تعبت من الاشاعات ..وقررت التالي:.....

بنت الريال موضوعج وايد حلو و ( حلا ) احس بتعاطف كبير معاج والله ينتقم من الظالم لأن في ناس ما تعرف معنى العرض والشرف والكلام في العرض مو هين لأن الي قالوا عنج هالكلام اكيد في يوم بيطلع لهم احد يقول عن بناتهم نفس الكلام المهم انا عندي قصة دايما يقولها حقي ابوي في هذا الخصوص

يقول ان في زمن من الازمان كان في مرأه جملية وغنية ، توفى عنها زوجها ، فقررت انها تتزوج خادمها العبد الأسود

فلما طرحت هالموضوع على الخادم طبعا إستغرب وقال ان الناس بتتكلم عنك وعني وما بيسكتون ، هالمرأة كانت حكيمة وما ردت عليه، بس قالت له بكرة تعال وهات معاك جمل وفوق الجمل حط شجرة صغيرة وغطها بقماش يعني كأن الشجرة طالعه من سنام الجمل ، وهو طبعا يوم ثاني سوه الي قالت له يسويه، فقالت له الحين خذ الجمل وتمشى معاه في السوق وتعال قولي شنو صار آخر اليوم ، المهم راح السوق والناس الي في السوق كلها تركت شغلها ولحقت وراه وكل واحد راح يخبر الثاني وتجمعت عليه لمه كبيرة، طبعا رجع آخر اليوم وقال لها عن الي صار، قالت له بكرة بعد سو نفس الشي، وفي اليوم الثاني لحقوا وراه ناس اكبر وحضرت ناس من برى علشان تجوف قصة هالجمل، وكذلك كرر هالحركة طول الاسبوع لما جه نهاية الاسبوع لقى ان مافي احد حتى يفكر يتكلم عن او ينظر الى الجمل , ولكن كان في واحد جاي من برى المدينة وجاف الجمل فستغرب وراح يسأل الناس عن الجمل فقالوا له الناس ( اووووووووووووه سالفة الجمل قديمة قول سالفة جديدة)

فلما راح العبد وحكى لسيدته القصة قالت له انت حالك حال الجمل (هههههههههههههههه من يوصل ابوي حق هالمقطع اضحك) المهم انت حالك حال هالجمل راح يتكلمون عنك سبوع سبوعين شهر بالكثير وبعدين يملون ويدورون شي ثاني يتكلمون عنه

الزبدة الناس تقول وما تسكت ودايما تدور شي تتكلم فيه ، فإنتي ما يهمج من كلام وسوي دايما الي تجوفينه صح والي يريحج ويرضي رب العالمين

وعذرا على الاطاله

انا تعرضت لاشاعات عادية ايامالكلية
لانه كنت كنت ما اتكلم مع شباب خارج الكروب مالتي
بس مرة حجيت مع واحد معرفةوصدفة كنا وحدنا
والكل عرف وسووها قصة ان انا على علاقة معه
بس الحمدلله وانا في الكلية اخر مرحلةانخطبت لقريبي والكل عرف انه جان اشاعه