حبيباتي كيف حالكم اليوم حبيت احط لكم طريقتي في تنظيف الحمامات (عزكم الله)
وهاذي طريقتي وان شاء الله تنفعكم
اولا
اييب السائل او البودرة اللي يحطونه في فتحة المغسلة والبانيو فايدته انه يذوب العوائق الموجودة داخل فتحة المغسلة ويخلي الماي ينساب وقلت لج اتحطينه اول شي علشان يباله نص ساعة حتى يعطي مفعول
واذا ما عندج هاي المنظفات ممكن تستخدمين
بيكربونات الصودا
والخل
اول شي حطي الصودا وبعدين فوقه الخل وبيعطيج نفس المفعول ان شاء الله
ثانيا
حطي الهاربك باور على اطراف البالوعه (الله يعزكم)
وبعد يبا له 10-15 دقيقة
انا استخد الازرق لانه ينظف اكثر
ثالثا
يبي سطل او طشت وحطي فيه ماي مع الديتول لتنظيف الاسطح
انا استخدم بريحة الافندر الصراحة وايد روووعة
ممكن اضيفين الكلور اذا تبين مع الديتول
ويبي الفرشاة مال التنظيف
رشي الماي المخلوط مع الديتول في كل اركام الحمام (الله يعزكم)
بعدين عاد يلسي افركي بالبروووووش (الفرشاة)
رابعا
نظفي المرحاض (عزكم الله) بفرشاتها
خامسا
ورشي الماي على المغسلة ونظفيها بعد باليفة والصابون
سادسا
رشي الماي النظيف على كل اركان الحمام وبعدين اشطفيها
اخر شي يالحلوات بللو قطعة بالماي والكمفرت وابدأي بمسح جميع الاركان حتى اتم ريحة حلوة وفترة طويلة
انا احب الازرق
سابعا
لا تنسي المرايات وتنظيفا ولاكيف بنشوووف اشكالنا الحلوة:21_207:
ولا تنسي اتعلقين المحارم امام المرحاض فهذا يدل على الذوق والاتكيت وفوق كل شي على التنظيف
وبالنسبة للتعطير ترى منتجااات ايرويك ترس الدنيا ممكن تستخدمين منها للروائح المختلفة
وفي الختام ما اتمنى منكم الا الدعاء من ظهر القلب
وعسى الله يبلغنا الرمضان بكل خير و الرحمة ان شاء الله
يالله ارييييد الردوووود الحارة
الموضووووع من تعبي فارجو ذكر المصدر عند النقل