كيف كان اول لقاء مع حبيبك ؟؟!!

بالنسبة لي ...................هو اقربائي بس عمري مشفته ابد ويوم اجه لبيت عمي مشان يشوفني ( هو كان سامع عن عائلتي وعني وحب يشوفني ) وصدفة كانالعيد وكنا في بيت عمي واجى
ومناول ما اجى وانا حسيت انه راح يكون من نصيبي _ ما اعرف السبب
المهم
خطبني بعدها باسبوع وابويه رفضه لأنه كنت سنة 2 جامعة
بس هو ما ايس وبدت بيناتنا مرحلة الايميلات
وبسنة رابعة خطبني وبابا وافق
وبقينا خطوبة ومهر سنة وشهرين
وهسة اني متزوجة وعندي بنوتة
والحمد لله

ويارب يرزق باقي البنات بالأزواج الصالحين عاجل غير آجل
ويجمع كل وحده مخطوبة بخطيبها عاجل غير آجل يارب
:)

ادعووووووووووووووولي انشاء الله قريب

عشاان اعلمكم

الله يوووفقك فيء حبيبتي الله يووفقك

أنا ماكنت أعرفه قبل الملكه

يعني خطوبه تقليديه بس هو شافني بالصدفه في زواج أخته وقال لهم ابيها...هههههههههه

مابي غيرها

مع انه كان مضرب عن الزواج وبس شافني انفكت عقدته خخخخخخخخ

المهم أهلي شوي متشددين حبتين وكانوا خايفين علي وبالأخص أخواني يعني مارضوا لخطيبي أنه يشوفني حتى بعد الملكه بس صرت أكلمه ولما تعودت عليه شوي وحسيت انه دخل قلبي صار يلح علي انه يبغى يشوفني ومع أصراره قابلته بس من غير يدرون أهلي

الله لايراويكم حالتي في ذاك اليوم والله اللي يشوفني كني أسرق ماكنه زوجي على سنة الله ورسوله

المهم تأكدنا من أهلي أنهم ناموا كلهم

وصارت الساعه 3 الفجر تقريباجاني ووقف عند الباب وفتحت له وأنا ميته من الخوف والخجل والله اني ماشفت وجهه نهائيا لأني كنت منزله راسي بالأرض بس هو كان جرئ شوي معاي وكانت مجرد دقايق ولبستي خاتم جابه هديه لي

وعلى طول قلت له خلاص روح أخاف أحد من أهلي يجي ويشوفني وهو ميت فيني وميت علي من الضحك

ويقول أنا زوجك يالخبله.....خخخخخخخخخ








المهم تمت الخطوبه على خير



وتزوجنا على خير الشهر اللي فات والحمدلله وأنا الحين أموووووووووووووت فيه وهو ميت فيني من زمان


وبس









سااااااااااااااامحوني ...طولتها وهي قصيره

الموضووووووووووووووووع رهيب مشكوووووووووورة علية

انا لسه مخطوبه بقالى شهر
كان اول مره شافنى خطيبى فيها كنت ريحه لاخته علشان اعزمها لفرح اخويا وبعدين هو شفنى وقال لمامته عليا علشان يخطبنى
ويوم لما جه البيت والله مكنتش عارفه اخرج خالص من القوضه بتاعتى وكنت مكسوفه وانا قاعده معاه ومكلمتهوش خالص واخته كل شويه تقولى شوفى عريسك
والحمد لله تم الخطبه على خير
وعقبال الفرح ان شاء الله
وعقبال كل البنات يارب

حبيبتى انا معرفش حاجة عن العلاقة الجنسية وخايفة بيقولوا العريس بيتضايق من جهل مراته
هو مش حرام على اهلنا سيبنا منعرفش حاجة كده

أما أنا خطبني واحد من الأهل أخو ريل خالتي .. طبعاً خالتي اختارتني أنا وقالت بإني [GRADE="FF7F50 FF6347 008080 4B0082 4169E1"]عاقلة وحلوة [/GRADE]

وبعدين حددوا يوم عشان الرؤية الشرعية... وأنا ما كنت شايفتنه من قبل ولا حتى هو ...

كنت بموت بموت بموت من الخوف في هاليوم أهله وأخوانه وخواته كلهم كانوا موجودين..

وامي دخلت علي الغرفة وقالت يالله إنزلي وأنا من الخوف والارتباك قمت أصبح خخخخخخخخخخخ قلتلها خلاص قوليلهم أنا ما أباه.. خخخخخخخخخ وبعد الحاح نزلت وكنت لابسه جلابية مخورة وكنت حاطة مكياج خفيف بس كنت مرتبة وااااايد

سلمت على أمه وخواته ويلست وياهم وهم عاد النظرات والابتسامات بس الحمدلله كانوا وايد طيبين وقمت أسولف وأضحك معاهم وكأني أعرفهم من زمــــــــــــــــــــــــــان والله حسيت براحة وأنا ما بينهم وفجأة أخوي دخل وقال يالله الريال مستعيل ويبى يشوفهه واهني مت مت من الخوف .. دخل وقعد قريب مني وأنا ما شفته أبد هو كان يشوفني من فوق لين تحت ..والحمدلله وااااايد عجبته واتخبل علي وقال هذي اللي كنت أدور عليها..


و تم يسألني عن دراستي ودوامي.. وأنا منزلة خخخخخخخخخ بس لما طلع شفته فديتتتتتتتتتته قلبه والله....... وبعدها خلاص روحوا وبعد كم من يوم اتصلت امه عشان تعرف إذا كنت موافقة ولا لا..

طبعاً أنا استخرت ربي أكثر عن مره والحمد لله تيسرت الأمور..ووافقت

وححدنا حفلت الملجة وكانت من أحلى الأيام......

حجزت فستان الملجة وااااايد راقي وتمكجت... وكنت وايد متغيرة والكل عيبه شكلي....

وعقب نزلت وشافوني الناس وكانوا حاطين أغاني وربيعاتي وبنات خالوتي يرقصون والله أرقات حلوة..


وبعدين الحبيب يبى يدخل ياوييييييييييييييييييييييييييييلي عالمستحى....

أول ما دخل وقف يطالعني مندهش مب مصدق وأنا صدق اتفشلت وعقب سلم علي أول شي يا الفضيييييييييييييييييييييييييييييييييييييييحة باسني على خدي وعقب على راسي والله افتشلت والكل ضحك علينا..




وعقب لبسني الشبكة وهو قاعد يتغزل فيني ويقولي كلام حلو والكل ملاحظ ويضحك
وبعدين خلونا بروحنا والله قعد يمسك اديي ويبوسها ومن هالاشيا...

والحمدلله كان عرسي بشهر 7 وأنا إلحين حامل.. ادعولي اولد بالسلامة.... وسمحولي أكيد طولت في الرمسة ماعليه اتحملوني.......

مبروك يا بنات وربى يهنيكم وامانة عليكم تدعولى انخطب فى اسرع وقت وان ربى ييسر امورى وخاصة الدعاء فى العاشرة الايام الاخيرة من رمضان

من دون ذكر تفاصيل..


كــــــــــــــــــــــــان أحلـــــــــــــــــــــــــــــى يـــــــــــــــــــــــــــــــــــوم بحيــــــــــــــــــــــاتي


كان اروع يوم عشته بعمري كله

يوووم الشبكة كل مااشوف الصور اموت من الضحك على شكلي
انا و زوجي بينا قرابة بعيدة شوي يعني شافني قبل الشبكة في مواقف سريعة جدآ
وماصدق اني اخلص من الثانوي إإلا وصارت الشبكة والله يا بنات كنت مررهقة وناحفة كثير من الدراسة
والادهى والامر كنت مركبة تقويم باسناني
كان جالس ومعاة خالي لان ماعندي اخو
المهم دخلت وسلمت وجلست بس حتى الابتسامة ماقدرت ابتسم من هاإلي باسناني
المهم الرجال ضاق صدرة وماصدق يطلع خالي شوي الاسالني وش الي مضايقك فيك شي
انا على طول مت من الضحك وطلع التقويم كلة وعرف السبب بعد ماروعتة بها الاسنان

مرحبه جميعا انا جديده عندكم ماشاركت من قبل بس هذا الموضوع شدني للمشاركه
انا عني خطيبي ابن خالت امي ساكن بمنطقه تبعد عنا ساعه ونص فما يجي كثير ولا كان بينا احتكاك كثير بضات اهو لكن اخوه الاصغر منه سافر معنا وكنا اصحاب كثير دائما مع بعض اما هو فكان قبل لا يخطبني التقا فيني قبل الخطوبه بثمان سنوات وماكنت ادانيه دائمن مع اخوه من وانا صغيره حتى فكرو الاهل ان حنا نحب بعض وهو قبل لا يخطبني بسنه كان جاي لبيت جدتي وانا كنت جالسه اشوف التلفزيون اجا حتى يسلم على جدتي الي هي خالته بس ماشافها وماكان بالبيت الا انا والخدامه وهي كانت بالحديقه نادا على احد يرد عليه وكنت اسمعه بس خجلانه اجاوبه تشجعت ورديت عليه وقلت له جدتي طالعه سلم علي وقال خبريها ان انا جيت وكان الا مر طبيعي من يومها حطني على باله بس من صوة من غير لا يشوفني ففكر انه يخطبني وخبر خالتي انه راح يسافر للحج ويجي وهو عنده مشروع ياليت تجهزون له شنو هذا ماخبرهم بس خالتي حست فيه من تغيراته وهي طبعن من قبل كانت ماتريد لولدها الا انا حتى كانت تقول له انت لبنت اختي هو طبعن يسكت من غير اي انفعال على اساس انه ما يعرف عني سوى الاسم والصله
وصحيح اجا والحمدالله تمم حجته وطلب انه يخطب وقال حتى اوفر عنكم البحث فاانا اريد افلانه بنت خالتي ياليت تخطبونها باسرع وقت لان اريد اتكلم معها وتكون من نصيبي وتمت الموافقه وبعد عشرين يوم من الموافقه طلب من ابوي انه يجلس معي بحجت النظره الشرعيه ابوي اعطاه الحق وجا وانا متوتره حدي حدي شخص ما ادانيه بس قلت وان تكرهو شيئ فهو خيرا لكم وهو ولد خالتي ماهو بغريب ولكل مدحه لي جلست الكل يضحك وانا متوتره كيف راح يكون القاء وكيف شكله ما اتذكره وخايفه اغلط اسوي اشياء اندم عليها اشياء واشياء خفت منها وانا جالسه يمهم حتى من خوفي لبست اسود في اسود الكل انتقد بس اصريت وماكان لي نفس اغير اجت اخته وقالت يلا تعالي بالهلاك مشيت وانا مثل الجاهل اترجاهم وجسمي يتراجف امي خافت علي وقالت سمي بسم الله وتكلي على الله وادخلي وانتي مغمضه وصحيح دخلت وانا مغمضه وهم ماسكيني اخته واختي وقفوني بنص اختي اهمستني فتحي عينك شكلك مو حلو كذا مافي مجال انتاقش معها قدامه استسلمت وفتحت عيني الا وهو عينه بعيني وهو متبسم تمت لحظات بيني وبينه جمود عين بعين لمن تداركت الموقف وطلبت ان البس عباتي ولبسته وانا عطته ظهري الا اهو اعطا اخته اشاره تطلع وصحيح مانتهيت الا وهو يسكر الباب قلبي وقف دمي جمد انا وهو مت والله مت قمت ابكي ما لفيت كلي بس مايله حتى طلع صوة مني بالبكي وانا اتلوم ليش يتركوني اصيح وهو انتبه اجا لي ليش تبكين انتي ما تبيني انا اتصرف معك عادي نفس اي شخص بنظرته لبد يفرد بخطيبته اشوف ردك لي تشوفين ردي نتناقش باشياء تهم كل الطرفين كبدايه مو بتفصيل بس الا ساسات هذا الشي ما يعجبك وثانيا حقك هذا وحقي السؤال والجواب ممكن هنا انا ارتحت له وبتسمت وطلب مني اجلس وجلسنا وسالفنا وطلب يشوف جوالي سمع انواع الموسيقات الي احبها ودق رقمه بجوالي حتى يطلع رقمي بجواله من غير اي استئذان وهكذا كانت بدايتي معه والان لنا سنتين لاهو يقدر على فراقي ولا انا لكن شاء القدر يدرس بالخارج ودعو لنا بالفرج وزواجي ان شالله لمن تجي لخطيبي البعثه ادعو له لاني حيل مشتاقه مشتاقه له

لما يجي أنشاء الله و أقول كل شيء

موضوع حلوووووو ورائع وعقبالنا

وان شاء الله حبيبنا بالجنة ( ابتسامة خجولة )

ياالله ارزقنا الشهادة في سبيلك عاجل

وان شاء الله عريس بجمال النبي يوسف او أشد جمالاً

قولوا آميييين يرحمكم الله .

اول يوم شفته كنت فى النادى وقاعده مع اصحابى بنلعب وهو كان صاحب اصحابى دول واول ماشافنى جه سلم على اصحابى وقعد معانا ومنزلش عينه من عليا ولا لحظه طول الوقت وانا كنت حسه انه عمال يبص عليا بس كنت بتكلم بطبيعتى عادى خالص وهو حب فيا بساطتى واتعرفنا وبقينا اصدقاء وبقينا نكلم بعض من غير اصحابنا وحبينا بعض اووووووووووووووووووووى وفضلنا نحب بعض 4 سنين وكل الناس كانوا بيقولولنا ان باين علينا ان احنا بنحب بعض وبعدين اتخطبنا من حوالى 10 شهور وهنمووووووووووووووووووووت ونتجوز بسررررررررررررررررررررررررررررعه اصل مابقيناش قادرين نستغنى عن بعض

انا اول لقاء بينا قبل 3 شهور تقربيا وما انسى ابدا اني كنت في امارات مع الاهل والتقينا اهل الوالد هناك يعني ياين امارات والصدفة في مجمع ستي سنتر عاد تمينا طول اليوم مع بعض ورحنا المطعم وتسوقنا واستانسنا بس ما كنت متوقعة ايي البحرين ويتصلون علينا بيون البيت يعني حبل التواصل بما ان من فترة ما شفناهم وهم بالبحرين .. وانا يا غافلة ما كنت ادري هم ياين البت اشوفوني على الطبيعة ويسئلون عني وعن الاهل ...

ما صارت بعدها 3 ايام الا متصلين يبوني لولدهم . ويا سلام اشلون الدنيا ابدا ماكنت اتوقع اني بخطب وانا توني 19 سنة وهو 23 سنه يدرس بالجامعة ويشغل بالاتصالات .

رب العالمين سهل بينا اول مقابلة بالسيتي سنتر وكنت اميل لعيونه نظراته حلو وخجلان وهادئ بما كنت هادئة واشوف نظراتة حسيت ان شي بداخلي يجذبني الية ,,, سبحان الله .

وان شاء الله بالربيع بخطب الحين قاعدة اجهز اغراض
وعقبالكم