النجدة بيصوروني في العرس

منارالسبيل 06-08-2007 15 رد 373 مشاهدة
م
هلا خواتي ...
انا صراحه قريب باقي له تقريبا اسبوعين ...ونا محتاسه حوسه ما يعلمها الا الله ...

انا خايفه وايد من الموبايلات اللي تصور ..نفسيتي صج تعبانه .....

دوروا لي شو الحل ؟؟؟

لا تقولون خذوا موبايلات الحريم و عطوهم ارقام ..ترى ما تنفع انا عارفه انه بتصير هوشه بين الحريم و الامن و فظايح بعرسي ما ابي...

غير اصلا انها صعبه انك تاخذي موبايلت كل الحريم يعني عدد 1500 حرمه مهي بشويه
ابي فكرة اظمن اني اطلع من العرس ومحد مصورني بموبايله ...ما في جهاز يكشف اذا في كميرا شغاله و لا لا ؟؟؟


بلييييييييييييز النجدة عروس ومتأزمة
ب
حبيبتي مادري انتي من وين

احنا بقطر خلاص الناس اعتادوا مايجيبون موبايل بو كاميرا العرس

ويكون مكتوب بكروت الحفل ممنوع اصطحاب الهواتف المزودة بكاميرات

واللي معاها موبايل بو كاميرا الامن النسائي عند الباب ياخذونه منها ويعطونها رقم

واذا حبت تتصل تطلع تاخذه وتتصل وجذي الوضع

خلاص الناس اعتادوا ومحد يزعل
ا



أختي الغاليه

:flower:منارالسبيل:flower:

الف مبروك الله يتمم لج على خير يارب

ان شاء الله البنات يفيدونج

والله يوفقج ويسر لج امورج ان شاء الله

أختج الدانــه



ش
حبيبتي مافي حل غير انج تحطين السكيورتي الحريم اللي ياخذون الجولات وارقام عيل شتسوووووووين؟

تحملي تخلينهم يدخلون والموبايلات معاهم
د
انا من رايي تجيبين الامن النسائي وعاد ماعليك منهم اللي مو عاجبه لا يحظر العرس مو مجبوووووووووووور وخليهم بعد يشيلون الكفر مال الجهاز من ورا لانه فيه حركه يجيبون جهازات فيها خاصيه الكاميرا ويحطون كفر ساده من ورا وعقب اذا دخلت شالته وقعدت تصور وترى فيه حريم يجيبون معهم اكثر من جهاز بو كاميرا واذا اكتشفوهم عطتهم واحد ويكون معها واحد ثاني<<<لانه هالحركه صارت في عرس ولد عمي..
واسفه عالاطاله حبيبتي وبس حبيت انبهك يالغاليه..
s
حمدي ربج اذا جات على الموبايلات بعرس أختي أهل زوجها قالوها لنا صريحة كل وحده منهم بتييب كاميرتها قلنا لهم بيكون في استوديو يصور والي تبي تصور بنعطيها صورتها وعلى حسابنا بس لا تفتحون لنا باب التصوير كلنا محجبات ونبي ناخذ راحتنا.
زعلو وتنرفزو وقالو ليش احنا مو ثقة؟ واحنا نبي نصور روحنا قلنا لهم ماتضمنون من بيطلع بخلفيات الصور والصالة كلها مرايات .
المهم بالاخير سوو الي يبون وخفنا من المشاكل بس طنشناهم وخذنا ادارة العرس بيدنا وطلعو هم منبوذين ماشغلتهم الا يصورون بروحهم .واحنا وكلنا الله عليهم وقلنا الي بيسوونه بذمتهم.وصدقيني مهما بتسوين ما بتقدرين تتحكمين بالوضع كله الي فيه شر لازم بيلقى له ثغرة وكلي الله وحاولي تكونين متسترة قدر الامكان.
ع
منارالسبيل;4147690:
هلا خواتي ...
انا صراحه قريب باقي له تقريبا اسبوعين ...ونا محتاسه حوسه ما يعلمها الا الله ...

انا خايفه وايد من الموبايلات اللي تصور ..نفسيتي صج تعبانه .....

دوروا لي شو الحل ؟؟؟

لا تقولون خذوا موبايلات الحريم و عطوهم ارقام ..ترى ما تنفع انا عارفه انه بتصير هوشه بين الحريم و الامن و فظايح بعرسي ما ابي...

غير اصلا انها صعبه انك تاخذي موبايلت كل الحريم يعني عدد 1500 حرمه مهي بشويه
ابي فكرة اظمن اني اطلع من العرس ومحد مصورني بموبايله ...ما في جهاز يكشف اذا في كميرا شغاله و لا لا ؟؟؟


بلييييييييييييز النجدة عروس ومتأزمة




خلي بيتكم ينتبهون الى لموجودين
ع
منارالسبيل;4147690:
هلا خواتي ...
انا صراحه قريب باقي له تقريبا اسبوعين ...ونا محتاسه حوسه ما يعلمها الا الله ...

انا خايفه وايد من الموبايلات اللي تصور ..نفسيتي صج تعبانه .....

دوروا لي شو الحل ؟؟؟

لا تقولون خذوا موبايلات الحريم و عطوهم ارقام ..ترى ما تنفع انا عارفه انه بتصير هوشه بين الحريم و الامن و فظايح بعرسي ما ابي...

غير اصلا انها صعبه انك تاخذي موبايلت كل الحريم يعني عدد 1500 حرمه مهي بشويه
ابي فكرة اظمن اني اطلع من العرس ومحد مصورني بموبايله ...ما في جهاز يكشف اذا في كميرا شغاله و لا لا ؟؟؟


بلييييييييييييز النجدة عروس ومتأزمة
م
مشكورات كلكم يا خواتي اللي رديتوا علي الله يريح بالكم و يبارك فيكم ...

بس انا عارفه انه محد بياعلون مع الامن ..و بتصير حوسه و لوصه ..ناس ....وش اقول بس الله يهدي الجميع ..

طيب ما في اجهزة تنباع تكشف اذا في كميرا شغاله و لا لا ؟؟؟؟ لاني محطمه رايحه عرس و وحده جافت بنت تصور العروس ..

يعني هاذي انتبهت بس انا يا خوفي محد ينتبه ..شكلي بجند اللي بالصاله يتابعون التحركات ...

و على قصة الكروت هل تتفقون ويا محلات خاصه تاخذ الموبايلات ؟؟
ق
هلا اختي في محلات خاصة للأمن هي المسؤولة وهي الي تاخذ التلفونات وعندها كل الإجهزة

وكتبي ببطاقة العرس الرجاء عدم اصطحاب الهواتف المحملة بالكاميرا


الله يعدي عرسج على خير



بسي انتي من وين عشان نرعف نساعدج اكثر ولو حد من نفس بلدتج بتساعدج
م
مشكورة اختي قطرية كيوووت

و انا من الامارات
.
السيكيورتي مالوت التلفونات عندهم جهاز خاص يمررونه على جسم أي وحدة تدش الصالة واذا عندها موبايل الجهاز يطق ويبين ....... ماعمري دشيت عرس مافحصوني فيه بالجهاز
م
طيب وين القى هالجهاز ؟؟؟

وحد يعرف لي محلات متخصصه بهالشي بالامارات ؟؟
ت
اهلين حبيبتي اولا مبرووك والله يتمم لك على خيرر...ثانيا اسمحيلي اقولك انتي سلبيه بكلامك هذ..شوفي ببطاقة الدعوه اكتبي تنويه او ملاحظه يمنع الموبايل بالكاميرا منعا بااااااااااتا وغير كذا حطي سكيورتي بجهاز يكشف الموبايل الي بكاميرا ترااه مره رخييص واعملي بطاقات بالارقام ويخلونها عند السكيورتي وبكذا الي تجيب الموبايل بكاميرا تتحمل نتيجة غلطتها وتخليه عند السكيورتي غصب عنها لانك ماقصرتي ومن اولها منعتيه.. نصيحتي لك اعملي كذا لانو ماتسوى عليك بكرا تنتشر صورك بكل مكاان
ا
حبيبتي انا اكلمج عننا بالكويت

في حراسه امن نسائي

ياخذون الموبايلات وو يعطونهم رقم وكرت

لي طلعوا ياخذون موبايلاتهم

وهمن يحملون بإيدهم الامن النسائي جهاز كاشف مثل اللي بالمطارات
ويمروونه على كل وحده تدخل القاعه
ويكشف اذا خاشه شي مني مناك وماطلعته

واعتقد هالشي عندكم ولا شلوون ؟؟
ا
حبيبتي سألي عن مراكز اللي بتجيبون منهم الأمن النسائي الحارسات
وسألي عندهم الكاشف هذا ولا لأ؟؟
واكيد الفنادق الكبار عندهم

ان شاء الله بنات ديرتج يفيدونج

والله يسهل عليج امورج ياارب

ويصير كل خير
X