مو قادرة انسى خيانة في يوم عرسي وعلى كوشتي

هنودهـ;4251228:
مالهم حق بها التصرررف ابددد

والموضوع راح عليه كم سنه حاولي

تنسيى لان القهر مابيفيدك بشي بالعكس بازم نفسيتك

والله يكون بعوونك

اختي الغريبة مشكورة بس صحيح الواحد ايحاول ينسى ويوكل اموره لرب العالمين
-------------------------------------------------------------------------------------------

اختي سماء الحياة اتمنى ان امورك تتصلح يارب بس الحل انو الشخص يواجه المشكلة
------------------------------------------------------------------------------------
اختي الينبوعة مشكورة وان شاء الله يعطينا الصبر اجمعين
---------------------------------------------------------------------
اختي الفتاة المهذبة بس كيف نتاكد انه اللي صار ما يرجع مرة ثانية
---------------------------------------------------------------------------
اختى مظلومة انتي وضعتي اصبعك على مكان الجرح بالضبط صحيح الزوج السلبي تكون زوجته هيه الضحية وما راح تسلم من تصرفات اخواته بس كيف الواحد ايكون رسمي ويتصرف في مثل هالامور
-------------------------------------------------------------------------------------------
اختي سحر مشكورة على المرور
---------------------------------------------------------------------------------------
اختي الريم مشكورة على الوردة صحيح انا متاكدة انو ما كان قصدهم يضايقوني تعمدا بس القضية تتركز في حاجتين بخل + انانية من قبلهم
-------------------------------------------------------------------------------------------------
اختي عيني تحبك عندي قناعة تامة بأن المسامحة تحتاج الى نوع من التصرف قبلها يعني رد فعل من قبلي على الاساءة حتى اضمن ان الموضوع ما يتكرر وبعدين ايجي دور المسامحة لان الشخص ما يقدر ايسامح اذا هو حاط في باله انو موضوع مثل هذا فيه احتمالية كبيرة انه يتكرر
---------------------------------------------------------------------------------------------------------------------
عزيزتي سفيرة خليني افسر لش الموضوع هاذي العروس كانت بنت حماتي وتزوجت صار لها يومين بس هم نوع من الحركة زفوها على كوشتي قبل لا ادخل من غير زوجها طبعا بس انا اللي مستاجرة الصالة بس هو نوع من السرقة اللي صار

ياقلبي أمسحيها بويهي إنتي قلتي صار من ثلاث سنين أنا أقولك فكرة اعمليلج كوشة بالبيت وانزفي مع المحروس واغفري واصفحي

اختي اسفه لاتزعلين من ردي
شكلك فاضيه ماعندك شي ا لا تفكرين في اشياء قديمه
خلاص انتهى الموضوع .... تقولي زوجك طيب---------> هذا اهم شي بالحياه
بدل ماتفكري تتعسي نفسك وتجيبين الضيقه لخاطرك فكري كيف تسعدين زوجك وطفلك
لاتخلي الشيطان يدخل لكي من هذا المدخل
وربي لو زوجك مصبحك على طراق وممسيكي على كفوف كان ما فكرتي بهذي السالفه كان فكرتي بمشكلة كل يوم
هذي مشكلتنا يا الحريم .... نفكر كيف نجيب مشكله
انا متاكده انك قد فتحتي السالفه مع زوجك الف مره من تزوجتي
وطبعا مافيه حل ... يعني وش تبينه يسوي؟؟؟
خلاص فكري ببكره فكري بالمستقبل
ادري ردي بيضايقك
بس هذي الصراحه

مرحبا عيني انسي الماضي واهم شي انك الحمدلله متوفقه وعند بيبي وماشيه امورك لا تلتفتين للتفاهات والله معاك

:

دام زوجك طيب وحنون
خلاص
خليك بزوجك وحاولي تكونين له كل شي
انتي متزوجته هو مهب خواته
ماعليك منهم وانتبهي يرفعون ضغطك
مو يقولون الحقر ان يقطع المصران
خليهم يولون

عليك من زوجك وبس
غيرك الله لا يبلانا
لازوج ولا حموات
على الاقل زوجك طيب وحنون

وسعي صدرك بس ولاعليك دام
القمر صفا لك ماعليك من النجوم

حبوبة بصراحة الموقف جدا محرج ومب حلو بس لازم تطنشين يعني انتي تقولين انه بخل منهم فهذا هم غيره منك سوو هالحركة لانك انتي مميزة عنهم حبيبتي لو اقولج انا شو صار معاي في يوم عرسي تقولين مسوينه تحدي مب اهل معرس واهل عروس تحدي بينهم

انا كنت اتفادى المشاكل قد ما اقدر بس الااا يسوون مشاكل حبيبتي انا وزوجي عالكوشة وقفنا نقص الكيك يت اخت زوجي معصبة وتقوله شوووف اهلها يوزعون الهدايا بس حق اللي يعرفونهم مع العلم اني انا الهدايا سويتها ووديتها بيتهم وقلتلهم انتو وزعوها بس ولا اهتمو فيها ويوم كنت اتصور في الغرفة قلتلهم ليش كراتين الهدايا هني ولا حد رد علي

وبعدين امي تصرفت ونادت البنات يساعدونها وحضرتهم ما كلفو عمارهميوزعون ويوم يو اهلي يوزعون زعلو وطلعو يسوون مشاك بيني وبين زوجي وانا عالكووشة انا وهوو شو رايك ؟؟؟؟؟؟؟؟؟؟؟

:9_33: إرم الهم ورا ظهرك وإنسي بترتاحي :9_33:
الموقف كان لازم تاخدينه وقت إلي علمت مو بعد ما صار لك ولد الله يخليلك إياه ,,,,,,,,,,,,
,لي ساون هاي العملة أدبيهم صح... بس : على المدى الطويل ,,,,,:9_28:

الله يعييييييييييييينك

بس خلاص موضوع صار وانتهي انسي

ومدام زوجك يحبك وانتي تحبيه هذا الموضوع ماراح يزيد او ينقص

موفقـــهـ اختــــي

[frame="13 10"]
السلام عليكم ورحمه الله وبركاته
حبيبتي وغاليتي اسمحلي اعبرلك عن رايي بالموضوع بصراحه لما قرات العنوان تخيلت شي
فظيع يعني شي بزوجك ولكن بعد ما قرات الموضوع حمدت الله انه زوجك طيب ومحب
انتي لازم تحمدي ربك على اشياء كثيره متوفره عندك مو عند غيرك يعني اولا ابنك قره عينك وانشالله يتربي بعزك ،بعدين زوجك الطيب الحنون ، يعني شو رح يكون شعورك لو زوجك شرير خاين ويسمع كلام حماتك وانتي ساعتها رح تكوني مظلومه ضحيه وامورك تتعقد مع الولد.
اما بالنسبه للي صار هو مضى ،والماضي عمره ماكان شي الا لاخذ العبره ،اما بالنسبه للفلوس اللي دفعتيها واتعابك بالكوشه ياستي بالله عليك اعتبريها زكاه او صدقه وتذكري انه مانقص مال من صدقه ،بالنسبه للتصرفهم خليكي انتي احسن منهم وتذكري انه ربنا سبحانه وتعالي امرنا انه نسامح قال تعالى(ادفع بالتي هي أحسن فإذا الذي بينك وبينه عداوةٌ كأنه ولي حميم). اسمعي كلام رب العالمين واعملي لرضا رب العالمين مو للرضا الشيطان لانه النفس اماره بالسوء ،سامحي وانسي وشوفي النعم اللي انتي فيها. نصيحه مجربه مني والله العظيم انه في ناس اذوني بحياتي شوفي شو كنت ادعي : اقول "وافوض امري الى الله ان الله بصير بالعباد" وحسبي الله ونعم الوكيل بفلان بن فلان ،يعني انتي ما تعملي شي تعرفي انه الله ما يرضى الظلم فهو برحمته رح ينصرك انشالله ، تعرفي اي شي بحياتك يتطلب الصبر لوجه الله تعالى لما ترضى بالقدر واعتبري شي مقدر وصار ، اطلعي على مصايب كثيره ومشاكل عائلات وشوفي كيف رح تضحكي وتفرفشي وتقولي شو اللي انا عاملته بحالي ،
هذا هو رايئ مع تحيات اختك محبه الخير
[/frame]:flower:

انسي الموضوع ولاعاد تفكري فيه ابد
والله يهديهم

لاااااااااااااااا
الحكايه مو حكاية زفه وكوشه
شكلك معصبه من شئ ثاني جديد سووه حمواتك وافتكرتي حركة الكوشه

hopeless;4251183:
مو قادرة انسى يا بنات ساعدوني مع انه مر على زواجي 3 سنوات وعندي ولد الله اخليه
تخيلو انه في حفلة زفافي لقيت الكوشة معفوسة فوق تحت تخيلو ليش لان حمواتي المحترمات جايبين وحدة من بناتهم توها عروس وزافينها في كوشتي تخيلوا انه من غير ما ادري بالموضوع والناس تفكر انو هاذي البنت هي العروس اللي هيه انا ...بصراحة مو قادرة انسى الموضوع مع انو الصالة انا اللي دافعة اتعابها كامل من عندي لكن الخيانة وما ادراك ما الخيانة مو قادرة انسى اللي صار والمشكلة احيانا اكره زوجي انه ما حط ليهم حد حيث ان شخصيته السلبية هي اللي شجعتهم على هالشيء بس ارد واقول زوجي غاية في الطبية والحنان وما ابغى اخسره ساعدوني يابنات

بصراحه السالفه صعبه صج

بس اللوم كله على حمواتج.. الحموات فيهم الزين والشين.. واذا صاروا شينين والله انهم يعفسوا حياة الوحده

حبيبتي مهما يكون.. لا تنسي ان زوجش ماله دخل بالموضوع

حتى لو فيه شي في قلبش .. حاولي تصيري مره رسميه بينش وبين حمواتش

يعني خليش على الواجب انش تزوريهم وتسلمي عليهم.. وتقعدي عشر دقايق وخلاص امشي

بس ماتقطعيهم لانهم ممكن يقلبو حياتش فوق تحت

والله يكون في العون

انسي السالفه خلاص ولا تخسريين زوجج عشااااان سبب سخييف

الله يعينك والله من جدددددددددد قهر بس اذ زوجك انسااان طيب لا تخسرينه والله يوفقك يالغاليه

تعوذي من بليس..لا تهدمين بيتك بيدك..

هذا اللي عندي لك ..

الله يهدي سرك..