اللهم اغنني بحلالك عن حرامك

بارك الله فيك أختي بحرينيه

وكلامج عين العقل وكل كلمه قلتيها صح 100%


اتذكر قبل شهرين كنت بشهري الاخير بالحمل وكنت مظايقه حدي ونفسيتي واصله القاع والله


كنت أحاتي شغله وحتى ولدي مالي خلق ليه والنووووووووم طاير من عيوني


وقمت اتوظأت وقريت سوره البقره ومن بعدها صليت الفجر ونمت مرتااااحه كلج


ووالله شاهد عليي انه اللي كنت متظايقه من أجله طلع بأفضل حال ومو مثل ماتوقعت

تستاهلين يا بنت البحرين

الله يرزقج ويعطيج ان شااااء الله

حبيبتي

امانة عليج ادعي لي يرزقني ما يتمناه قلبي

الله يسعدك ويباركلك بحياتك

بحرينية برونزيه;4254070:
مرحبا بنات
انا حبيت انزل الموضوع هذا عشان ابين ان من يتق الله يجعل له من كل ضيق مخرجا وان الله سبحانه وتعالى معانا في كل لحظه في حياتنا بس ناطر منا ان نقرب منه وندعيه ونستغفره عشان يرزقنا..

انا بقولكم قصتي وانتو حكمو
انا تخرجت من شهرين من الجامعه بدرجة بكالوريوس والحمدلله معدلي ممتاز وعندي الكفاءه وطموحي كبير ومثل ماتعرفون بعد التخرج الواحد يكون محتار وناطر الوظيفه بفارغ الصبر وانا استفدت من خلال قراءتي عن فضل الاستغفار وقيام الليل وحاولت قد مااقدر اني اداوم عليها وخاصة سورة البقرة الي مهما اقول واوصف يابنات ماني عارفه شنو السحر الغريب الي فيها..انا كنت اقرا سورة البقره في ليلة الجمعه في الثلث الاخير من الليل وادعي بخشوع بالي ابيه ومايصبح اليوم الثاني الا الي ابيه صار وهذا الشي صار لي اكثر من مره وخاصة اني كنت ادعي ان الله يرزقني الوظيفه الحلال صحيح ان مو كل مقابله كانو يردون علي بس اهم شي ان كانت تييني اتصالات حق مقابلات وكنت ادعي بالزوج الصالح وفعلا يجوني خطاب بس مالله يوفقني معاهم..

اخر شي حصل لي اني قدمت لوظيفة في بنك وكنت بيني وبين نفسي احس بالذنب لان البنك ربوي وانا كنت ابي رزقي يكون بالحلال حتى لو ماحصل لي اني اشتغل ولا انه يكون رزقي حرام...واتصلت على شيخ يفتيني بالموضوع وقال لي ان اذا كانت الشغله ادارية فهي مباحه اما اذا كانت ذات صلة مباشره بالاعمال الربويه فهي حرام ومن يتق الله يجعل له مخرجا..

انا توكلت على الله ورفضت الوظيفه لانها كانت فيها صلة مباشرة بحساب الفوائد وهي اساس الربا مع ان الكل قال لي ان مستحيل تحصلين مثلها وانها فرصه ماتتعوض خاصة انها في بنك كبير ومعروف

صدقوني يابنات مامر يوم الا ويجيني اتصال لوظيفه احسن بمليون مره من الوظيفه الي قدمت لها وبراتب افضل ..سبحان الله..الي يترك الحرام عشان يرضي ربه الله ماينساه..

انا احب اهمس في اذن كل بنت انها تلزم الاستغفار وقيام الليل وتحسن الظن بالله وماتيئس لان رب العالمين لو ماكتب لنا الرزق بالدنيا راح نحصله بالاخره انشالله...


تحياتي للجميع

مبروك على الوظيفه والله يغنيج بحلاله عن حرامه دوم
موفقه
وجزاج الله خير على الموضوع

من عنوانك وكلامك اعجبت بشخصيتك وايمانك وثقتك برب العالمين

خبرتك وشخصيتك لها الاثر في نفس من يقرأها

الله يوفقك لما فيه خير لكي ويرزقكي الرزقه الطيبه بإذنه تعالى

::


اولا مبروك على الوظيفه وتستاهلين الخير كله

انا جربت الاستغفار صراحه اعتبره سحر شي ما تتخيلين نتيجه اللهم لك الحمد والشكر على نعمتك..

بس اهم شي انج تستغفرين ونيتج ان الله يغفرلج عن ذنوبج وييسر لج امورج يعني ما تخلين الاستغفار منحصر لشي معين استغفري وانوي نوايا كثيره لهذا الاستغفار ..

اسال الله ان يرزقج جنات الفردوس

مشكوره حبوبه لما سطرته اناملج ..

::

[GLOW="FF0000"]كلامج صح وعن تجربه بعد لأختي بعد بالوظيفة
وألف مبروك مقدما وعقبال الباقي [/GLOW]

الله ينور قلبك وقلوبنا بالأيمان ويثبتنا على دينه
ويغنينا بحلاله عن حرامه اجمعين

الله يجزيكم كل الخير ان شاء الله عاجله واجله
وينور لكم دروبكم ويفرحكم مثل مافرحتو قلبي بردودكم
وسبحان الله من يتوكل على الله ربي ييسر له كل اموره
واختي q8.q8 الله يرزقج بالي تتمينينه ويوفقج ياقلبي

حبيبتي والله وانا يالسه اقرأ رسالتج حسيت اني ابي اصيح

الحمد لله ربي يوفقج

وانا حبيت اخبركم سالفتي .....


انا بعد كنت فتره الدراسه اشتغل في بنك ربوي براتب صغير جدا
رضيت وكنت اصلا توني مخلصه الثانويه

والحين توني ملصخه تمنيت اغير شغلتي لاني كبيرت وفهمت هذا الشيء غلط
الحين البنك الربوي قالي لازم اتردين الراتب إلي كنتي ماختنه منا والحين انا برد كل درهم خذته
وحصلت مكان في بنك بس بنك اسلامي الحمد لله وانا راضيه ارد كل درهم

اتمنى تستفيدون منا قصصنا يا بنات
والسموحه

حبيبتي اهم شي الانسان يكون عنده الاراده انه يغير الشي الخطأ
وصدقيني مدام انج ناويه انج ترجعين كل درهم حرام وتبتدين من جديد رب العالمين بييسر لج كل امورج مو بس بالوظيفه
لما رفضت الوظيفه الاولى كل الي حولي لاموني وقالو لي مستحيل تحصلين وظيفه ثانيه انتي مثالية هالدنيا مايبيلها جذي والشغل الحين بواسطات ومن هالكلام
لكن انا رديت عليهم بشي ان واسطتي هي ربي ومدام اني تركت الشي عشانه راح يعوضني خير وسبحان الله كريم ومحد يقدر يتصور بأقل من 24 ساعه ربي رزقني بوظيفه احسن
مرات الواحد يحتاج ان يقوي ايمانه بربه ويوكل اموره على الله
احسني الظن بالله والله يوفقج ويرزقج دام ان نيتج الرزق الحلال
بارك الله فيج يالغالية وحقيقة تشرفت بمرورج

مشكوره يا قلبي والله يوفقك وينور طريقك و يسهل امورك يا رب

انا قرأت اسم موضوعك ... وهو من دعاء القدح ... شدني بقوه ..

احب اهنيك على الوظيفه والايمان اللي في قلبك ...

والله يرزقنا واياكم من خيره ...

الله يجزاك خير
فعلاً الاستغفار له فوائد عظيمه
وقراءة سورة الواقعه كل ليلة
انا كنت اقراها دايم
والله ماكنت احتاج شي ابد
والرزق كان يجيني من كل جهه

[GLOW="FF3399"]والله سبقتيني ونزلت الموضوع أللي كنت بنزله صدقيني أنا قصتي غير أنا عانيت قعدت بالبيت يمكن ثمان سنين بدون وظيفه ولما قمت أصلي الليل وأقرأ القرأن أقسم بالله الله سبحانه رزقني بالوظيفه مع أنه كان من المستحيل اني أتوظف لظعف شهادتي لكن سبحانه ربي كن فيكون .[/GLOW]

ربي يبارك لج اختي ويبارك لكل البنات ويرزقهم من خيره بغير حساب

سبحانك ياارب عظيم ورحيم وكريم بس كل اللي علينا ان احنا نستغفره ونتوب له سبحانه

الحمدلله رب العالمين
وسبحان الله اختي ورود3 الله رزقج ومبروك على الوظيفة
وانشالله بعد بداوم على سورة الواقعه
جزاكم الله خير يابنات والله يرزقنا وياكم كل اللي نتمناه

ما شاء الله ,,,

تباارك الرحمن,,,,

الله يوفقج غنااااتي ويوفقني معاااج ان شاء الله,,,,,,

بارك الله فيج
وجزاج الله كل خير على هالنصيحة الغالية.........