انا صح ولا لا ؟؟؟

انا والله مالي خبره كافيه

بس الي اعرفه انا الرجل يحب مهما كان يكون له عالم لحاله

يعني خليه يروح ويتمشى مع اصدقائه وحددي ايام ثانيه تكونين انتي واياه

ومومعنى هذا انه ما يحبك بس ترى طبع الرجال غير يحب يكون له عالم لحاله وفيرله هذا العالم بدون ما تخلينه ينعزل عنكم يعني يا عمري امسكي العصا من النص

وبنفس الوقت ان صار في البيت حولي تسوين جو يعني تابعون فيلم مع بعض وتحطين بوب كورن وحركات وتنومين العيال

شوفي المتزوجات عندهم نصائح احسن مني لخبرتهم والله يوفقك ان شاء الله ويزيد المحبه بينك انتي وزوجك

اختي بقوول شئ بس مو تزعلين

هو غلطان بس ما ينلام وانتي بعد غلطانة وبعد ما تنلامين

انتي من الصبح بروحج ومع العيال وما عندج احد يسولف معاج تخيلت وضعج وااايد ممل
واكيد ما تصدقين اول ما تشوفينه تبين تسولفين تبين تضحكين الانسان فيه فطرة من ربي انه
ما يقدر يعيش بروحه ومن كلامج فهمت ان زوجج وايد متضايق منج وهذا غلط المفروض ما تنفرينه منج
صح انتي بروحج طول اليوم وتبين تسولفين بس انتي بالطريقة هذه تضغطين عليه عطيه فرصة يرقد
يرتاح يعبي طاقة :2_106:عشان يقعد معاج ومع العيال

زوجج مسكين يقوم من الصبح على الدوام وشوفي الين المغرب واايد طويل دوامه اكيد بيرجع وهو هلكان ماله خلق
بس بعد المفروض يكتم مشاعره وما يبين انه متضايق منج لهدرجة وبعد لو يعوض عليج الوحدة هذه يعني يطلعج
يوديج حديقة او البحر او مطعم

الحل اختي حاولوا تتفقون تسون جدول اسبوعي يعني يومين بالاسبوع يطلع مع ربعه و يومين يطلعج بروحج من دون العيال يوصلهم بيت هلج وتروحون مشوار بروحكم يوم تسهرون في البيت تشوفون فيلم سهرة

وممكن اختي لما تطلعون مع عيالكم تروحون مطاعم فيها العاب مثل ماكدونالدز او برجر كنج بحيث عيالكم يلعبون
وانتي و زوجج تقعدون مع بعض بروحكم

ان شاء الله البنات يساعدونج ادري كلامي وايد ويعور الراس

والسموحه منج اذا قلت شئ يزعلج

السلام

انا من رايي انك تتفقين معه مثلا يوم يطلع ويوم يكون في البيت ويوم تطلعون مع العيال >>كذا يكون في توازن لا هو ينظلم ويبعد عن ربعه ولا انتي تنظلمين ولا العيال بعد

ومثل ماقالت ((رابنزول))تقدرين تشغلين نفسك باشياء كثيره مثل الدورات او المعاهذ او انك تتعلمين عن طريق النت

حاولي تجددين عن روتين الحياه عشان تجذبينه انه يجلس بالبيت ولا يكون همك العيال غيري من شكلك ومن اسلوبك عشان تجذبينه

او قولي له انك عازمته يوم في شاليه((مثلا))وحطي العيال عند اهلك>>طبعا بال((ويك اند))

سوري على الاطاله

وعطينا النتايج

في السنوات الاولى من الزواج ترغب المرأة الجلوس والحديث مع زوجها في جميع الاوقات0000 ولاتمل

هكذا الحال معي ومع قريباتي

ولكن تأكدي بعد مرور عدد من السنوات على زواجكم ستجدين ان المسؤلية قد كبرت عليك والمشاغل كثرت

بعدها0000تفرحين عند خروجه 0000لتقومي باجراء مكالمة مهمه 00 اوالتصفح بالنت 00 اوغيرها

أقول أشتري سيارة بأرخص سعر ورحي وين ماتبين
بعدين أحمدي ربك عندنا في السعودية منعين السواقة للحريم يعني منسوق سيارات

لصقي فيه ليش لأ

بس حاولي تغيرين الجو مثل اختنا الي تقولج مثلا تابعوا فليم

عشان ما تحسون بالوقت

بس يوم قلتي مناسبات و أعراس ما ودج يروحهم ما تحسين زودتيها حبتين على قوله المصريين

تخيلي انتي في مكانه شبتسوين؟

اتفقوا على يوم كل اسبوع او اسبوعين يمر على ربعه وانتي تمرين على رفيجاتج


الله يخليكم لبعض

ممممممممممم..
انا اللي اشوفه انه تخليه شوية يخرج عشان يحس انه مشتاق لك ..
مع اني مقدرة معاناتك ..
بس برضه ..
عشان الرجال ما يحس بالملل ولا لحظة ..
لازم يكون فيه شوق بينكم ..
والله يعينك

الله يعين الحريم بس ......

نبا نكون مع رياييلنا وهم احس يشردوووووووووووون *___* ما ادري ليش



رووووووووووووز

اهليييين بنات .. ومشكوريييييين على ردودكم (f)


بنات انا مشكلتي اني احب اقعد مع زوجي بالذات مو بس ان اشلون اقضي الوقت ،، يعني انا في الاساس طالبة في الجامعة وللحين ما تخرجت يعني تجيني ايام اكون مزحوووومة فيها على الآخر لكن بعد لااااااااااااااازم اخلي وقت لزوجي اقعد معاه واسولف واطالع فلم مثلا ولا نطلع حتى لو كان هالشي على حساب راحتي ولا على حساب مذاكرتي ودروسي ..

وحتى صديقاتي تقريبا قطعت الزيارات ، تقريبا ما اشوفهم الا في المناسبات خطوبة وحدة ولا عرسها ولا ولادتها او مثل هالمناسبات ،، وكل علشان زوجي واني احب اكون معاه على طوووول (w)


يعني انا ممكن تصير عندي اشياء انشغل فيها لكن بعد احب اقعد مع زوجي ولا احب يتركني ، ويمكن المشكلة اني اطالب زوجي بنفس اللي انا اسويه (w) يعني مثلا انا ما اروح طلعات مع صديقاتي والمفروض هو بعد يضحي ولا يروح طلعات مع ربعه .. انا مثلا لما ارجع من الجامعة تعبانه ودايخه لكن لما اشوفه انسى التعب واكون حابة اقعد معاه لكن هو لما يرجع من الشغل يكون همه النوووم لو غفوة نص ساعة (w)


طبعا احنا متفقين انه ليلة الجمعه يكون فيها مع اصدقاءه ، ويوم الجمعة العصر اروح عند اهلي اقعد الى الليل وهو في هالوقت بعد يكون حررر يقدر يسوي اللي يبغيه ويطلع مع ربعه ويشوف اشغاله وو .....

لكن باقي الايام ما احب يتركني يطلع .. طبعا هذا مو معناته اني اسوي مشاكل واتهاوش معاه ولازم تترك اللي عندك وتتفرغ لي ،، لا .. اخليه يروح وكل شي لكن انا اكون زعلانه (w)


واللي يقهر ان مثلا لما اكون انا بالجامعة وهو لظرف ما في البيت او لما اكون يوم الجمعة في بيت اهلي ،، يقول انه ما يعرف ينام حتى لو حاول بالساعتين انه ينام ما يجيه نوم واخر شي يقوم لكن لما اكون معاه واحنا قاعدين نطالع التلفزيون مثلا ما اسمعه الا يشخر (w) وهو بنفسه يقول مادري ليش لما تكونين مو معاي ما اعرف انام واغلب ولا يجيني نوم :balloons:


هذه هي مأساتي الحالية .. ساعات من القهر اقول يا ليتني ما احبه ما كنت اهتميت في ان يكون معاي وكنت بفرح لما يطلع ..

وعن هالنقطة

بعدها0000تفرحين عند خروجه 0000لتقومي باجراء مكالمة مهمه 00 اوالتصفح بالنت 00 اوغيرها

انا مثل ما قلت انه يشتغل للمغرب وانا في هالوقت اخذ راحتي في القعده ع النت والتلفون اذا كانت عندي مكالمة او اسوي اي شي .. وساعات بعد اكشخ الشقة واتكشخ له انا واليهال وممكن اسوي له عشا ومرات حضرت له حق مساج واسويله له حركات .. يعني في الليل اكون متفرغة له تماما واحب انه يتفرغ لي بعد


وطبعا بالنسبة عن الكلام اللي بخصوص نطلع بروحنا ونخلي اليهال عند الاهل فهي تقريبا مستحيييييلة لاني ما عندي احد اخلي اليهال عنده لا اهلي يقدرون ولا اهله .. فلا طلعات نقدر ولا سفرات نقدر ، حتى زوجي مو من النوع اللي يحب نتركهم ونطلع الا للطلعات الهااامة مثل روحة مستشفى مثلا .. تخيلوا ان احنا بنروح العمرة وما عندنا احد يمسكهم وقررنا خلاص ان ناخذهم معانا (w)


ادري ان غلطانة والمفروض اخليه لربعه وخصوصا انه للمانة طلعاته قليلة وساعات اقول بيني وبين نفسي خليه يطلع مع اصدقاءه يستانس ويغير جو وحتى هو بعد بعد بيفرح لما يشوف ان ما عندي اي اعتراض لكن بس يجي يقول لي انا بطلع الليلة مع الشباب اصير (w) وحتى لو سكت وقلت له اوكى يبان علي ان مو من قلبي وهو يعرف لي ..

الله يوفقكم مع بعض ويخليكم لبعض يارب


ما أعرف شنو أقول لجج ولا شنو أنصحج حبيبتي

ماما حسون انا مثلك
بس انا زوجي يشتغل دوامين يعني يرجع الظهر يتغدا وينام اشوي
ويطلع العصر الشغل مرة ثانية وما يرجع الا 9 الليل
واصير طول اليوم بروحي لانة اهلي بعيد عني وما عندي سيارة
وما اصدق اجي الليل عشان يجي ويساعدني على ولدي الي مطفشني طول اليوم
ومتفقين انه اذا بيطلع مشوار صغير يطلع صدوقي وياه وانا اقعد في البيت
اجهز العشا او انظف الشقة وبالنسبة لطلعته وية الشباب عنده ليلة الجمعة يطلع فيها ويسهر
ويوم الجمعة اصير في بيت ابوي وهو يكون حر من العصر لليل
اتفقو انتو الاثنين في انه اذا بيطلع مشوار صغير يطلع الاولاد اشوي وياه
ولله يسعدكم ويسر اليكم ويخليكم لبعض

حبيبة جيمي;4289271:
اتفقو انتو الاثنين في انه اذا بيطلع مشوار صغير يطلع الاولاد اشوي وياه

يا ريت اختي .. هو مستحيل ياخذ معاه عياله مكان ، قولي خل الصغير على جنب .. بس الكبير بعد ما يبغيه معاه .. حتى لو بيروح يشتري عشا يطلع عن ولده ويشوفه يصييييح يبغي روح معاه ولا يرضى ياخذه مع اني اقوله اخذه معاك خفف علي شوي لان بعد بيقعد يصيح له فترة لكنه ما يرضى (w)
نااااادرا اذا يطلعه مكان مثل بيروح عرس ولا ملجة او عزومة في مكان يعني اما طلعات مع اصدقاءه نو وي ياخذه معاه ولا حتى مشاوير حث العشا او مثل هالسوالف ..

ههههه يا ماما حسون ...كانج تتكلمين عني

خصوصا هاليومين وانا مختبصه من غير شغاله..واهلي مسافرين و حاسه بضيييييييج فضيع..صاير كل يوم طلعات عند الشباب..وانا طبعا ما اقدر اقول شي عشان ما يحس اني مقيدتنه مع اني اضايج من داخليززوهو يعرفلي...طبعا غير طلعه الخميس في الليل الخيمه عند الشباب :(
بس ما اقول انه مقصر علي ..يعني يطلعني...واذا قلت له وديني مكان يوديني..مع اني اسوق..بس احيانا اباه هو اللي يوديني...غير انه نطلع عالاقل مره في الاسبوع بروحنا ونخلي حمود مع امي...بس الحين بما انها مسافره من متى ما طلعت ويااااه طلعه وناسه :( لو بنطلع يكون مع حمودي مول او الالعاب...

خليها على الله..واخرتهم بيملون :)

السلام عليكم و رحمة الله و بركاته

أهلا أختي أم حسين

كلنا نمرّ بنفس المشكلة

أنا أقول لزوجي الأطفال صاروا أمر واقع...لازم نأقلم نفسنا معاهم...مش نهرب منهم...( يعني بس كل شويه عايزين عيال...و لمّا ييجوا مش عايزينهم معانا...:) )

مش معقول كل شويه ما ينفع نطلع بسبب العيال...قلت له شوف كل الناس في المولات و الحدائق بعيالهم...يطلعوهم و يغيروا لهم جو بدل حبست البيت...صح ؟...و هذا واجب الوالدين مش حد ثاني,...

بس الإتفاق على إنه يوم الإجازة لنا ...للبيت و العيال...مهما حصل...

باقي الأيام بحاول أخليه على راحته...كفاية إنه مضغوط في شغله و دوام شيفتات و حالة...

الله يوفقك أختي :)

اهلييين بنات ..

بس حبيت اوضح علشان ما اظلم زوجي .. ان زوجي مو مقصر معانا يعني يطلعنا ونروح كل مكان واغلب الليالي يكون معانا في البيت ، لكن المشكلة انه لو مرة في الشهر " غير يوم الخميس " قالي انا بطلع مع الشباب اتضايق ويكون ما ودي يخليني ويطلع .. (w) وبصراحة انا حتى يوم الخميس يروح غصبا عني لانه متعود على هالليلة من زماااان

يمكن اكون دلوعة او مستبدة لكن انا اشوف نفسي بعد مظلومة لاني ما اشوفه طول اليوم ومن حقي لما يرجع من الشغل يكون باقي اليوم معاي .. لكن هو يشوف ان ما فيها شي لو طلع ليلة مع ربعه ويوم ثاني بيكون معاي ..

خصوصا لو كان اليوم ثاني يوم دوام .. اتضايق اكثر لاني اعرف اني ما بلاقيه الا يوم ثاني المغرب ، يوم الخميس تكون عندي اهون لان بيرجع وبتكون ليلة اجازة ممكن نكمل السهر في البيت الى وقت متأخر ويوم ثاني بيكون معاي لكن اذا ليلة اجازة يعني بيرجع من برا وبينام ويوم ثاني بيكون في الشغل (w)



وطبعا زوجي يشوفني انانية (w) لانه على قولته ما يمنعني من شي ولا من طلعات لكن انا يوم يطلع اتضايق .. وانا اقوله اذا جيت في يوم وقلتلي لا تروحين عرس صديقتج لاني حاب اقعد معاج صدقني راح اترك العرس واقعد معاك .. بس هو ما يسويها :qaq:

حبيبتي كثير بنات مثل حالتك وانا وحده منهم دوام زوجي مثل دوام زوجك بالضبط ...
والله مالومك بس الحياة كذا لازم تصبرين ... وتأكدي انك اذا خليتيه يطلع ولا حسستيه انك زعلانه او منعله بيرجع لك احسن من اول وبيقدر هالشئ كثيرررر وبصير من نفسه يقعد معاج ويعوض عليك الوقت اللي كنتي فيه لحالك ..
بس انتي حسسيه ان من حقه ان يطلع وسامحه له وشوفي النتيجه ....

يحليلك حبيبتي الله يسعدك ويوفقك

ربنا معاكى حبيبتى يارب