رد عاجل على موضوع (امل حق اللي يتعالجون بالكلوميد )انا حامل

السلام عليكم ورحمة الله وبركاته بنات اول شي انبارك حق اختا <يحق لي ادلع>وتباركون لي انا بعد لاني حامل في الشهر الثاني ودعولنا الله يثبت حملنا اقول لكم الحين قصتي ويارب اني اكون خفيفه عليكم لانه اللي شفته محد شافه من المعاناه ويارب ماتشوفونه المهم انا صار لي سنتين ونص من تزوجت حملت بعد زواجي بشهرين وفرحت بحملي بس اسبوع وبعدها سقطت المهم تزوجت اختي الصغيره وتزوجت اخت زوجي وكلهم ماشاء الله حملو وعندهم بيبيات المهم بعد ماحتفلت بيوم زواجي الاول الاجاتنا بعثه بريطانيا لمدة سنه ونص المهم ورحنا وانا هناك كنت ميته ابي احمل وكانت لما تجيني الدوره اول شي اقول الحمدالله وبعدين اقول في نفسي حاول مره اخره صارلي تقريبا سبع شهور وانا احاول اخر شي امي اتصلت علي وقالت بنجي انصيف عندج قلت حياج الله وشوي اهل زوجي بعد قلت خير وبركه على الاقل نطلع ونستانس لانه زوجي كل في الجامعه وانا متملله بروحي المهم قبل مايجوني الاهل كنت توني مخلصه من الدوره وطبعا تلقائياً راح موضوع الحمل من راسي من المشاغل والطلعات والفسح وبعد عشرين يوم راحوا اهل زوجي وبقت امي بعدهم اسبوع وجان وجان وجان تتاخر الدوره واقول في نفسي لا تو الناس على التحليل ومادري ايش اللي صار وقلت خلني اسوي تحليل حمل منزلي من غير حد يدري وسويت الانه انا حامل وبشر امي وبشر زوجي واتصلت قطر ماتم حد في بريطانيا ولا قطر ماعرف اني حامل وطبعا هذا الحين الحمل الثاني لما امي كانت خلاص بترجع قطر قالت لي ليش ماترجعين معاي عشان ترتاحين وتكونين قريبه من الدكتور مالج والله يابنات لواقولكم عن دكتور عمر ابو زينب يبلي موضوع بروحه اتكلم فيه المهم قلت لا بقعد مع زوجي ورجعت امي وانا ضليت اهناك بعد سفر امي باسبوع سقطت بس يابنات والله لو اقول لكم عن الجانب الصحي في بريطانيا والله العظيم انه سئ كلمة سئ شويه الحمدالله على كل حال وقعدت مع زوجي في بريطانيا بين الحمله الاولى والثانيه تقريبا سنه وبين الحمله الثانيه وهاذي الثالثه 10 شهور الحين بنجي حق زبدة الموضوع احنا الحين بقى لنا شهر ونخلص الدراسه كان زوجي دايما يقول لي اذا حملتي برجعج قطر المهم الحين باقي شهرين وانا قلت حق زوجي قبل نرجع قطر ابي اسوي شوبنغ جامد بقيمة 30 الف قال اوكي وقلت بعد ابي اسافر فرنسا وجنيف قال اوكي لانه هاي المناطق قريبه منا وذا رحنا عن طريق بريطانيا وايد رخيصه المهم صرت اقول في نفسي مافي حمل حمل الحين لا هاذي فرصه ماتتفوت لدرجة اني صرت بعد الجماع على طول اروح اتسبح حتى زوجي يقولي ليش اتقومين لازم تضلين على ظهرج وانا اقول لا مب عارف السالفه مسكين مايدري انا ايش اخطط عليه وفي نفس الوقت كنت اكثر الاستغفار طول مانا قاعده استغفر الله العظيم المهم تاخرت علي الدوره 25 يوم ومابي اسوي تحليل وكنت احس بتعب وراسي يلف قلت في نفسي لا هذا اكيد فقر الدم الانه انا عندي فقر دم شديد وطنشت وزوجي الاه اسوي تحليل حمل جاب التحليل وسويته وطلعت حامل سبحان الله شفتوا يابنات اشلون النفسيه والله العظيم لها دور كبير كبير كبير واسفه اني طولت عليكم بس والله صح كلام اختنا انا حبيت اني ااكد كلامها لكم والله ادعولي الله يثبت حملي مع العلم انا الحين في قطر زوجي طرشني وهو الحين بيرجع بعد شهر مع الماجستير انشاء الله ادعوا لنا اتصير حياتنا افرح في افراح وسلامتكم واسفه على الاطاله بنات احب اقول لكم الكمبيوتر في الاشهر الاولى خطر بس انا حبيت اني افيدكم انشاء الله اتشوفوني بعدين مع البيبي
:9_33: