عندي فكرة واتمنى تشاركوني فيها

السلام عليكم ورحمة الله وبركاته
كيف الحال جميع؟ عساكم بخير وصحة:21_207:


طبعا انا ودي اتكلم عن مشكلة الشعر بالجسم في بعض البنات شعر جسمهم خفيف وبعضهم ما عندهم شعر بكل مكان بجسمهم وبعضهم شعرهم كثيف وبكل مكان وبعضهم الشعر ما يطلع لهم بسرعة

طبعا كل واحد وحسب طبيعة جسمه وكيفية اهتمامه عشان يخفف مشكلة الشعر
انا عندي فكرة واتمنى تلاقي رضا عندكم بس محتاجة الفكرة ان نحن نطبقها بدون ملل او كسل ولفترة ما تقل عن 6 شهور او حتى 6 مرات لان كل شهر مرة او كل اسبوعين مرة


والفكرة هي: ان كل وحدة من البنات اللي بتشاركنا الفكرة تختار طريقة من الطرق اللي نعرفها لمنع ظهور الشعر وتطبقها لمدة 6 شهور يعني كل شهر مرة طبعا عشان نكون سوينا اللي علينا ورب العالمين يريحنا

من الطرق اللي اقصدها
" طريقة نبات السعد "
" طريقة منقوع الترمس "
" طريقة منقوع المر "
" طريقة حلاوة الفسوخ "
" طريقة قسر الباذنجان المجفف والمطحون "
وهذي الطريقة انا شفتها مرة وهي انك تاخذي قشر الباذنجان وتيبسيه بالظل يعني بالمطبخ مثلا وبعدين تطحنينه ولما تحفين اخلطيه مع ماي لما يصير مثل عجينة وحطيه على مكان الحف لما ينشف وبالليل حطي بودرته المطحونه


طبعا لازم اولا نكون حافين بالحلاوة مش بالموس او الشمع او الالات فقط بالحلاوة
ثانيا نستخدم هالاشيا بعد الحف لمدة 7 ايام على الاقل حتى لو ظهر الشعر قبل 7 ايام
ثالثا نسوي هالطريقة 6 مرات على الاقل يعني كل شهر مرة تقريبا او كل اسبوين على حسب متى يظهر الشعر وتقدرين تحفينه
رابعا انا افضل تسوين تقشير للجسم قبل الحف بيوم وبعد الحف بيومين او 3 عشان التقشير قبل الحف او بعده يساعد على منع ظهور الشعر تحت الجلد


وبعدها اذا شفنا نتايج طيبة نرجع ونقول واذا ما شفنا نتايج بعد نرجع ونقول طبعا مع ذكر اذا كنتي من النوع اللي شعره كثيف والا خفيف ومدى سرعة ظهور الشعر عندج وباي مكان بجسمج
طبعا انا ما ذكرت كيفية عمل كل طريقة لاني ما اعرف كلها ولان اغلبها موجودة بالمنتدى

او ممكن ادور عليها اذا حبيتوا وابعثها لكم


فاتمنى منكم المبادرة التحمس لهذه الفكرة واتمنى من الاخوات اللي ناوية تجرب معي تبلغني وتختار الطريقة اللي تبيها
عشان نعرف وننتظر النتايج بعد 6 شهور



اتمنى الفكرة تعجبكم وفعلا نبذل مجهودنا وان شاء الله رب العالمين يريحنا
انتظر ردكم ولدمتم بكل خير وحب:flower: