مستغربه من الي صارلي معقوله؟!!.. بشو تنصحوني؟؟

حبيبتي تنامين وإنت مظلومه أحسن من إنتج تنامين وإنت ظالمه


خليج قويه ولا تسكتين عن حقج دافعي عن نفسج هاي وحده فاضيه لوكانت


تحبج جان ماسوت إللي سوته بالعكس يوم إنج جفتيها على قولتها


ليش هي ماسلمت والله أحسها خريطه والعلم عند الله سبحانه..


وإنت لج الأجر لأنج سكتي عنها.. :)


ولا تشيلين بخاطرج...

انا كنت مكانك بس الفرق انها ما واجهتني متل ما صار معك بس لما اجيت و صبحت عليها ما ردت علي و عملت حالها مش شايفاني و أنا فعلا استغربت و في زميلتي لاحظت عليها و نفس الشي عملت معها و حكينا يمكن احنا اغلطنا معها بدون ما نقصد لكن ما راجعناها بشي و لا سألناها لأنو ما غلطنا معها بس إذا هي مريضة احنا شو دخلنا المفروض تعاتبنا أو تفهمنا السبب لحالها
و نصيحتي اتركي الموضوع على ما هو عليه و لا تراجعيها بشي ، انتي ما غلطتي معها و تصرفها كان غلط 100%

و الأيام الا ما تحل الموضوع لحالها

سوسن العقل;4195939:
خلك عنها و ركزي بشغلك...و بعد كذا اذا جاءت و كلمتك لا تصدينها اعرفي سبب تصرفها و بعد كذا قرري

و انا اقولك" العفو عند المقدرة" اكيد انها فيها شي و حطت حرتها فيك و الله اعلم

مشكوره حبيبتي

بس هذا مو من العقل انا اذا كنا مضايجين انطلع حرتنا بالناس

الله يسامحها

:flower:

*الناعمة*;4195944:
انا اقولج اطرشي لها مسج تعتذرين وتحلفين مرة ثانية

وقولي لها مالي مصلحة اني مااسلم عليج ما بينقص مني شي

ولا اتزعلين روحج وايد الموضوع ما يستاهل

بس بصراحة اهي مو متربية لانها ما كلمتج بأدب جدام كل الناس

وسمي بالرحمن

ويمكن انتي صج جت عينج في عينها بس ما كنتي منتبهه انها هذي اهي

عادي ناس وايد يقولون ليي ليش مااتسلمين اقولهم انا اطالع في الناس بس مااركز

لا اتزعلين روحج لانج على صح

والي سويتنه صح صح صح صح

انج سكتي لانج بنت ناس وبنت عائلة

ما اتدرين بصراخ في مكان عام او حتى خاص

وان شاء الله العرايس يفيدونج
اكثر مني

مشكوره على الرد

بس ما اعتقد حلوه لو فحقي اني اطرش لها مسج واحلف مره ثانيه
لان انا حلفت جدام الكل براس عيالي وجذبتي

فمستحيل احلف لها مره ثانيه

واحس كاني اترجاها وانا ما غلط

المفرووض اهي تعتذر لي بسبب المعامله

@ green apple @;4196039:
والله يا حبيبتى انا حاسة بيكى

بس صدقينى احسن حجة انك مش رديتى عليها

لانها لو كويسة كانت ممكن تعتب عليكى باسلوب هزار وضحك والموضوع هيعدى

طيب والله اوقات بتحصل معايا حاجات زى كدة ان مثلا حد من اصحابى شافنى ومش سلم عليك وبكون بردو واثقة انها شافتنى بس صدقينى باسلوب كويس بقولها انتى لية مش سلمتي عليها والموضوع بيعدى وخلاااااااااااص

حتى لو حلفت وبمجرد انها تحلف خلاص الموضوع خلص حتى لو حلفت كدب هى اللى هتتحمل ذنبة

انتى مش تضايقى نفسك

والاحسن انك مش رديتى عليها لان اسلوبها مش كويس

وربنا يهديلك حالك

مشكوره ما قصرتي الله كريم

المتغشية;4196126:
الغالية انتي سويتي ابأصلج وبالعكس سكوتج مش معناه ضعف أو انه شخصيتج مهزوزة أو ضعيفة لا

انتي كان بامكانج اتردين بس انتي على حق وهي لو ماتحيد نفسها على غلط جان ماسوت لي سوته

حبيبتي ألزم ماعليج بيتج وزوجج وعيالج اتضايقين ابنفسج عشان انسانه الله أعلم ابنفسيتها


خليها اوهي بترد ابروحها

وانتي ماعليج قصور ولابدى منج أي غلط

اوتصرفج كان في محله وأبو الصح كله

شكرا

ريحني كلامج :flower:

foo6a;4196351:
ياهلا حبيبتي ولاتزعلي نفسك ولاشي
ولاتعتذري منها ولاشي لان هيه الغلطانه مو انتي وبالعكس حلو انك اكتشفتيها على حقيقتها
اقطعي علاقتك فيها ولاتقولي شي وثاني شي تصرفها كان في قمة الجهاله وغبي جدا
وحتى اللي مايعرف ايش السالفه ماراح يقول ان صاير شي وانك غلطانه لان واااضح حق الوضوح من دون ماتقولي وتبرري ان هيه الغلطانه وعند الكل
ركزي على بيتك وشغلك واطفالك ولاتهمي حالك بهالاشكال

شكرا:flower:

هلا اختي لاتزعلين ولا تتضايقين احسن شي سويته انج مارديتي عليها لانج في الدوام وجدام الناس واهم شي الاحترام وسمعتج بينهم وانتي تقولين قالو عنها مب متربيه لانها علت صوتها عليج فما بالج لو انتي مثلها وصرختي في هالمكان اكيد ماترضين يقولون عنج مب متربيه الله يهديها ان شاء الله وانتي لاتشيلين هم حبوبتي

الصراحه ماعليج منها ركزي في شغلج ولا عليج منها لأنها بااااااااااااااااااين وحده تدور المشاكل وشوفي اخذي نصيحه من اخت لأختها اي وحده مثل هاي الأشكال تتعامل مثل بيبي يعني لا تعطينها ويه ابدا ولا تكلمينها ويكون بينج وبينها السلام بس وصديقيني راح تتحسف وبتحس بالغلط وبترجع لج تتأسف ....

ولاتتضايقين و لا تمدين بوزج قدام ريلج والله حراااام ماله ذنب :D_smil1: :21_8:

اختج : هيلاري 93

LARSIA;4196423:
الله يعينك الموقف ممل والي سويتيه جيد جدا"""""
لاترسلين لها رساله ولاتعتذرين تكبرين راسها
اصلا هي ماقصرت خذت حقها بالصراخ وانتي مارديتي
بالعكس سكتي عنها يمكن تحس بالذنب وتعتذر
""""""""""""""""""""""""""""""""""""""""""""""""

مشكوره

وانا قلت جذا بعد

المسج بيخليها اتقول انها صح

وبضيف بعد انه احسن شي سويتيه انج مارديتي عليها ...

والصراحه لو تاخذين نصيحتي لاتطرشين لها لامسج ولا شي هي اللي مفروض تطرش لج ...

والله يوفقج ...

الدانة الفريدة;4196604:
السلام عليكم ورحمة الله

حاسة فيك والله في ناس ماتستاهل الطيبه بس احتسبي ما فعلتي عند الله تدرين ان مو اي شخص يتغاضى الله كرمهم وقال عنهم صابرين وذو حظ عظيم .
نصيحتي لاترسلي مسج ولا تتعذرين انتي مو ملزمه هي زعلت ببلاش ترضى ببلاش .

شكرا على الرد ما قصرتي

راعية الفراري;4196712:
انا صارت فيني هذي السوالف
بس انا من النوع اللي مااحب المشاكل ،،
يعني اللي يسوي فيني جذي ابتعد عنه خلااااااااااص،، ويكون بينا سلام وبسسسسسسسسسسسس
شوفي حبيبتي
لاطرشين لها مسج ولا شي وانتي مو ملزومه بصداقتها
خلاص اللي صار صار يعني لين رحتي الدوام مرة ثانيه روحي عادي وسلمي عادي

الصراحه هذي النوع من البنات اللي يصرخون ويسون روحهم كلش غير محترمات الصراحه ،، وانتي اشلج بها وبصداقتها ،،
ولاتعورين قلبج ولاشي اهي اللي عورت قلبها وتمت تصرخ


الله يوفقج حبيبتي

هي صدقج

انا رحت الوام اليوم عادي ولا كانه في شي

والاحسن انها بقسم غير قسمنا يعني ما بجوفها الا بالصدفه

مشكوره :flower:

نونو27;4197053:
عزيزتي أهم شيء الثقة بالنفس وقد قال عليه الصلاة والسلام ( من حلف له بالله فليصدق ومن لم يصدق فليس من الله ) < أي ليس من عباد الله > ومادامت العلاقة علاقة عمل ليش تضيقين خاطرك وش ذنب أسرتك أنك تحملين مشاكل العمل أجعلي فاصل بين حياتك العملية وحياتك الخاصة
وبعدين حاولي تسامحينها يمكن هي عتبانة والعتب نصف المحبة
وفقك الله لما يحب ويرضى

مشكوره ما تقصرين

الله يخليج ويوفقك يارب

صج الايات القرانيه اتريح

M!$$_BLinG;4197872:
السلام عليكم
حبوبه اول شي
الحاله اللي انتي فيها يسمونها --تلويم-
متلومه فيها ليش؟؟
هيه اللي غلطت
و هيه اللي عللت صوتها عليج و ما حشمج جدام الناس!!
انا ما اقولج جيه عسب اسوي عداوه بينج و بينها
لكن اسمحيلي هاي ما يسمونها ربيعه
تخطت حدود الصداقه!!
و انا ماره بموقف مثل هذا
سامحيني على اللي بقوله
يا ويلج لو طرشتي لها مسج تعتذرين و تحلفين
شي مثل انجليزي تعرفين شو يقول
لا تبرر نفسك للناس
لان عدوك لن يصدقك
و صديقك لا يحتاج للتبرير -- يعين مصدقنج بدون تبرير لشي-

خلج واااااثقه من نفسج انج ما غلطتي
و بعدين ما يسوى عليج
هذا عشان انتي ما شفتيها سوت بج كل هذا
-- ههههههههههههه ادري انكم مستغربين من ردي--
انا كنت فحاله نفسيه سيئه لاني مريت بموقف مثل هذا
بس الوالده قالتلي -- هل هيه تستاهل انج تسوين بعمرج جيه--
لو هيه ربيعتج جان ما غلطت عليج بالرغم ان علاقتي بها كانت اشد من علاقتي بخواتي
و بس
تفلسفت عليج وايد
بس طاف حبوبه انتي اكيد عندج اللي يعزونج و يعرفون معنى الصداقه
خساره وحده مثلها ما بتسويبج شي
و بعد شي بقوله
اذا هيه فكرت تعتذر لج
تعتذر بنفس الطريقه اللي صارخت عليج فيها-- هههههه -- مش تصارخ--
قصدي
انها تعتذر لج بوجود كل اللي كانوا موجودين يوم غلطت
مش تكلمج عالموبايل او اطرش مسج و خلاص


احس اني شريره بس والله محد يستاهل انج تحرقين اعصابج و اتعبين نفسيتج عسب اسلوبه
هذا درس تعلمته من عقب ما كل حد كان يقوللي اني طيبه و قلبي كبير و اثق فالناس بسرعه
بس الدنيا تجارب ونتعلم


ملاحظه: احس انج انسانه طيبه و حبوبه و الكل يحب يسولف وياج --
اشتغل التحليل خخخخخخ
السموحه منج الغاليه
طولت عليج

كلامج نفس كلام خواتي لي

ومشكوره وانا بعد هالمواقف غيرت طريقه تفكيري شوي

الطيبه مو زينه دوم

وملاحظتج صح خخخخخخخخخخ

سحايب دبي;4198155:
اكبر طاف و الحين راويها عدل كيف انج تمرين و ما تسلمين عليها

و منو تكون هيه عشان ترفع صوتها عليج جدام الموظفين لا و تضارب بعد

لو مكانج و اشوفها مستوقحه عليه بقوللها والله السلام ما ينجبر الواحد عليه و انا ماشفتتج و لو كنت شافتنج و ما ابا اسلم كيفي مب كيفج ... يوم ابا بسلم و يوم ما ابا ما بسلم و بس بخليها تموت بقهرها والله و لا ترفع صوها عليه

يوم بتشوفينها في مكان من بعيد سوي عمرج تسولفين ويا اي وحد وتقولين برايها كل واحد يعمل باصله و انا مااسمح لنفسي ارفع صوتي جدام الكل على شي ما يستاهل ... و الواحد حر يوم يبا بيسلم و يوم ما يبا ما يسلم محد يقدر يجبره

وبس اقلعيها و لا عليج منها

اصلا هاي باين عليها انسانه واطيه و شايفه عمرها على فشوش يعني على الفاااااضي

هههههههههههه احسج محرجه وانت تكتبين

مشكوره عيوني ما تقصرين

اليوم بالدوام يالسين يسولفون وياي الموضفين اونه مريتي اتسلمين
قلت لا طبعا
قالو يا ويلج جاك الموت يا تارك الصلات خخخخخخخخخخخخخ

وواحد يقولي بطنازه الاله بتغضب عليج

استغفر الله

نا را;4198323:
لاااااااااااااااااااااااااااااااا ..لا تطرشين اعتذاااار ولا تحلفين مررررررة ثانية اللي ما قدرت لك حلفك الاولااااااااني ما تستاهل تحلفين لها ثانية ولا تعتذرين..

ماعندك كراااااااااامة؟؟ ولا تشتغلين عندها؟؟ تركيها تولي

الواجب هي اللي تعتذر لان هي اللي غلطت مو انتي..

على ايش تعتذرين وعلى ايش تحلفين.........؟؟؟؟لا تنزلين من قدرك انتي مالك شي عندها ولا انتي محتاجة لها
روحي شغلك مرفوعة الراس وانك مش مهتمة منها ولا تأثر فيك هالاشكااااااااال اللي ماعندها ذوق ولا اسلوب الله لا يبلانا

صح انا قلت جي
والحمدالله اني ما طرشت مسج

لان حسيت بالمسج بثبت لها اني غلطانه وهي صح

ومشكوره :flower:

نبض قلبي;4198490:
اختي السكوت هو ابلغ لغه في هذي المواقف
ومثل مايقولون الحقران يقطع المصران

وحده ماستحت ترفع صوتها قدام الكل انتي في غنى عنها ولاتشيلين همها

بس حبيت الفت نظرك اختي بكلامك
( انا استغربت لان انا ما جفتها وحلفت لها ما صدقت
وقلت لها والله العظيم وراس عيالي ماجفتج (حلفت باغلى ماعندي عيالي ومستحيل احلف الا للظروره بس هي محرجه وتتضارب وياي )


مايجوز الحلف بغير الله
وربي يخلي لك عيالك ويحفظهم لك (f)

شكرا

ما قصرتي

انشالله ماراح احلف مره ثانيه

tamara2005;4198584:
بصراحه انا لو منك بطنشها وما برسلها مسج ولا اشي ولا اعتذار لانك انتي مش غلطانة ولا تزعلي ولا على بالك الاشكال الي زي هيك ما بنزعل منها خليها تولي اوعك تعتذري او طرشي مسج ابعدي عنها نهائي ولما تروحي على الدوام طنشيها ولا على بالك.

صح هالي سويته رحت الدوام ولا كانه في شي عادي

والحمدالله نسيت او تناسيت الموضوع

لان في بحياتنا امور اهم من هالمواضيع التافه

شكرا :flower:

الجوهرة;4198804:
حبيبتي اكيد في حلقة مفقوده في السالفه

يعني كنتوا حبايب واول يوم اداوم اطب في بطنك؟؟

طبعا لاتعتذرين ولاتهتمين

وعيب صراخها وطريقتها

عندي حل يمكن يكون زين : طرشي لها مسج انك تبين تكلمينها ضروري أو اخذيها على جنب وجها لوجه وأنا أفضل المواجهه واشتفسري منها شالسالفه لكن من غير انكسار او اعتذار منك

وقولي اللي في خاطرك

وخلي العلاقه سطحيه جدا بعدين

والله يسعدك ويريح قلبك

لا ما في شي ضايع لان انا مو اول شخص تتضارب وياه بالدوام يعني شي عادي بالنسبه لها
وهي يمكن باعتقادها انه الصراخ شي زين ولا بيرفع من قدرها

لا ما اقدر اكلمها ولا اطرش لها مسج لانها غلطت بحقي
وما اقدر انزل نفسي لها

وشكرا:flower: