هل اقدر اسميها خيانه زوجيه؟؟؟بليز ساعدوني

لا حول ولا قوة اللا بالله

يا اختي الله يهديج صح الموضوع يجرح ويصدم .. بس ما توصل للطلاق ..

يعني اللي صار شي ممكن يتصلح مب انه شي معدوم الأمل ... فأول شي تسوينه انسي شي اسمه طلاق ..

ثاني شي واجهيه بهدوء وقولي له بالي شفتيه ... وحسسيه بحزنج وصدمتج باللي سواه بدون صراخ ..

لأنه كل ما كنتي هاديه وتكلمينه بعقلانية راح يستحي بالذات انه اتوقع هالشي اول مرة تشوفينه ..

ومهما عطاج اعذار انج كنتي بعيده عنه .. حسسيه بالذنب اكثر واكثر حتى لو قلبج رضى عليه ..

فهميه حرمانية الي سواه .. وانه هذا زنى العين .. وذكريه بربه..

وان شالله ينحل المووضوع بس لا تتكمين عن السالفة عشان لا يتمادى ..

والله يهديه ان شالله

مشكوره اختي
3yoOon_AD
وايد على الرد بس اذا صارحته اخاف يتهمني اني تجسست علي وتروح اثقه بينا

الله يفرج همك وانا مع الاخت3yoOon_AD صارحية لكن بمنتهى الهدوء او حتى لمحي لوا بشكل وااااااااااضح يعني تضمني انو يفهم واكيد ما رح يلومك على التجسس لان التجسس اهون بكثير من الي عملوا يعني حتى لو قالك انتي بتتجسسين علي قوليلوا يارتني كنت عملتها من زمان ماكنت خنت ثقتي يعني اقلبي الغلط كلوا عليه لانو فعلا هو الغلطان و انتي ما دورتي وراه الا حفاضا على بيتك وعلى عفتوا ودينوا و الله يهدي زوجك يارب

اختي الله يعينك لكن انتي قلتي بنفسك انه كان في دورة وكنتي بعيدة عنه انا هنا ما اعطيه عذر لكن الانسان يخطئ

ويذنب وما دامها اول مرة حاولي تتناسين الموضوع ولا تبينين له انك عارفة او شي من هالقبيل انتي تعدلي ادري

بتقولين صعب وانا مقهورة لكن من ستر على مسلم ستر الله عليه كيف وهو زوجك واذا كان رب الناس ساتر عليه انتي

استري عليه وحاولي تكونين بأبهى صورة وهو راح يحس بتأنيب الضمير اناضد المواجهة ولو تقرين في المشاكل

دائما ينصحون بعدم المواجهة لكن بالتلميح لا التصريح مثل تقولين انه ما ادري وش فيهم الرجاجيل ما يخافون من الله

كثرت المشاكل في هالمنتديات وكلها من سبب المواقع الاباحية وعدم الخوف من الله والحمدلله ان الله رزقني بزوج مثلك

يحفظ نفسه ولو اني بعيدة عنه كذا اعطيتيه تلميح ونبهتيه وهو راح يأنبه ضميره والله يسخر لك زوجك وشيلي فكرة

الطلاق من رأسك وحاولي تفكرين بحل للمشكلة انتي نفسيتك كانت تعبانة وفكرت بعاطفتك ولكن فكري بعقلك

وحافظي على مملكتك والله يوفقك ويسخر لك زوجك ويفرج همك .

لا حبيبتي الموضوع مش موضوع تجسس ..

قولي له وفهميه بصدق انج على نياتج ما كنتي اتدورين ..

يعني هو مانعج من استخدام لابتوبه ؟؟؟

في هالحال قولي له ماعليه انا غلطت واني دخلت من وراك وانت مانعني .. بس سبحان الله يمكن الله بغاني اسوي هالشي عشان اكتشف هالموضوع وانبهك قبل لا يفوت الفوت ..

وخلي كلامج بثقه وهدوء وانه رب العالمين يحبه لما يرسل له شخص عشان يصحيه من الي فيه ويذكره بخطورة الموضوع ...

لا تنسين اهم شي خليه كلام رب العالمين فلسانج وذكريه بسوء الخاتمه ...

اما لو سكتت عزيزتي النفس البريئه ما تضمن يمكن الريال يستمر باالي هو فيه .. ومهما لمحت يمكن يكون من النوع الي مايحس ويخبي ..

هالشي مافيه ستر وفضيحة لأن هيه ماراح تفضحه عند خلق الله .. هي بالعكس تنبه وهذا الي رسولنا الكريم عليه الصلاة والسلام وصانا فيه ..

من رأى منكم منكراُ فليغيره ....

حاولي تكونين اكثر عقلانيه لاتهدمين حياتج عشان هل مشكله حاولي تحلينها تقربي منه وتفهمي ليش سواء هل شي وان شالله تنحل الامور ^_^

اسمحي لي اخالفك في الرأي اختي 3yo0on_AD رجال هالايام ماينفع معهم التصريح وبسرعة يقلب عليك وتخبرين

الرجال إذا بغى يتهرب راح يرفع صوته ويوتر الجو ويقلب الطاولة عليك وبالتالي نفسيتك راح تتوتر وراح تفقدين

هدوءك وتبدأ المشكلة تكبر وهي مشكلة بسيطة الافضل التلميح لا التصريح حتى الزوج راح يتقبل الموضوع وانا اتفق معك ان لا بد من تغيير المنكر

وانا اقصد ما دام هذي اول مرة اذا كررها الزوج انا معك يأتي دور التصريح بهدوء



اتمنى انك ماتاخذين الموضوع بحساسية حبيت ابين وجهة نظري والسموحة اذا كدرت خاطرك.

السموحة صاحبة الموضوع على الكلام الجانبي

لا بالعكس اختي النفس البريئة

نحن هني نعرض الحلول المناسبه والاخت صاحبه المشكله لها الاختيار اولاً واخيراً ...

والله يهدي النفوس .. بس صدقيني الزوج الي يسوي نفس الي انتي قلتي عليه معناته يتهرب وفعلاً مسوي شي

ان شالله تهدى الامور من بينهم . ..

مشكورة اختي 3yo0on_ADعلى نبل اخلاقك أمين الله يتقبل منك وتهدي النفوس بين جميع الازواج والزوجات ويسخرهم لبعض

مشكورين خواتي على الرد
3yo0on_AD
لا هو ما منعني من استخدام اللاب توب بس انا اتوقع انه بيتغذر باي عذر
انا صراحه خايفه اصارحه ما اعرف كيف ابدا واخاف ما اصيطر على اعصابي واخاف المحله يبان اني امثل او اني اقصده هو ؟؟؟وبيني وبينكم احس اني اذا صارحته بينكسر كبريائه وانا احاول اني ما اجرحه لكن في نفس الوقت مقهووووووووووووووووووووره منه):

أختي الغالية .. لو انا كنت بمكانك مستحيل أصارحه لأن هذا فعلا راح يجرحه بعمق ويحس انه طاح من عينك وصعب عاد تهدأ نفسه ويرجع مثل ما كان
أنا أؤيد بشدة رأي الأخت النفس البريئة .. بالتلميح صدقيني بيفهم انك اكتشفتيه .. كلميه عن الشباب اللي يدخلوا المواقع الإباحية وتفاهتهم وبعدهم عن ربهم وسوء أخلاقهم وادعي له ولك أمامه ان الله يستر عليكم ويحفظكم من هذي الأمور..
هذا أفصل بكثير من التصريح أمامه بخطأه والنتيجة أفضل أكيد .. أكثري من الاستغفار والدعاء وربنا أكرم الأكرمين
الله يوفقك لعمل الصواب ويحفظلك زوجك ويهديه

أختي الله يهديج على طول طلاق..لاحول ولاقوة الا بالله..كل انسان يغلط..ومافيها لو أنتي نصحتي زوجج..هذي عشرة عمر..ممكن تنصحينه بعدة طرق تحطيله شريط..ديني عن المواقع الاباحيه..او تهدينه كتيب..بس مو على اي مشكله الحرمه يجيب طاري الطلاق..ولو كان الزوج يموت بزوجته..بس صدقيني لو الحرمه على اي سالفه بتقول طلقني وطلقني يجي يوم ويكون الموقع كبير والزوج معصب وتطلع الكلمه غصب عنه..والريال اللي يشوف الحرمه ماتتمك فيه..مايتمسك فيها..كل مشكله ولها حل..والله يهديكم يارب..

أخــتي احسك مكبره الموضوع

انصحيه

بس ماتوصل للطلاق

حبيبتي مشكلتك هذي تعاني منها 70 بالمبه من المجتمع العربي
بسبب هالمواقع والافلام الاباحيه
حبيبي الرسول صلى الله عليه وسلم يقول ضع لاخيك سبعين عذرا
وحاولي تفكرين في ايجابياته الثانيه مافي احد كامل حبيبتي
صج الموضوع صعب جدا بس انتي قوليله يازوجي انا قصرت عليك بشي قصرت معك في بيتك ولا في زينتي ةلا نضافتي اكيد بيقولك لا قوليله اجل وشو تشوف في البنات اللي بالنت يعني انا مو ماليه عينك
يعني قوليه باسلوب ناعم وهادي عشان ماتتهاوشون اثنينكم وامدحيه بعد قوليله واحد مثلك بخلاقك ومحافض على فروضك يجي منك الشي هذا
خذيها بالمسايسه حبيبتي من غير تعصيب وطلاق ابدا ماتوصل للطلاق

وان شاء الله تتصالحون
واكيد انتي اذا قلتيله مراح يجيب طاري التجسس ابد لانه هو اللي غلطان وهو اللي بيكون محرج من نفسه
وان شاء الله بيعتذر لك ويبوس راسك بعد وتتصالحون

اختي انا راح اقولك موقف صار معي يمكن يفيدك وتكوني ظالمة زوجك

انا مرة دخلت قوقل وفتحت الهيستوري(ما ادري بالعربي اش يقولون له يمكن الذاكرة) المهم لقيت بحث عن منتديات جنسية والعياذ بالله , انا ما شكيت في احد ابوي انسانة كبير وعاقل وما يفتح النت الا حق الاسهم وخواتي صغار حدهم يلعبون العاب ويطفونه وحنا بعد نراقبهم.

ما ابي اطول عليك بالسالفة اختي قوقل عنده خدمة يقدمها وهي مثلا لمن تدخلي كلمة للبحث هو من باب المساعدة يكملك الكلمة يعني لو حطيتي منتديات هو راح يطلعلك قائمة باسماء منتديات مثل منتديات اسرية....اجتماعية....وهكذا

وانتي جربي بنفسك يمكن تكوني ظالمة زوجك

والله يعينك

الله يعينك يا رب ويساعدك ..
حبيبتي انا ما اشوف انه هالشي خيانة ..
يعني اتوقع أغلب الرجال يسوو هدا الشي حتى لو كانوا مرتاحين في بيتهم ..
يعني بس مجرد شي يسووه ويقضوا وقت فراغهم ..
يعني انا ما اشوف انك تصارحيه ..
بس سبحان الله ..
مدام انتي اكتشفتي انه مهتم بهدا الشي حاولي انك تعطيه أشياء أحسن من اللي يلاقيها في المواقع دي ..
يعني اتغيريله واتزينيله بطريقه مختلفة وجريئة أكتر ..
سبحان الله يمكن هوا من حاله يتغير ..
وادعيله انه ربنا يبعدها عن هدا الطريق..
ولو حسيتي انه مازال يفتح هدي المواقع ..
صارحيه وقولي اللي في قلبك ..
وأسأليه ليش يسوي كدة
وهل هوا يرضى انك تسوي نفس الشي؟؟
قوليله انك تحبيه وخايفه عليه من الذنوب..
وانتي زوجته حلاله قدامه ..
مايحتاج هدي المواقع ..
ولاتخافي منا لصراحة لأنط ما سويتي شي غلط ..
بس فاتحيه في الوقت المناسب..
والله يكون في عونك..

الله يهديهم يا رب ... الرياييل مشكله ....

حاولي تكلمينه بهدووووووووووء وتفهمينه وان شاء الله ما بيكررها



رووووووووز

والله





موضوعك




واييد حسااس






لكن لمن نشكي





لله الذي بيده ملكوت






كل شي

والله ذكرتيني بموقف صار معي لما فتحت جوال زوجي لقيت فيه اشايء اباحيه وهو عرف اني شفتها بس طنشت يعني انا غلط اني طنشت بصراحه انا ما بحب ابين اني بغار عليه عشان ما يزودها معايه وانا بحس انو بالعماده بحط صور اباحيه على جواله عشان يثير غيرتي وانا مش عارفه شو ارد عليكي يا ريت يساعدونا البنات.