طالبة شوركم........

"]هلا فيكم ومرحبابكم والله:flower:.....[/COLOR]بغيت نصيحتكم يعني وحدة منكم تستويلي سوبر ناني ( البرنامج إلي يطلع إف mbc4) وتقترح علي واتقولي إلي أبي أسويه صح ولا غلط وشو لازم أسوي .....
طبعا يوم سافرت عن نفسي ما اتلعوزت بس ريلي إلي كره السفرة يوم شاف طبع ولدي الخايس إف وايد أشياء وبذكرلكم كل شيء وبقولكم شو بسوي وقولولي إلي بسويه صح ولا غلط أوكي .....
أول شيء ولدي وايد متعلق إف أبوه لدرجة فظيعة يعني عادي يكون يلعب ومن يسمع صوت أو يحس إنه أبوه موجود يصيح جنة طايح من مكان مرتفع أو حد ضاربنه ......

وثاني شيء هو يلس إف حضن أبوه يوم يسوق السيارة وها شيء غلط وكم قلت ورمست بس ماشيء فايدة لكن الحين اتخيلو ولدي ما يخلي أبوه إيود السكان ويبا هو يسوق:drive1: ......
فكرت إنه انسير مشاوير صغيرة ها الأسبوع وأيلسه عدالي وعقب ايلس أنا وياه ورى بعد أسبوع وعقب أخذله كرسي و أيلسه بروحه ورى بس الله وأعلم بالنتيجة .....

والشيء الثالث من سافرنا ولدي يشتهي أي شيء ياكله أبوه وما يعيبه أكله وكله يبا ياكل بروحه وها الشيء وايد حلو بس مو إف كل الأكلات يعني فإلي ينمسك بالايد عادي أما فالي ينمسك بالملعقة لا طبعا ...... كيف أعلمه:bomb: ؟.... بس يوم رديت طلبت من بشكارة أختي إلي يوم ما ياكل عندي تعطيه هي وياكل قلتلها إيلسي عنده وشوفيه عن يوصخ المكان طبعا هي مالها بارض اتشوفه تبا اتخلص بسرعة أكلته وكل من عندها بس مني أنا لا ما يرضى هو يبا حد يلعبه ويسويه عشان ياكل أما يفتح حلجه ويقول حطي فيه لا مستحيل فأنا مليت الصراحة من ها الشغلة:21_21: ,,,,,,


واشيء الرابع ولدي تكرمون يوم يسويها يقول ككي ... وأنا قلت بعلمه ع الحمام بس أفصخ عنه البامبرز بالتدريج ولا مرة وحدة ........


والشيء الخامس وإلي هو أهم شيء ونسيت أقولكم ياه ولدي عمره سنة و8 شهور .......ز


يلا لا تبخلون علي ..... وهي صج العام كنت أبي أوديه الحضانة وريلي ما طاع بس الحين يوم شافه شي بروحه يقول وديه خل يستوي ريال فشو رايكم وخاصة إنه يمل فالبيت لأنه ما عنده حد يلعب وياه:21_133: .....