صبرت كتييييير ،،،، اليك بنت عذاري

اشكرك ياعمري يابنت عذاري على ردك على موضوعي ( ندااااء ) وعن بنتي ، وسامحيني اضطريت احط ردي عليكي بموضوع جديد لأني حيل مستعجلة / بس في عندي سؤال وان شاء الله تتحمليني أسألتي حيل كثيرة وواحد يجر الثاني ماصدقت أحد يعطيني وجه ، لو مسحت جسمي بعد الشيرة بماء مستخلص نبات السعد وهو بارد راح يضر جسمي شي وهل برودته راح تقفل مساماتي ، ولأني أبد ماسمعت من أي وحدة من أهلي أو غيرهم عن هالنبات إلا من منتداكم ، مع العلم إنه فيه فايدة تأخير الشعر اسبوع كامل وحتى لون الشعرة يخف ، ولو بطلت استعمله وشلت شيرة بعد سنوات من الآن راح يرجع الشعر كما كان أم يظل خفيف وباهت ، وأريد بعد الشيرة مباشرة أن أجمع بين خلطتك اللي تخلي الجسم كالقشطة وبين نبات السعد بدون ضرر مستقبلي ، حتى لو خلطة غير الي قلتي عنها المهم وجود نبات السعد ، وعندي من بودي شوب عطر بالفراولة استعمله فوق الشمعة الصغير وهو مكتوب عليه هوم فريجرانس اويل فرايز هويل بارفوم دامبيانس / هذا اقدر احط منه نقط على الديودرنت علما بإني سويته واحكمت غطاءه وبعد يومين استعمله بس بدون مسك أو غيره يعني اقدر احط المسك أوغيره فيما بعد على الديودرنت ؟ ، وماعليك أمر حتى اختصر الوقت ولا اعطلك ابي أعرف بالضبط ماهي الزيوت العطرية اسمها ووصفها وشنو يكون مكتوب عليها ووين ألقاها كأحسن نوع بالصيدلية أم بالعطار أم غيرهم ،وبالنسبة للتمارين يحياتي في تمرينين ثم استحم بماء بارد ثم كذا تمرين وكذلك استحم بماء بارد يعني مايصح اجمع التمارين (غير اللي اعملهم اثناء الاستحمام) وأستحم بعدهم ؟ وفي حبيبتي تمرين هز الصدر واللي ارفع ذراعي لجنب اذني هذيل ماني عارفة كيف اسويهم بالضبط لأن مافيهم حركة ولا أسهم توضيحية، وتحياتي لك على اهتمامك .