حوامل مصر تعالوا نتكلم

ميرسى يا ساسو انتى وسولفا على ردكم عليا انا ماجله الموضوع دا اسبوعين كمان اصلى لما روحت للدكتور بتاع الاشعه قالى استنى احسن لان ممكن يكون الحمل فى اوله فبسبب الفحص ينزل وانا متجوزه بقالى شهرين بس وبجد مش عارفه امتى حملت لان اخر دوره جتلى فى اليوم الى سافر فيه جوزى بره وبعدها باسبوع رحت للدكتوره عشان اتاكد انى حامل ولالا لانى قريت عن الحمل الغزلانى الى بينزل معاه دم الدوره فى معادها بس بتبقى قليله ودا الى حصلى وكنت حاسه باعراض الحمل فشكيت فرحت لدكتوره وفعلا قالتلى انى حامل حمل غزلانى ودلوقتى مش عارفه اشوفوة بالاشعه العاديه طب ساسو انتى برده مش كان باين الحمل فى الاشعه من بره ولا ايه

العروس الفلسطينية;4459485:
انا كنت بقرا الكلام الي فات بين البنات فبالصدفه عرفت انك من المنصورة وفضلت فاكره لاني عايشة بالمنصورة وكنت حابه اتعرف عليكي عشان يعني اسالك على الحاجات الي معرفهاش لان انا بقالي 9 شهور هنا وتقريبا معرفش حاجه.


انت بتروحي لاي دكتور هنا يا حبيبه؟

معلش يا جميل ماردتش عليكي بسرعة لما دخلت فلت هرد على ايمي وبعد كده نتكلم بس الجهاز عندي وقف فجاة كده لواحدة فصلت الكهربا وجيت اشغله تاني مارضيش يشتغل وعلملت ويندوز وطلع بايظ فجوزي لما جه عمل ويندوز تاني
معلش اتاخرت عليكي في الرد
المهم
انتي ساكنة فين في المنصورة
وعاوزة تعرفي ايه يا جميل وانا اقول لك عليه

انا بروح يا عروس عند دكتورة اسمها الهام عبيد
مش عارفة هتعرفيها ولالا
وانتي بتروحي عند مين

mahyyyyy;4463314:
بنات انا مكنتش ناوية ادخل بس كلام امى شدنى فدخلت علشان اقولك كلنا ندعلها

انا يا بنات ضغتى عالى اوى و الصداع مسكنى بقالة اكتر من اسبوع زغم انى عمال اخد مسكنان كل ده من جوزى صحيح الرجالة دى ما بتحسش بحاجة اعد يتخانق معايا و يزعق وهو اللى غلطان واكلمة مايردش وفين وفين بعد 6 ايام رد واقولة انا تعبانة وخيفة من الولاده وخيفة على البيبى مش تحس بيا يقلى ولا تفرقى معايا اصلا وكلامك ده كلة ملوش اهمية عندى ولا انتى نفسك تفرقى معايا و متكمنين تانى ولا عايزه اسمع صوتك ولا تفكرى تبعتى رسالة لانى مش حقرها وانا رديت بس علشان اقولك الكلمتين دول و متصدعنيش بتلفوناتك دى تانى

دى اخرتها سبيبى ده كلة و فى الاخر بيعمل معايا كدا ولا مراعى اى ظروف فعلا انا عرفة انى مليش قيمة عندة مش عرفة اعمل اية ؟ مش عرفة انام و ضغطى عالى اوى مستحملة بعده عنى كل ده علشان دى تبقى جزاتى فى الاخر

ازيك يا ماهي
معلش يا حبيبتي جوزك بس تلاقيه مش حاسس بيكي او عنده ضغط شغل او حاجة وانتي حاولي لما يتصل بيكي مش تحكي له وتقولي له انك تعبانة قولي له كلام حلو وبس لغاية ما يرجع بقى وابقي احكي على تعبك زي ما انتي عاوزة وربنا يهديكو لبعض يارب وانتي اسمعي كلامه ومش تتصلي بيه خالص ولا تبعتي رسايل وانتي هتوحشيه وهو اللي هيتصل بيكي ويقول لك صوتك وحشني وان شاء الله البيبي هيخلي حياتكو احلى من الاول بكتير وحبه ليكي هيزيد ان شاء الله
وحاولي فعلا ماتفكريش في الحاجات اللي بتزعلك خالص وربنا معاكي يارب

صباح الخير على الحوامل الكسلانين
انتوا عاملين اية يا رب تكونوا جميعا كويسين انتوا و البيبيهات
ايمى يا رب تكونوا قومتى بالسلامة يا رب انت و نور و عقبالنا

فيكو يا حبيبتى انا معرفش حاجة عن الحمل الغزلانى دة بس انت فعلا اصبرى شوية مش هتخسرى حاجة
انا كنت الحمد لله عادى و لما عملت السونار اللى من المهبل ظهرلى الكيس

انا النهاردة دخلت الخامس و الحمد لله رب العالمين و عارفين انا اكلت امبارح شاورمة انا مش مصدقة نفسى و الله يعنى الحمد لله الحالة احسن من الاول عقبال اللى لسة فى الشهور الاولى

كان عندى سؤال انا امبارح كنت عند الدكتور وكتبلى على اسبوسيد حد يعرف لية او حد الدكتور كتبهولو و لا انا بس

سلام يا حبيبة ازيك ياعسل انت النونو
انا ساكنه عند ستاد الجامعه في العمارات الي قبل موقف ميت خميس .انت ساكنه فين؟
انا رحت لدكتور دلوني عليه اخوات جوزي هم كانو عندو يعني وكده بس بردو انا مسالتش حد غيرهم هو الدكتور هشام شعلان تعرفي عنه حاجه؟
وبردو يا حبيبة انا مش لاقيه محلات اطفال في المنصورة انت جهزتي حاجة البيبي من المنصورة؟لو تعرفي محلات قوليلي؟

انت اخبار حملك ايه قوليلنا ايه الي مستنينا ايه الاعراض الي بتحسي فيها الايام دي؟

مبروك يا سوسو على دخولك الخامس وانشاء الله تقومي بالسلامه يا رب,انت حامل في بنت ولا ولد ما شاء الله؟

الحمل كويس انا لسا في الشهر التاني وبصراحة مشكلتي ان نفسيتي وحشة اوي متنرفزه على طول وبعيط كتيير بس الحمد لله,وبالنسبه للاكل بردو بحس ان ماليش نفس في حاجه خالص .
قوليلي يا سوسو انتي تخنتي كم كيلو في الخمس شهور دي؟

mahyyyyy;4445938:
ازيك يا امى عاملة اية يا جميلة يلا هانت شدى حيلك انا بدخل بس مش بلاقى حد لقيت موضوعات كتير انتى كتباه تسمحلى انى اشارك فيها بس انا ما قرتيش غير موضوع وجود جوزك و حزعل ولا لا لو مكنش وجود ساعة الولاده بس الموضوع اثر فيا اوى لانى افتكر انى ما شفتش جوزى من بداية حملى تقريبا يعنى قبل سفره بكام يوم و طبعا معرفناش غير متاخر جدا و بصراحة خيقة لو جة و يشوف شكلى اد اية اتغير و طبعا كعاتة حيقعد يتريق علية لانة ما تبعش معايا اية مرحلة من مراحل الحمل و محسش باى حاجة من تعبى خصوصا انى كنت لسة عروسة قعد معايا شهرين وسافر يجى بعد 9 شهور يلاقنى كعبوره خصوصا ان الاكتئاب خلانى تخنت جامد يعنى 27 كيلو من بداية جوازى و يمكن بقوا اكتر رغم انى كل ما اروح للدكتور يقلى وزن البيبى ضعيف لانى باكل حوليات وسكريات كتير اكل يتخن وبس مش يفيد الجنين طبعا ده من الوحده والملل انى عايشة لوحدى عرفة حسة انة لو مجاش حبقى مدايقة و لو جة حبقى برضة مدايقة لانى للاسف مش حاسة بحياه الاسره وحسة نحيتة باغربة بقالى 8 شهور ما شفتوش معلش بصدعك بكلامى بس ما ردتش سعتها اقولة فى الحوار اللى انتى عملاه عن الموضوع علشان ما انكدش على الناس بس انتى بقى جوزك حينزل مصر ساعة ولاتك؟ ولا لا؟ و انتى تتمنى اية انة ينزل ؟ بصى انا احترت فى الاجابة بالنسبالى لان الوضعين سواء ينزل او ما ينزلش مش حبقى مبسوطة يعنى انة مش حنبى وقت ولاتى حبقى مدايقة وانة يشفنى بالمنظر ده خصوصا انة ماعش معايا ولا تابع مراح حملى ولا حتى واخد علية حبقى مدايقة اكتر و حبقى خايفة من رد فعلة يدايقنى اكتر علشان كدا مكنش عندى اجابة للموضوع اللى انتى طرحية فى المنتدى:sm215:

ماهي يا سكرة .. ربنا يكون في عونك في موضوع الاكتئاب دة .. معلش عندك حق تكتئبي .. لكن انا بقترح عليكي انك في موضوع التخن دة .. قبل ما يجي جوزك مهديله انك تخنتي بسبب الحمل .. وفهميه ان دة امر طبيعي وعادي .. واهم حاجة انك تحاولي تبعتيله صورة ليكي او مجموعة صور قبل ما ينزل من غير ما تقوليله انا باعتاهم عشان تشوفي تخينة .. ابعتيهم كأنك بتبعتي عادي .. عشان يجي متوقع الشكل ..وحاولي تتذاكي شوية .. يعني وانتي بتكلميه في التليفون قوليله انا خايفة انك متحبنيش زي الاول لاني تخنت .. كدة تجبريه انه يكون ذوق معاكي ويقوللك لا عادي وكدة .. انتي بقى حاولي تبعدي عن الاكتئاب يا سكرة لان البيبي بيتأثر بكدة .. وكولي اكل صحي على قد ما تقدري .. وانا سمعت ان الاسماك وعين الجمل والفواكه بتشيل الاكتئاب .. اوعدي نفسك مثلا انك من اول يوم العيد هتتغيري جامد في طريقة الاكل والنفسية عشان نفسك اولا وعشان البيبي ثانيا وعشان جوزك لما يجي حالتك النفسية هتأثر على علاقتكم .. وموضوع سفر جوزك دة مقدر ومكتوب .. لكن لو قدرتي انك تقنعيه انه يفضل في مصر او ياخدك يبقى كدة هايل ... وانشاء الله يا سكرة الامور تبقى خير بس انتي لازم تبدأي بنفسك اولا .. متستنيش الناس تطبطب عليكي انتي اللي لازم تطبطبي على نفسك الاول .. وعلى عتريس اللي جاي .

اتمنى اني اكون شيلت عنك شوية يا سكرة
تحياتي

صباح الخير عليكم جميعا

عروسة يا قمر موضوع انك مش بتكلى كويس دة امر طبيعى بعد التلت شهور الاولى هتلاقى الحاله احسن كتير و بعد الرابع هتبقى احسن و احسن
اما بالنسبة للزيادة فى الوزن انا و لا جرام حتى كنت فى التانى زت 1/2 كيلو لكن نزلتوا تانى يلا الحمد لله
نوع المولود بقى احتمال كبير بنت و الله اعلم لسة مقلش قاللى المرة الجايى اصلى نفسى اشترى حاجات النونو قوى

شموسة ازيك عاملة اية اية اخبار

اية يا بنات انتم رحتوا فين

ازيك يا ماهي .......... .انا من مصر و مش حامل بس ممكن اقلك علي الحاجات الي تتجاب للبيبي اولا تروحي محل متخصص في ملابس البيبي تشتري منه شايه و دي زي الفانلة بس مفتوحة من الامام لان ماينفعش البيبي يلبس فانلة و هوا صغنون كدة وبعدين اعملي حسابك انك هتولدي في الشتاء يعني ماتشتريش دلوقتي اللبس الخارجي للبيبي استني لما تكوني في الثامن و فيه جلاليب الوانها زاهيه وجميلة و تكون كل ملابس البيبي قطن وهتجيبي بطانية للبيبي وبنطلونات قطن وكوافيل وفنلات بنص كم وبكم و ممكن تجيبي حزام للبطن للبيبي بالنسبة لاسم البيبي اشتركي انت وزوجك فيه وربنا يقومك بالسلامة............................:21_209:

صباح الخير على حوامل مصر جميعا

السلام عليكم
الف مبروك لكل الحوالمل وان شاء الله تقوموا بالسلامه ونطمئن عليكم

هاى كات مرسى على الدعوة الحلوة دى
انت مش حامل

ازيكم يا بنات معلش مش بدخل علشان مديقة وتعبانة جوزى بقى لازم ينكد علية واللهى من سعتها مش معربى ولا حتى يعيد علية شكلة نسى اصلا انة متجوز ولا زهق منى ولا يفكر يطمن او يسال

المهم انى كان لازم ادخل علشان وحشتونى كلكم و اعيد عليكم و اعقول لكم كل سنة وانتو طيبين

كلكم وحشنى صحيح بس امى وحشانى اوى ونفسى اطمن عليها واعرف اخبارها اية هى والبيبى