لا تتزوجيه مايناسبك ولو تموتي عليه عااادي

:3ooos:

السلام عليــــــــــــــــــــــــــكم

اليوم ابي اناقشكم بموضوع حساس جدا وماشاء الله منتشر بكثره ومضيق احوال البنات واولهم انا .. لكن مانقول غير ان

الله يمهل ولا يهمل ...

في مجتمعاتنا الي اصبحت لاتعرف الا شعار شرقيه محافظه .. انتشرت هالمشكله بحجة ان البنت ماتعرف مصلحتها وان

الاب والام ادرى بمصلحة ابناءهم وابعد رؤيه للمستقبل ..

بس في وحده منا تكلمت دافعت عن حقها ؟؟

احتجت وقالت انا ابيه ؟؟ ابي الستر ؟؟ ابي اتزوج ؟؟

قليل جداا .. البنت في مجتمعاتنا مسكينه مستضعفه مغلوب على امرها ..

والله عذاب وفي بنات وايد بنفس حالتي واكثر ..

كل مره يتقدم شخص اذا تبيه يطلعون فيه الف عله واذا ماتبيه تمطر عليها وابل الأسئله ..

وين مراعاة مشاعر البنت .. وين رايها .. وين الي يفكر باحتياجاتها ويقدرها ..

بس لما تفقد البنت عفتها .. ويسوقها الهوى يقولون صايعه ماهي متربيه .. نست الحيا .. هالبنت مالقت الي يسنعها

........... الخ من السمعه السيئه

البنت الثانيه ..

تأخرتي وين كنت؟ تكلمي منو ؟ ليه هاللبس ؟ منو صاحبتج ؟ عيب حرام مايصير كلام الناس انتبهي لاتشوهين سمعتنا
.......... الخ


البنت الثالثه ..

ناشره طلبات الزواج على كل موقع وفي كل مجله .. ويمكن تفكر بزواج المسيار ..

لعل وعسى الوالد يوافق على واحد من الف ويحس بالبنت ..

البنت الرابعه وهي البنت الي تمثلني ..

بنت حبت ولوعها الحب .. ولقت الي تحلم فيه برجال يستحقها ويصونها .. وابتسمت لها الدنيا وماصدقت انها لقته

وحاربت حتى يوصل لاهلها وتوصل لاهله ..وبكل براءه وبكل صدق واخلاص احتفظت بحبها بداخلها ..

وسخر منها القدر وصفعتها الدنيا ..

خطبها .. رفضه الوالد ورأي البنت مو مهم بالطقاق لو ماتت مايهم لو تحبه وقررت تعنس علشانه مو مهم

لو تعذبت كل يوم مو مهم .. لو ضاع عمرها مو مهم بكرا في امل تتخلى عنه ويمكن بعد 10 سنوات

بس هالرجال ماتاخذه يقولوا عنه كذا وكذا وكذا

وياليت الكلام صح .. شي يجرح .. العمر يضيع وحنا ساكتين نطالع وماندري وين مصيرنا

كأن البنت تعيش مخلده .. ماكأنها بتعيش مره وحده ..

العمر في ضيـــــــــــــــــــــــــــــاع والقلب متعذب .. والاحلام تتكسر ولاحد يلملمها ..

خبروني يابنات عروس شنو الحل مااستفدت شي غير كلام الناس الي اكلني ونخر عظامي .. مع اني بأول عمري

بس لاني مرضت لما ابوي رفضه والكل شاف حبه بملامحي وماسلمت من حد ..

وكثير غيري يشكون ظلم اهاليهم ...

الي عندها تجربه لاتبخل علينا وتحكي قصتها .......... وتفضلوا علينا بحـــــــل ......

الله يوفقنا انشاء الله