متى راح تشترون ملابس العيد؟؟

لسلام عليكم

انه بديت اشتري من 4 اشهر البدلات اوكي بس القهر الجوتي من ليدي بيرد من اللحين صغير على مشوري

انه شريت له بدلتين من بامبكن باتش وبافصله ثوب لانه في العيد بيكون كمل السنة
وباخذله 4 بدلات من السعودية

وعن نفسي شريت شنطة وقطعتين وبفصل عباية وشيلات

هلا وغلا بكل حبيباتي

بالنسبه لي
بنوتي عوااشه بتكمل 4 شهور وان شاءالله هاذا اول عيد لها
فخذيت لها من بامبكن بتش بدله واايد حلوه

والتخفيضات في مذركير جننتني
اشياء حلوه قمصان على 10 و20 !!!!! تصدقون

خذيتلها قميصين بأكمام طوال حق البرد وجاكيت حق البرد يعني اكبر عن عمرها حاليا

وبنطلون وكذا شيء والأسعار والله بلاااااااااااااااش
ووصلتها هدية بدله ورديه ويا قميص ابيض رحت اخذت لها عليه قبعة بيضا
وخذيت لها دلااات من مذركير .... وبنص السعر

ومريت كليرز وخذيت لها ربطات مال الشعر
:9_28:

وان شاءالله اصور لكم اغراضها
بس نصيييحه تزيلات مذركير تخبببببببببببببل
واسعار يا بلاااااش

متحيرة و متلخبطة مو عارفة آخذ ثياب .. جاينا قرقاعون و حالة وولدي يوم ثالث ايام العيد يكون يكمل سنة .. يعني

السايز يتغير و ماادري آخذ له من كم لكم يعني من 9 الى 12 مثلا ؟؟ فيدوني يا امهات ..

أنثى
تكمله السنه مو معناتها انه بحجم السنه خصوصا ان بعض المقاسات تكون اكبر لانها تكون بريطانيا او غيرها من المقاسات الي تكون اكبر
المهم في الثياب الوزن
حاولي تضبطين الوزن يعني حطي كيلو او نص كيلو مستقبلي بس


بغيت اسأل عن ثياب تاب الويا والقسم الجديد الي في السيف في شي يستاهل الروحه والله مثل مذركير ونكست احس بضايعهم كله ما فيها شي مميز وحتى لو اخذت اخذ شي ولما ارجع اكون نص ونص يمكن لاني ما رحت كل مكان بعدي

السلام عليكم
انا شريت حق ولدي قبل فترة من gap شورت و بلوزة و بفصل له دشداشه ان شاء الله

اما عن نفسي فحتى الآن البحث مستمر

انا عن نفسي هاي ثاني عيد حق بنوتي الحلوه ...
اول عيد كانت توها شهرين ومابينت كشختها .. بس هالعيد شريتلها ثياااااااب تجنن من بربري ... خذتلها فستانين يخبلون ... باقي الاكسسوارات ... وباقي الملابس العاديه حق 3 و رابع يوم...
عندي سؤال انتو كم بدله تشترون حق عيالكم للعيد؟؟ 4 بدلات على عدد ايام العيد .. صراحه انا new ماما ومب عارفه شلون ...

فكره حلوه أختي جمانه وأنا مقرره من العام أن السنه هذي أخلص أغراض العيد من نصف ثمانيه يعني قبل رمضان إن شاء الله

بنات يعجبونكم ثياب كيابي للاولادي ؟؟

مشكورة جمانه على الموضوع الرائع

خواتي كانوا رايحين ماليزيا و يابوا ل حمودي بدل روعه ف خليت منهم اربع للعيد و خالتي كانت في ايطاليا و يابتله بدلتين بعد حلوين

و عندي من قبل بدله روعه كانوا يايبله اياها من تايلند ووايد عاجبتني ف قلت بخليها للعيد و خصوصا انه شوي اكبر عن سايزة الحين و بتكون قياسه ان شاء الله عالعيد

و هذا ما يمنع اني اخذلي لفة على نكست و ادمز و غاب اشوف شو عندهم حلو

و بروح الاسبوع الياي الخياط بفصله كندورتين حق اول يوم العيد الصبح


اما انا تقريبا مخلصة اغراضي بس باقي افصلي عباة و شيل و اييب ثيابي من الخياييط

بدوري خلصت له الثياب باقي الجزم الله يعزكم اخذت له ن مذركير واخذت له من ادمز انشاء الله باقرب وقت اعرضهم
فيه سؤال اخواتي البحرينيات اشوفكم تقولون مذركير البحريني والامريكي عندكم نوعين ووينهم انا دايم اروح للي بالسيف وش الفرق بينهم

السلام عليكم ورحمة الله وبركاته

ام دودي

انتوا عندكم baby shop والكويت اظن عندهم جونيرز ... اهمه نفسهم باسم ثاني عندنا اسمه مذركير ..
ويصير في مارينا مول او رفاع مول او في السقية وسنتر بوينت اعتقد ...

في أمان الله

أنا خذت لبنتي ثوب من مذركير سعره 55 بالتخفيض حلو مرررره بس لبستها وياه في الأسراء و المعراج
و أخذت لها بنطلون مررره حلو من أكست و بلوزه من تابا ألويا لسا ما لبستهم لها بلبسها بداية شعبان بالمواليد
و يبغى لها حق الناصفتين لبس و حق العيد بعد و بصراحة لفيت السوق كلها ما عجبني شيء حتى الجزم ما لقيت شيء حلو ... للعام اللي فات كان عمر بنتي شهرين طلع لبسها جنان مررره روعه كان من أوركسترا و بالعيد الثاني عمرها 4 شهور و طلعت تهبل باللبس الشتوي من مذركير ... و اللحين عمرها سنه و أحس السوق بايخة ما فيها شيء حلو
و إن شاء الله الأسبوع الجاي رايحة البحرين أتمنى ألاقي لها لبس يا ليت بنات البحرين يدلوننا على المحلات في مجمع السيف مذركير و نكست و أدمز و المحلات الحلوه و في أي طابق عشان يمديني أتسوق صح و أبغي محلات تبيع جزم حلوه للبنوتات و أكسسوارات

omdoody بخصوص مذركير،، أحنا عندنا الأصلي البريطاني في السيف ومجمع البحرين..
التقليد هو رعاية الأمومة،، يعني BabyShop في السعودية والإمارات وقطر وعمان، جونيورز في الكويت... بس لأن ترجمته بالإنجليزي مذركير صار كأنه الأصلي .. التقليد تحصلينة في مرينا مول ورفاع مول وفرع بالمحرق والسقية...

! أنــثــى !;4201042:
بنات يعجبونكم ثياب كيابي للاولادي ؟؟

:gum:

أنا عن نفسي كلش ما يعجبوني

:21_207:

وإذا تذكرين أغلب ثياب ولدش الله يخليه نفس ثياب ولدي ، وعلى فكرة آخر ثياب أخذتيها له وحطيتي صورها عند ولدي نفسها !!!

يعني ممكن نقول ذوقنا متشابه لحد ما ... فما أعرف ما أتوقع يعجبونك

أنا حتى قماشهم ما أحبه كلش ما يعجبني

هلا بناااات

انا من يومين بالصدفه كنت رايحه مع ام ريلي مركز الغرير..هالمركز مول ما ادخله..هي كانت رايحه حناين تفصل عباه وانا قلت بشوف مذركير عشان اخذ عربانه حق ولدي بدال اللي انسرقت في مطار القاهره:angry: يا عل اللي سرقهم ما يتهنى فيهم...مالت ولدي ومالت ولد اختي ..المهم سرت وما حصلت شي عندهم..بس لقيت محلات اطفال غييير الي اعرفهم..دخلت محل وايد عيبتني سوالفهم..عندهم اشيا حلوه تنفع حق عيد..بس للاسف اللي يعيبني يكون اخر قطعه ومافي سايز حق ولدي...قالتلي بييبون عقب اسبوع نيو كولكشن..بشوف يمكن اسير مره ثانيه اطالع شو عندهم..فكرت بعد اروح المحل اللي في بالم ستريب..مال الماركات..او برجمان...فيه وايد محلات حق اليهال هناك غير المحلات المعتاده..عشان يكون لبس ولدي مميز حق العيد...هيه صح بجيك بعد ساكس فيفث افنيو...بس متى بسير ..الله اعلم ..:21_235:

بصرااحه موضووعج حلو وياا في وقته انا من يوم صغيره اخلص اغراضي قبل العيد والله رااحه وقبل الزحمه بعد والحمدلله عرست وللحين مكاني على عاادتي اخلص اغرااضي من وقت وقبل رمضاان لانه في رمضاان الوااحد ماايفضى للتسوق ..
وانا ولدي الحمدلله خلصت خذتله وافتكيت بااجي اناا افكر هاليومين اسير اسولي عبااه واخذله فستان حق اول يوم وثاني يوم حيرانه بشووف بسير السووق وبطااااالعلي شي..
انا ولدي ماخذتله من محل H&M
وماخذتله من استراليا يوم ساافرت بعد كمن بدله وحلواات ينااسبون للعيد يعني الحمدلله خلصت ولدي من ناحيه الملابس بس باجي الجوتي وبفتك وببقى اناا
اتمنى بنات الامارات يخبروناا اذا فصلو عبي حق العيد يقولولنا من وين فصلوا لاني حيرانه ما اعرف وين افصل واباا شي مميز ..
تحيااتي لكم وسوري على الاطااله

angle eyes شقصة سرقة العربانات في المطارات؟؟ يعني مافي شي ثاني يسرقونه الا أغراض العيال المساكين..
آنه بعد قبل سنتين سرقوا عربانة عبودي في مطار الأردن وعرفت من سرقها ودعيت عليه وإلى يومك أدعي عليه عيله مايتهنا هو ولا عياله فيها، لأن السرقة أشكره عيني عينك وماأستحى على ويه (للحين فيني حرة عليه وكل مرة ترجع أختى الديرة آقول لها تلفتي شوفي عربانة ولدي في مطار الأردن)...
حبيت اسألج عن بالم ستريب؟؟؟ وين بالضبط وشنو المحلات المعروفة فيه لأن يمكن أمي تروح وباوصيها علي شغلات...

هلا رانيا

انا بعد اعرف اللي سرق العربانتين...عمى بعينه كل ها لانه لمح يبا بقشيش و ريلي ما فهم ولبسه..فشكله ما نزل العربانات في الشحن ويا العفش و شلاهم بيته!!!!

بالم ستريب فيه محل نسيت اسمه..فيه بيبي ديور و اسكادا و موسكينو...وماحيد شو بعد..وهالمركز على شارع جميرا
..اول الشارع يعني وانتي يايه من شارع الضيافه بيكون في البدايات..

جزاك الله خيرا نبهتيني لشغلة مهمة