amaladel;4191825:
العفو يا قمر، المهم تاكلي الحاجات الباقية المفيدة و على فكرة شرب اللبن بارد كويس خصوصا لفترة الحرقان و الحموضة لانها بتبقى فترة متعبة اوي فكتري من شرب اللبن على اد ما تقدري
عليكم السلام و رحمة الله و بركاته
كلامك عن القرفة مظبوط تمام، هي فعلا تبقى مفيدة ساعة الولادة، انا قريت عنها كتير، بس قوليلي بقى انا ده اول حمل ليا و مش قادرة اتخيل حيكون الام الطلق المميزة للولادة عاملة ازاي؟؟ بيقولوا زي الم البيريود بس اشد شوية، بس انا مش عارفة على اي اساس احدد ان هو ده الالم و اكلم الدكتورة و اروح المستشفى مثلا؟؟ اصلي زي ما قلتلك اول حمل و كمان والدتي متوفية و عايشة مع جوزي بعيد عن اهله و اهلي، يعني اقرب حد ليا الجيران و مش متخيلة حاعرف اتصرف لوحدي ازاي خصوصا اني عارفة ان جوزي حيضرب لخمة معايا وقتها و انا اللي المفروض احدد له اذا كنا خلاص نتحرك و الا ده عادي و لسه بدري. تعبتك معايا معلش :) انتي عندك اطفال اد ايه؟
بصي يا حبي
انا اللي شفته انم شاء الله عمري ما هشوفه ولا حد فيكو يشوفه ابدا يارب بحق محمد وال بيت محمد
اولا يا ستي الطلق فعلا زي الم البيريود بالظبط بس اصعب منه شوية
بس مش شوية صغيرين يعني :gum:
انتي طبعا بتكوني عارفة ميعاد الولادة فاول ما بتحسي بالم في ظهرك من تحت كده تعرفي على طول ان ده الطلق والوجع ده بيزيد تقريبا كل عشر دقايق في اوله وبعد كده بيكون تقريبا كل خمس دقايق او اقل وانصحك اول ما تحسي بالالم ده تلبسي وتروحي المستشفى على طول لانك لو استنيتي شوية مش هتقدري تتحركي من على السرير زي ماانا عملت كده واتصلنا بالدكتورة وربنا يجزيها الف خير جات لي البيت مع انها بترفض اي ولادة في البيت
ثانيا يا ستي انا ماعنديش اطفال لان ولادتي ديه كانت اجهاض ربنا يبعده عننا كلنا يارب ولدة في اخر اسبوع في السادس يعني سبحان الله لو كانت بعد اسبوع او اقل من اسبوع كمان كان الطفل عاش لان نسبة اللي بيعيشو في السابع كبيرة
بس الحمد لله على كل شيء الطفل اصلا كان مشوه وده لطف من ربنا طبعا والحمد لله
ربنا يقومن كلنا بالسلامة يارب احنا وبيبهاتنا