تزوجين
انا مااقول انه حرام

انا اقول اثقلي ترا الحريم يخطبون لعيالهم البنات الراكدات اللي لاجاء طاري العرس حمرت خدودها
بيني قدام الحريم ان العرس آخر همتس واهم شيء دراستس
حتى لو كنتي متلهفه على الزواج
بس الثقل صنعة وانا اختس

ثالثا
تقولتس الحكمة
انا خذي اللي هو يحبتس لاتأخذين اللي انتي تحبينه
خذي واحد يدللتتس ويلبي طلباتس ومايقصر عليتس ومافيه مشوار مايوديتس له ومافيه شيء مايجيبه لتس ودايم يسويلتس مفاجآت وانتي صدقيني مع الايام غصبتا عنتس تحبينه الحرمه مشاعرها اتجاه اي معروف يقدملها سريعة وتحب بسرعة

ولاواحد تحبينه وهو عادي عنده جيتي رحتي بالطقاق وانتي ياعمري عليتس تزينين وتعدلين وتدلعين وهو عادي لحظة وناسة وينساها هذيك الساعة خلي حبتس له ينفعتس

وش تبين بواحد انتي تحبينه وهو يعتبرتس عادي ولابعد من زين نفس اهله وحبيبتي الولد مهب طالع من شور ابوه
انا مااقول اتركيه وانسيه
لا
اقول لاتحطينه قدام عيونتس
يمكن ربي يكتبلتس شخص غيره وتموتين عشان كذا لاتحطين امالتس كلها معه<<<اتمنى انه بالمقابل يحبتس عشان تتساوى الكفيتين

شوفي عيونس انتي اللحين محتارة بين ولد عمتس وولد خالتس


يمكن مايجيتس ولا واححد منهم


يمكن يجيتس اللي اطيب منهم كلهم وازينهم كلهم شخص ماتتوقعينه يجيتس

وش يدريتس؟

اطلبي من الله الخيره بكل شيء
واستخري ترا لا انا نافعتس ولا الف وحده تحل مشكلتس
الحل والخيرة من الله هو اللي ادرى بمصلحتتس


لاتزعلين من هرجي ترا والله حبيت افيديتس

وانفعتس
هذا رأي عاجبتس خذيه مهب عاجبتس اطلبي ان الله يصلحني


وش رايكم ياحريم اعرف احط كلمتين على بعضها ومالا مع جنبها