هل ممكن ان يكون هذا سبب للطلاق؟

السلام عليكم

انا بقول لكم قصة وحدة من صديقاتي و هي تعز علي حيل و راح اقولكم قصتها على لسانها وانتوا قولوا رايكم في قراراها..

صديقتي عمرها 21 سنه متزوجة صار لها سنه وهي حلوة حيل واخلاقها روعة وادب و ذكاء يعني ما عليها كلام ,, و زوجها عمره27 سنه انسان مثقف وفاهم ومحبوب من الكل ويخاف الله يعني ما عليه غبار.... والقصة على لسانها كالتالي:

انا من تزوجت كان في بالي اني اكون خير زوجة لزوجي وكل اللي يبغاه ويتمناه يلقاه عندي وانا كنت متأملة نفس الشي منه .. زوجي زي ما وصفته لكم ماا عليه غبار بس مشكلته ان ما يعبر عن مشاعره ابدا ابد ابد مع العلم انه اخذني عقب ما قطع روحه عشاني وكنت متأملة الكثير من الحب بس للأسف ما شفت ولا شي يعني سنه كاملة ما شفت شي ابد .. وقبل فترة فتحت له الموضوع وسألته تحبني ؟ قال ايه .سألته طيب ليش ما تبين لي هالحب . قال لي . الحب يكون بالفعل مو بالكلام واذا هالشي ما جا مني يعني خلاص ما راح يجي ابد وانا ما احب اتصنع واتوقع حتى انت ما تبغيني اتصنع يعني خلاص عودي روحك على هالشي .. ومشى عني وحطمني اكثر من ما انا متحطمة .. يعني شوفوا السؤال كيف صغير رد علي بمحاضرة بايخة حطمني فيها .. لا و يشوفوفني ذابلة مو على طبيعتي ولا تعب عمره يسأل عني او يجي يكلمني والاخ يمارس حياته جدا طبيعي يطلع ويشيش وياكل وينام ويشخر بعد ولا كأن شي حصل و لا كأن في انسانه مجروحة في البيت معاه

xxxxxxxx

يعني تخيلوا مرة اقوله يمكن لو وحدة غيري ما تخاف الله عادي تنحرف قام يضحك وقال لي لا انتي موثوف منك

يعني شسوي لا تقولوا لي سوي ولبسي وكشخي لان ما يهمه واصلا ما ينتبه وعنده لبست او ما لبست واحد ما تهمه هالسوالف ابد ... محطمني مرررررررررة .. يعني من تزوجت للحين ما حسيت اني عروس ابدا

يعيني الجانب العاطفي في حياتنا معدوم اللهم اذا شافني تعبانه (مثلا وقت الدورة) ساعدني في شغل البيت وهذا هو الحب اللي بالفعل عنده وخلاص مو من حقي اتكلم يعني هالحب يكفيني ويكفي الجيران بعد

والله مو عيشة ..احيانا تجي على بالي فكرة الطلاق حتى ارتاح من هالعيشة .. انا عندي الحب اوالمشاعر اهم شي في العلاقة الزوجية بس انا مفتقدتنها حيييييييييييييييل

شنو رايكم في حالتي .. في رايكم هل في امل ان الوضع يتصلح او اني افكر جديا بالانفصال ؟

اتمنى انكم ما تبخلون علي بنصايحكم الحلوة

شكرا