غاليتي احاسيس
سعيده بردك الجميل ..
اللون البنفسجي رائع جدا وكثير من الناس لايقدرون جماله ويستبعدونه في تاثيث
المنزل .. لان الفكره ان البنفسجي قاتم ومختلف عن الالوان الثانية .. وبعض الناس
يعتبرون البنفسجي لون شاذ عن الالوان الباقيه .. :)
مع ان البنفسجي تقدرين تخلينه فخم مرة .. وكلاسيكي مرة .. وللاطفال مرة ..
وللاسترخاء مرة ..
وممكن بطريقة ثانية تخلينه يخرب المكان ويصير قاتم ويسد النفس :(
وانا افضل البنفسجي لصالات الحريم .. وغرف المعيشه وغرف النوم ..
ممممممم اما بالنسبة لمجلس الحريم عندك .. اهنيك على السجاده الجميلة تخيلتها روعه
وخاصه ان اللون جريء يعني قليل اللي يشترون سجاد بهاللون .. وهذا يدل انك ذويقه
ماشاءالله عليك ..
وعلى فكره البنفسجي وايد حلو مع البرتقالي:21_207:
بس عندي سؤال تقصدين جلسه عربيه او مغربيه ؟ الجلسه العربية اللي على الارض ..
والجلسة المغربية هي اللي تكون متصله ومرتفعه عن الارض .؟
لان السجاده ماتناسب لجلسه عربية على الارض . .
اما اذا تقصدين الجلسه المغربية فبيطلع راقي جدا وحلو .. وانصحك مع اللون البرتقالي
البيج ( اذا كنتي تحبين المجلس تكون الوانه كلاسيك )
وفي هاللحاله راح تخارين الجلسه بيج ساده والمخدات تكون مشجره باللون البرتقالي
الفاتح والغامق .. وبعضها يكون برتقالي ساده ..
الوردي والاصفر رائع جدا واالاالوان زاهيه وربيعيه
في هالحاله راح تسوين الجلسه مقلمه وردي واصفر وبرتقالي خفيف يعني
الاكثر يكون وردي واصفر .. وبرتقالي يكون اقل منهم علشان تكون المخدات
باللون البرتقالي .. رائع جدا
البنفسجي
الاخضر
ممكن تختارين بعد العنابي .. اذا كانت المساحه كبيرة في المجلس ..
اتمنى اكون افدتك حبيبتي ..
واي استفسارة انا تحت امرك
