صديقتي فاقده الامان ببيتهم . والسبب والدها، ارجوكم ساعدوني لايجاد حل لها..

الله يكتب لها اللي فيه الخير لها ولاهلها..
اشكركم اخواتي على المرور والمساعده.. لكم مني كل الحب تقدير..

**برايفت اميرة .. ضحكتيني لما قلتي ((عاااااااااااااااد مصيبه لو اتزوج وبعده يبا يحلي هنا المصيبه))

هدديه وادعي له بالهداية

لاحول ولاقوة الا بالله العلي القدير
الله يحميها يارب من هاي الأب
ويرزقها بزوج صالح يارب
ياريت تتزوج وتفتك

والله مادري فعلآ مصيبه ما اعرف الكلام مب قادره ارتبه

الله يعينها والله أنا لو كنت مكانها برمسه بقوله

أنا بنتك وانت إللي قاعد تسويه حرام خاف الله فيني

بس لازم تخبر أمها مايصير تسكت ولا كل السالفه بتي عليها هي...


فكري باللي قلتلج عليه

وحسبنا الله ونعم الوكيل..

اختي الحل عندي باذن الله قولي لابوك اني والله اذا سويت كذا استحي ياابي مابي كذا يعني قوليها وانتي كانك تقصدين انك على نياتك يعني كنك من باب الحياء وطيب نيه يعني قصدي قولي له وهو لحاله انا يايبه مابي كذا انا احس اني استحي كانك قلتيها على نياتك وهو يفهمها الله يسعدك ويفكك من شر النفوس الضعيفه

اختي العزيزة خليها تتكلم معاه وتقوله يابوي اتقى الله والله يهديه ان شاء الله والله انها شيء صعب استغفر الله العلي العظيم

لاحول ولاقوة الابالله العلي العظيــم

الله سيتر عليها ان شاء ويرزقها الزوج الصالح ان شاء الله

اختي العزيزة خليها تتكلم معاه وتقوله يابوي اتقى الله والله يهديه ان شاء الله والله انها شيء صعب استغفر الله العلي العظيم

لاحول ولاقوة الا بالله..

والله مامصدقة اللي اقرأه.. :(
معقولة في ناس بهالطريقة...

الله يعينها الصراحة ويستر عليها..
ماعرفت اكتب شي ثاني الصراحة!!!

لا حول ولا قوة الا بالله شو من الآفه هذا
الحل انها ما تقعد وياه ابدا لانه مب اب هذا شيطان في راسه
واقبلي مروري وسامحيني

اشكركم اخواتي الغاليات على المرور والمساعده .. لا خلى ولا عدم ان شاء الله ..
:9_33:
احنا فكرنا بكلامكم .. وقلنا بنقول لامها بس كأنه مو هي يعني تسوي نفسها تحكي عن وحده من صديقاتها ونشوف امها ايش بتسوي على اساس ردت فعل امها بنقرر وقتها نقولها انه بنتها المقصوده او لا ويمكن امها تعطينا حل بدون ما تقولها ماادري عاد ايش اللي بيصير ..
الله المستعان ..
:9_33:

شوفي ياحبيبتي
صديتقتج تروح وتقول لامها ( اذا قالت لج لالا ماقدر ) قولي لها تروحين حق امج ومافي حل ثاني
لين الفات الفوت ماينفع الصوت

حبيبتي شوفي اهيه بنت وانتي ماتدرين شنو راح يصير اكثر ،، يمكن البنت تفقد عذريتها والسبه ابوها اهني من راح يوقف معاها ،،

اوكي انتي راح تقولي ان راح تقفل الباب واهي نايمة ووووووو
لكن اذا يوم من الايام كانت في فرصه وسوه اللي يبيه الابو شنو راح يصير بعديييييين

لاضيعوووووووووووون الوقت

لازم تقول حق امها وبس

:sm215:

:think:

:eek2:



والله ما ادري شو اقول

لو لقيت حل بخبركم

بس انا مصعوقه

هلا حبيباتي تحاول تقول لأمها هدا انسب حل احسن ماتخسر حياتها في يوم من الأيام لأن الظاهر الشيطان مسيطر عليه كليا
ربي يهديه ويسترها ويستر كل بنات المسلمين

أختي أول شي أبوها انسان مريض وما يخاف الله واللي هذي أفعاله محد يتستر عليه والفضيحه شويه عليه. أنا من رأيي مو بس تبلغ أمها لكن تبلغ أحد من عمامها أو خوالها ملتزم ويخاف الله واهو اللي يعالج المشكله. المشكله مو هينه ولازم تصرف بسرعه عشان اذا صارت مصيبه أكبر محد راح يخسر غيرها وفضيحه ابوها الحين أحسن من تنفضح أهي واهلها بعدين.الله يعينها على مصيبتها وما لها غير رب العالمين تدعيه ليل نهار أن يحميها من شر أبوها ( أمحق أبو).

اختي مايصير تسكت على الموضوع لازم تخبر امها لو استفرد فيها مره شبتسوي على الا قل امها لو عرفت تلحق بنتها ماتعرفين شيطان شاطر
ما قول الا حسبي الله ونعم الوكيل

بالله طمنينا عليها وايش صار معاها
الهي ربنا يريحها من اللي هي فيه
ويأجرها على ضيقها وصبرها

اخواتي العزيزات .. الـف شكر لتفاعلكم معانا في مشكلتنا ..

المهم بقولكم ايش صار معاها.. اتفقت انا وياها انها تنتظر يوم يكون امها وابوها جالسين بالمجلس مع بعض وتروح تجلس معاهم وتسوي نفسها تحكي لامها عن وحده من صديقاتها عن هالمشكلة بحيث ابوها يسمع صوتها وهي تحكي ويوم سوت كذا تقول ماتوقعت ردت فعل امها كيف كانت قوية ،، تقول كاني قلتلها عني انا مو عن صديقتي،، ووقتها تقول ابوها لون وجهه انقلب بس ماعلق بأي كلمة.. من وقتها يابنات ابوها ماعاد يتكلم معاها زي اول ولا يمزح ويضحك معاها.\بس تقول عادي بالنسبة لها اهم شئ انه وقف حركاته اللي مالها داعي وتقريبا صارت مرتاحه اكثر من اول ،، بس بصراحه انا احس انها تكابر وتسوي نفسها مرتاحه وهي مو كذا لانها تقريبا بعدت عن ابوها او هو بعد عنها..

يارب يبعد عنا وعنكم كل شر ويهدي ويصلح لنا اهلنا وذرياتنا..

الله المستعان

ساعات أقول في نفسي اليتاما أسعد حظاً منا :(

الحمد لله الله يبشرك بالخير... والله يرزقك ويرزقها الزوج الصالح