ردة فعلهم لمن عرفوا اني حامل

أني ما اقدر أقول الا الله يساعدك حبيبتي على أهلك

وهذه رزق من الله أختي وما نقدر نعترض على الله

بس ليييج أهلك كذه معاملتهم هذا بدل لا يفرحوا

ما اقدر افيدك بشو تتصرفي لانه حالي يختلف جدا عنك

فأهلي هم اللي ينتظرون حملي الثاني أكثر مني ولمن حملت بالثاني شالوني شيل والله

حتى اقولهم كأني أول مره أحمل وحتى بالحمل الاولي ما انبسطوا أكثر من حملي الثاني

مشكورة اختي احلى شهد على الرد

المشكله ان حتى صديقاتي من اقول حق وحده فيهم اني حامل يضيق خلقها و تقول لي مسكينه

يعني اذا انا مستانسه اهمه ليش متضايقين

الله يعينج الصراحة .. وعارفة ان هالشي يأثر واااااي على نفسيتج

انا جربت الصراحة في الحملين .. اول مرة الكل قالي لا تحملين في البداية بسبب دراستي لكن الله كتب وحملت بسرعة وكان الخبر مثل الصدمة لامي وحتى ابوي قال اني بعدي صغييرة ووراي دراسة ليش استعجلت على الحمل مع ان اللي صار مو مخطط له بس الله اراد ..

وبعد ولادتي بولدي الكبير الكل قالي خلاص وقفي الحين 6 سنوات لغاية ما تكملين دراستج وتتوظفين وولدج يروح المدرسة بعدين فكري في الثاني :qaq: وانا بعد كنت موافقة وحتى زوجي في البداية كان موافق لكن بعد ما كبر الولد شوي وصار عمره سنة - سنة ونصف قام يقول انه وايد 6 سنوات 3 سنوات او 4 بالكثير بعدين نفكر بالثاني لكن قدر الله وما شاء فعل وحملت بولدي الثاني بعد ما كمل ولدي الكبير سنتين ..

لكني تعلمت شي من حملي الاولي .. تعلمت اني ما اصدمهم ،، في حملي الاولي يوم تأخرت الدورة ما خبرت احد ما عدا زوجي وبعدين لما عرفت انيحامل خبرتهم اما في حملي الثاني بمجرد ما تتأخر الدورة لو يومين ابتدي اقول ،، فلما حملت بولدي الثاني كانوا يعرفون ان احتمال اكون حامل خصوصا ان بعد اسبوع من تأخر الدورة بدا لوني يشحب وبديت اشتكي وايد من ظهري .. وقاموا يقولون لا خلاص شكلج حملتي وبعدها لما تأكدت من الحمل وخبرتهم كان الخبر اخف عليهم وحتى باركوا لي على الحمل على عكس حملي الاولي ..


عموما انا عكسج .. انا حملي الاولي كان مو مرغوب فيه " من ناحية الاهل " اكثر من الحمل الثاني وحتى فرحة الولادة بولدي الثاني حسيتها اكبر من الاولي ..


الحمد لله على كل حال

هونيها وتهون .. يمكن بعدين يتغيرون ، ومهما كان اللي ياي بالطريق هذا ضناهم :gum:

مالج شغل بأحد الله كاتبلج انج بتحملين بهالوقت واهم شي ان انتي وزوجج مستانسين وذا كان على الصديقات فدايما يغاروون اذا رفيجتهم حملت وانا مجربه هالشي خصوصا انج للحين صغيرة وتدرسين فمالج شغل بحد واستانسي بحملج والله يهون عليج

مشكوريييين وايد على ردودكم الي ترفع المعنويات

ماما حسون انا مثلج حتى لو تتأخر علي يوم واحد اقول تأخرت بس هم انصدموا
على العموم مع الوقت بيحسون ان ما عندهم سالفه و بيلقون لهم شي ثاني يلهون فيه

بالعكس ليش مسكينة
هذا رزق من الله واجد يتمنوه و مو لاقيينه
الحمد لله على النعمة
ما عليك منهم
بكرة تولدي بالسلامة و تجيبي أخ أو أخت لولدك
تربيتهم واحدة لعبهم واحد و التعب كله مرة واحدة
و الفرق بينهم بيكون بسيط
صحيح أنك بتتعبي في البداية بس بعدين راح يصيروا حلوين
سلام

[/SIZ]انا اهلي احسهم يرحموني وهذا شي طبيعي
الوالد والوالده لازم يصير احساسهم نحوك غير احساس اهل زوجك
اهل زوجك همهم تجيبين لولدهم بزران
صحيح اهلي ما يهاوشوني
بس يبان انه ضايق صدرهم مع اني انا ما ادرس مثلك
بس يمكن اهلك مو عارفين يعبرون لك
واسلوبهم في التعبير عن مشاعرهم قاسي شوي
الله يهديهم
ويتمي عليك وجنينك الصحه والعافيه
اهم شي انتي وزوجك مبسوطين وما عليك من احد[SIZE="5"]

حياتي لاتشيلين هم
في غيرج وااااااااااااايد
صدقني أهم شي ريلج..والبقية طز فيهم
الله يوفقج ويعينج
اصلا أحسن حملتي الحين علشان مايصير فرق واايد في العمر بين عيالج:balloons:
وبعد علشانج انتي تربينهم مرة وحدة ولما يكبرون تكوني لسه شباب ويمديج تستانسين في عمرج
ماعليج من أحد ولا يكدر عليج أحد..

مبروك على الحمل ولتكن لديك قناعه ان هدا رزق من عند الله والله اذا قال لشي كن فيكون
ارادو دلك ام رفضو ونصيحتي لك لا تنتظري منهم اي رد فعل بعد كدا بالنسبه لموضوع حملك
انتي الي بتشيله وبتتحملي مش هم ..... فكري في ولدك وزوجك وحملك ودراستك هي الاهم
ودايم يقول الانسان الحمد لله على كل شيء تهانينا

هلا اختي
ولا تاكلين هم ولا شئ
خليها على الله صج الحمال متعب اذا كان عندج بيبي صغير بس مع الأيام بتشوفين اشلون تتخطين كل هالعوائق
انا مثل حالتج حملت على بنتي الثانية لما كان عمرها 6 شهور والكل لمن درى اللي يطنز واللي ايقول لي ما عندكم صبر
واللي ايقول لي مستعجلين على اليهال وكلام جارح ومن اقرب الناس وصارت حالتي النفسية جدا سيئة لأني كنت ساكنة بيت اهل زوجي بغرفة وحدة وما فيها مكان ابدا بس الحمدلله جت المولودة بخيرها تحولت بشقة بروحي والحين شحليلهم صاروا بناتي صديقات الفرق بينهم سنه وشهرين وهذاني توني والده من شهرين وجبت ليهم اخت وبعد اختي حصلت انتقادات
نصيحتي ما عليج من احد

ما عليج منهم
بعد الواحد شو بيسووي هاي ارادة ربج
انا الصراحه امنع انا وزوجي بس مااا عرف شو بيصير معني انا اتعب فالحمل وشفت المةت بعيوني في ولادة ولدي بس ما اعرف كل شهر اتم على اعصابي او لو حملت هاي مشيئة رب العالمين انا ما اقدر اغير شي

انتي مثل حالتي... في حملي الاول تعبت وايد في الوحام
وتميت شهرين بيت اهلي وكنت بين فترة وفترة ابات عندهم لين ماربيت
وعقب الولادة بنتي الله يهديها كااانت وااايد صياحة لدرجة ان كنت احس ان امي كانت وايد تتضايق مع انها تموت فيها لانها اول حفيدة في البيت
وانا كنت بعدني ادرس وباقي لي ثلاث سنين ونص
عشان جذيه امي كانت دوم تهددني اني ما احمل لين ما اخلص الجامعة
مع ان عندي بشكارة.... بس بنتي وايد حنانة وتصياحة
قبل لاتكمل سنتين كان بخاطري احمل واييب اخت او اخو لبنتي لان مب حلو فرق العمر واايد بين اليهال وهي كانت تحب اليهال
هديت المنع وحملت
الله لايراويج ردة فعل امي وخواتي والله كرهوني بعيشتي في اول شهور
مع اني يالله كنت متحمله ارف الوحام والتعب .... واايد تعبت نفسيا
بس الجمدلله احس الحين لاني قربت اولد وامي تشوف اشكثر بنتي متشوقة على البيبي
احسها وايد مستانسة وحتى خواتي
انتي ما عليج ولا تتعبين نفسيتج لان نفسية الام تاثر على الجنين
استانسي وعيشي حملج وكل شي بيعدي وبينسون
والف مبروك على الحمل
والله اليهال نعمة حتى بتعب الحمل والولادة والتربية والله انهم احلى شي بالدنيا .. الله يخليهم لنا يارب
والسموحة واااايد طولت:2_106:

مبروك عالحمل والله يجعله من الذريه الصالحه يارب اهم شي انتي مستانسه وما عليج من احد

السلام عليكم ورحمة الله وبركاته

حبيبتي رضا الناس غاية لا تدرك

وأكيد اهلك مو هاين عليهم انك تتبهدلين حمل ورا بعض ودراسة صدقيني انتي الي تحملين وتتعبين يعني أكيد متضايقين عشانك مو منك

والناس مو عاجبها شي ابدا الي تحمل مباشرة ورا بعض ياكلونها والا تتأخر بالحمل ياكلونها والي تجيب بنات ياكلونها والي تجيب اولاد ياكلونها يعني لو تنتظري الناس تفرحلك على كل شي فانتي غلطانه

ومن ناحية صديقاتك لا تحطي ببالك كلامهم يمكن صدق انتي كاسره خاطرهم لانك تدرسين وابنك صغير بالعكس هذا دليل اهتمام مو شرط يكون غيره مثل ما يظن البعض

و الله ييسرلك حملك يا رب وتفرحين بشوفة النونو يا رب وألف مبروك الغلى

لا تحطي في خاطرج اختي ترى اهلج مو قصدهم يطنزون او شي من هالقبيل لا يمكن قصدهم ان تعب عليش ولازم تراعين ولدج اول وتربينه ما تحرمينه من حنان او شي وبعدين تتفرغين للحمل
وموفقة اختي وترى مالج الا اهلج مهما سووا ترى مالج غناة عنهم وهم في نظرهم يبون مصلحتج ومصلحة ولدج والله يسهل عليج يا رب وعلينا اجمعين

لا حول و لا قوة الا بالله
الله يكون بعونج
ماشاء الله ولدج عمره سنه مب مثلا شهرين
انتي خلاص لا تطرين سيرة الحمل جدامهم لحد ما تولدين بالسلامه:)

اختي لولو كذا حسستيني بتأنيب الضمير انا كنت دايم اقول لاختي ليش تحملين وتوك صغيرة وش مستعجلة عليه بس ما كان قصدي اني

اضايقها انا كنت راحمتها وخصوصا ان بنتها ماكملت 4شهور والحين بناتها وش حليلهم وحدة 5سنوات والثانية 4سنين وجابت لهم اخو

عمره الحين 7 شهور المقصد من كلامي ان ردة فعل اهلك يمكن تكون رحمة بنتهم خصوصا الام والاخوات مايكون قصدهم تعنيف والا غير

مبسوطين بس حانينك من الوحام وولدك صغير ومن الولادة وكيف بترينهم جميع وانتي عند دراسة والحمدلله مادام زوجك مبسوط الحمد لله


الله يوفقك وان شاء الله مع الايام بتقبلون اهلك

هذه نعمه من عند الله ..

مادام أنتي وريلج مستانسين ما عليج من حد ..

أفرحي وأستانسي ..

والله يقومج بالسلامه يااااااااااااارب وتفرحين بوالعيال ..

ألف ألف مبروووك
والله يتمم عليج بخير وتولدين بالسلامه ان شاء الله
اهم شي انتين لا تتعبين نفسيتج , مو زين للبيبي
وهذا نعمه من رب العالمين
(( المال والبنون زينة الحياة الدنيا ))
شيبون بعد ؟؟ بيعترضون على حكمة الله , استغفر الله