حياتي مع زوجي عذاب

الله يعينج ويكون في عونج حبوبه ويسر لج امورك ويرحمج برحمته

والله ياختي مشكلتك سيف ذو حدين .. وانت بدل ماتعالجين الوضع زيدت الطين بله اختي ابكلمك بصراحة وانا مثل اختك
الكبيرة اكبرك بعشر سنوات لذلك لا تزعلين مني..
انت أخطأت خطأ كبير جدا لا يمكن تركه والغفله عنه فالخيانة حتى لو كانت باتصال تعتبر خيانة والمكالمة بداية الشرارة
اختي ماهو عذر ان زوجك مشغول بمخدراته وهمه ومصيبته يعطيك العذر انك تدورين الحب والحنان عند غيره ..
تخيلي اختي بنتك لا سمح الله سوت مثلك الان وهي بنت وش سويت يمكن انهبلت صح وخفت على سمعتها وانجنيتي..
لا وتخيلي انها تزوجت وتخون زوجها مكالمات أومقابلات ...الخ وش حالك وقتها ..
اختي تخيلي حال امك لو درت بامرك ومكالماتك ...حبيبتي خافي على بنتك خافي على أولادك لاالله يعاقبك لا سمح
الله فيهم والله قلبي عورني عليك وعلى أولادك حبيبتي كيف تشتكي من الوحدة والله رزقك زينة الحياة الدنيا البنون
فرغي كل حبك ومشاعرك وعاطفتك عليهم وفيهم هم أولى من شباب ماعندهم ذمة ولا ضمير ..ولا يخافون الله في بنات
الناس بعدين وين الفايدة في كلمة معسولة كذابة من فم شخص غرضه يتسلى فقط ..
أنت تبغين تتسلي عيالك ثم عيالك ثم عيالك ودوريلك أي شغلة تشغلك داخل البيت أو خارجه إذا قدرت ...المهم ابعدي
عن الفراغ والفراغ العطفي خاصة...
الحد الثاني من مشكلتك بعد ماتعاجين الحد الأول منها اللي ذكرته قبل قليل وهو زوجك ..

أولا المخدرات مصيبة الله يعظم أجرك وآخرتها هلاك ودمار وفضيحة ومصائب لاحصر لها ولا عد فليس لديك إلا الحلول
التالية : فورا احد يتدخل من اهلك ويجب انهم يعلمون بالأمر لأنك أنت وبنتك وأولادك في خطر وكم سمعنا من قصص
تشيب منها الرؤوس ... وكذللك أحكم وأعقل أهله والده مثلا أو أخوه الأكبر...
ثانيا : حاولي ابقاء أولادك بعيدين عن والدهم خاصة اثناء تعاطيه أو هو في حالة هلوسة لأنه يكون بهذه الحاله بلا عقل..
ثالثا : احرصي على عدم مجادلته كثيرا في هذا الأمر لوحدكما ...
رابعا : الجأي إليه سبحانه وهذا هو الأهم فهو وحده قادر على أن يهديه ويشفيه ويرده إليكم ردا جميلا ..
الدعاء ثم الدعاء ثم الدعاء وقيام الليل احرصي عليه اختي ولا تنسي قوله عز وجل ( ومن يتقي الله يجعل له مخرجا ويرزقه من حيث لا يحتسب ومن يتوكل على الله فهو حسبه )

[GLOW="FFFF66"]أسأل الله جل وعلا أن يلهمك الصبر والثبات على دينه الحق وأن يهديك ويهديه ويصلحه ويشفيه ويرده لكم ردا جميلا
إنه على ذلك قدير ...[/GLOW]

:9_33::9_33::9_33::9_33: تحياتي الغريبة 111

الله يصبرج حبيبتي

بعمر الزهور وتعانين كل هالمعاناه!!

حبيبتي ما يصير تستكتين خبري هلج عشان يساعدونه يتعالج لاااااااااازم يتعالج ما يصير والسكوت عنه غلط كبير

لنوحد الدعاء لبنت الباحه
اللهم فرج همها وغير زوجها وسخره لها

aseel2;4208793:
لنوحد الدعاء لبنت الباحه
اللهم فرج همها وغير زوجها وسخره لها

اللهم امييييييييييييييييييييييييييين

والله حرام بعمر 13 كنا نلعب بالعرايس والدمى وين الأهل بس

اللهم فرج همها وغير زوجها وسخره لها

الله يستر عليج أختي من ناحيه ألومج لانج كلمتي شباب وأحيانا اقول الغلط مب منج انت وبس وين الزوج الغافل الي لازم يكون مسؤول عن رعيته هو بعد محاسب من رب العالمين والله يهيديه بس أهم شي أطفالج

اختي انتي ماتقدرين تشتغلين كللللش

وابنيلج ملحق صغنون ببيت هلج غرفتين وحمام

اهم شي شي تقدرون تقعدون فيه مايهم ضيق او وسيع

حتى لو تشتغلين شغل براتب قليل

لاتنسين نفقه ريلج بتيلج شهرياا

انتي شوفي واحسبيهاا

الريـــــــــــــم;4200828:

حبيبتي أول شي حاولي تقرأين عن المخدرات و اثارها على الشخص

عشان تفهمين زوجج أكثر

أتوقع ان اكثر التصرفات هذه من المخدرات

مش لأنه ما يحبج أو انتي مقصره معاه

وفعلا اللي أعرفه ان هالسوالف تسبب صداع

تخيلي اللي يبي يترك التدحين يصير فيه هالشي

شلون اذا كانت مخدرات؟

والشي الثاني أتوقع انه ما فرح بالبنت لأنه ما يبي عيال و هو بهالحاله

وبنتج لااااااازم تعالجينها عن قضم الأظافر لأنها دليل على اضطراب نفسي وهي صغيره يعني ممكن يتم معاها هالاضطراب طول عمرها والعلاج الحين أسهل

عموما

لازم تتصرفين بحزم

قولي له مثل ما قلتي انا مستعده أقف جنبك و أساعدك عشان تتعالج

بس اذا مب ناوي تتركها انا اخذ عيالي و حتى ولدك و اروح عند اهلي

ولا تقولين ما تبين الطلاق عشان عيالج

لأن العيال بيتعبون أكثر مع أبوهم بهالحاله

واذا عندج حد تثقين فيه و ريلج يثق فيه خليه يكلمه قبل لا تجيبين سيره الطلاق

والله يفرج كربج اليوم قبل بكره يا رب

انا مع اختي الريم :up:

اختي بنت الباحه والله ان قلبي تقطع من حالك ووالله اني ادعي لك اختي خوذيها مني انصحك بان تقولي لاحد عاقل من اهلك مثل اخوك يقدر يتصرف معاه لا تفكرين بالطلاق فهاذا عارض باذن الله يروح مهما طال انا اعرف ناس عانو المعاناه والله فرج لهم الكرب اسال الله لك فرج قريب غير بعيد واوصيك اختي بقيام الليل فهو خير معين بعد الله

عليج بالاستخاره

الله هو الوحيد اللي بيساعدج في نفس هالمصيبه

والله يصلحه ويسخره لج