ابي حل للاكسبلورر حقي

يعني ماتعرفون حل لذي المشكلة الحين والله حالة

وعليكم السلام ورحمة الله

يمكن الاكسبلورر انحذف من جهازج او انج كنتي تستعملي متصفح ثاني وكان مبرمج الجهاز انه هالمتصفح يفتح المواقع بعدين انحذف وصار يوصلج لقائمة البرامج

انا صراحه مااحب الاكسبلورر :) ولو كنت استعمل وندوز اكس بي كنت دليتج وين تثبتي الاكسبلورر الموجود مع الوندوز

لكن البديل الاحلى

انج تستعملي متصفح ثاني انا ما استعمل غيره من كم سنه

تنزليه من هنا على فكره في خيار اللغة العربيه يعني المتصفح كامل بالعربي

http://go.3roos.com/iRhs5BwZvke

حجمه صغير

هذا شكله تقدري تفتحي اكثر من موقع بنفس الشاشه

يعطيك العافية على البال انا الحين حملتة وبشوفة اية هو كان فية فايروس ف الكمبيوتر وصار لي كذا بعدها يمكن من الفايروس بس بشوف هذا المتصفح وبرد لك خبر
يعطيك العافية

اية خلاص ابشرك اشتغل بس مع جدار الحماية يطلع لي اشكال و الوان يعني مو راضي يشتغل معي حذفتة ورجعتة من جديد ماادري لة علاقة ولا شي مع جدار الحماية

جدار الحمايه احيانا يعطي تحذير من اي برنامج يحاول يتصل بالانترنت

وبما ان الاكسبلورر يحاول الاتصال فتطلع مسجات انتي اقريها اذا فيها السماح او المنع اختاري السماح اذا طبعا عطاج ان الاكسبلورر يبي يتصل

هو احيانا تطلع لي اصوات من الجهاز انذار مثل ماقلتي مثل التحذير او مااعرف شنو بس ماادري يعني هذا فايروس ولا ايش
تعبتك معي

يعطيج الف عافية حبي على البال

لا مب فايرس بس هو مجرد تحذير ان في برنامج راح يشبك بالنت او راح يشتغل

وبرامج الحمايه وظيفتها انها تعطيج تنبيه


انتي لو تقدري تقري المسج اللي تطلع علشان تتاكدي انها خاصه بالمتصفح ولا بفايرس

وان شالله تنحل المشكله

يعطيك العافية على البال اية والله اني احاول اني اقرى المسج بس شكلة مثل ماقلتي انة بسبب برنامج جديد يعطيك العافية حبيبتي

ماقصرت اختي على البال والله يعطيها العافية لاكن عندي اضافة بسيطة على الموضوع ...

بالنسبة للمتصفح وعدم القدرة على فتحه فهذا بسبب فايروس P.Logo وهو مشهور بتغيير قيم التشغيل الذاتي للبرامج Auto Run من سجل النظام Regstry علشان كذا لما تظغطي على اي برنامج بالزر الايسر للماوس يرفض الفتح وتظهر لك قائمة برامج تطلب منك اختيار برنامج يكون مقترن بالبرنامج المطلوب فتحه ... والحل إنك تضغطي على البرنامج بالزر الايمن وتختاري فتح أو Open وراح يفتح معاك المتصفح بشكل طبيعي أو بطريقة أخرى .. اضغطي على زر أبدأ ثم تشغيل ُثم أكتبي السطر التالي : %systemdrive%\Program Files\internet explorer\IEXPLORE.EXE ثم اضغطي زر انتر وراح يفتح معاك المتصفح بشكل طبيعي .... واعتذر على الاطالة ...

اخوك الهاوي ....فمان الله ..........