حوامل مصر تعالوا نتكلم

amandoda;4397837:
السلام عليكم يا بنات وحشتونىىىىىىىىىىىىىىىى موووووووووووووووت ورمضان كريم وكل سنه وانتم طيبين وان شاء الله السنه الجايه نكون كلنا معانا بيبيهتنا وحوامل فى البعديهم :21_207: عاملين ايه فى الصيام انا عن نفسى الحمد لله صايمه الدكتور قالى مفيش خطر على البيبى بس اهم حاجة على الفطار والصحور اشرب سوايل كتير واكل خضار كتيررر :qaq:

shammosah;4401434:
ازيكو يا بنات يا قمرات
انا مش عضو جديدة لكني مدخلتش من زمان من ساعة ما خلووا التجمع كل 3 شهور حسيت انه بايخ والواحد بعد ما يتعود على ناس معينين يرجع تاني يروح جروب تاني
المهم فرحت قوي لما لقيت في تجمع كبير لحوامل مصر من جديد

انا حامل في الاسبوع الاخير من الخامس ويارب يتمها على خير يا رب
انا صايمة من اول رمضان الدكتورة قالتلي هتصومي لكن لو في يوم تعبتي قوي او جالك هبوط افطري ربنا مديكي الرخصة

مش عايزة اقوللكم المعاناه في الصيام عاملة ازاي .. بس عشان ربنا يباركلي ويبارك للي في بطني مستحملة .

انا عايزة ابعتلكم كللكوا سلامات وتحياتي وتهنئة بمناسبة رمضان
وعايزة اسألكوا عن حاجات البيبي .. انا ملاحظة انكوا بتقولوا على اماكن في مصر الجديدة وروكسي .. ودي اماكن بعيدة قوي عليا .. لو ممكن حد يعرض اماكن في الهرم او فيصل يبقى كتر خيره..

وسؤال بقى للامهات السابقات مقاسات هدوم البيبي بتلبس لحد سن كام يعني مثلا زيرو مقاس حديثي الولادة طيب والمقاس اللي بعده يبقى من سن كام كدة يعني .

اما MAHYYYY فأنا قرأت في اول التجمع انك كنتي خايفة ان بنوتك تطلع معوقة بعد الشر فياترى اطمنتي وللا عملتي ايه .

ميرسي ليكوا جميعا
تحياتي

jassylovly;4404176:
حبيباتي اخواتي حوامل مصر كل سنة وانتم طيبين
والسنة اللي جااية يارب يارب فرحانين باولادكم وتناتكم معاكم كده ومنورين معاكم سفرة الفطار
شوفتوا بقى الواحدة لما بتولد شوفتوا انا من امتى قلت لكم حاشوف يويو واجي اكمل لكم انا يادوب شوفت يويو
ههههههههههههههههههههههههههههههه
يا بنات صدقوني الموضوع مش عاوز دلع انتي معاكي امانة ولو ماحافظتيش عليها حاتدوقي مرارها يعني تتغصبي على نفسك وتاكلي وتشربي ولا تشوفي ابنك لاقدر الله مريض قدام عنيكي اي شوية برد يهدوا حيله انا نفسي اديكم كل اللي عملته وانا حامل لان يويو ماشاء الله ماشاء الله صحته من ساعة ما تولد وربنا حاطط فيه تعبي كله كنت باديله كل حاجة مفيدة وانا ماقصدش بالخضرة البسلة والفاصوليا بس لا انا اقصد الخضرة الجرجير الفجل وكمان الحاجات دي ليها فوايدها ليكي انتي تعرفي ان الفيتامينات بتعمل امساك وخصوصا الحديد لاكن انا والحمد لله من كتر ما كنت محافظة على صحتي وصحة يويو اللهم لك الف حمد طبعا الدكتورة ماكنتش كاتبة لي فيتاينات جامدة وكمان اكل الخضرة (الحاجات الخضرة ) بيسهل العملية وكمان اكبر خطر من الامساك هو الحزء غلط علط غلط حاولي بقدر الامكان ماتحزقيش وانتي في الحمام اعزكم الله لان الحزق بيطلب في الولادة فطبعا انا مش عاوزة افسر لكم غلطه انتوا اكيد فهمتوا
اوصيكم واستحلفكم بالله تاخدوا بالكم من صحتكم وصحة اولادكم انا لحد دلوقتي باشرب لبن عشان احافظ على الكالسيو م في الرضاعة
تصدقوا بالله قبل ما اتجوز ماما كانت بتبقى بتبوس ايدي عشان اشرب لبن بصوا دلوقتي انا باطلبه لان فيه مصلحة ابني
وكمان ماتسمعيش كلام اللي يقولك كلي حلاوة طحينية عشان اللبن يزيد الحلاوة فعلا بتكتر اللين بس بتكتره لاكن شرب اللبن واكل حاجات مفيدة بيزود اللبن ويخليه مفيد لكن الحلاوة بتخليه زي الماية وانا جربت ده وجربت ده وعرفت الفرق من لون اللين نفسه
انا طولت اوي سماحوني بس ده لمصلحتكم
وكل اللي طلباه منكم هو الدعاء لابني بان ربنا يخليهولي بس شوفتوا التمن رخيص ازي اوكازيون ههههههههههههههه
واتمنى لكم كل خيييير
:9_33:وكل سنة وانتم طيبين:9_33:

imy_emg;4409399:
السلام عليكم يا حوامل مصر
ربنا يقوم كل حامل بالف سلامة
آمين يارب العالمين
انا دخلت في التاسع بقالي 12 يوم وميتة من الرعب من فكرة الولادة وعندي ميعاد مع الدكتورة يوم الاحد ان شاء الله وهاتكشف عليا من تحت لاول مرة ودة مخليني مرعوبة
انا الحمد لله باصوم بس باحس بعطش فظييييييييع
ربنا يعدي الايام الباقية على خير

tobe;4411751:

السلام عليكم ورحمة الله وبركاته:flower::flower:
اهلا بيكى معانا يا ايمى ومتخافيش يابنتى كلنا هنولد وهتعدى ربنا يسرهالك وتكون ساعه سهله باذن الله ومتحسيش انك ولدتى تولدى وانتى نايمه:21_164: مش عارفه ازاى المهم سيبيها على الله وربنا معاكى ان شاء الله و طمنينا عليكى

حبـيـبـه;4406742:
السلام عليكم ورحمة الله وبركاته
اهلا ازيك يا شموسة ربنا يثبت لك حملك يارب بالنسبة لملابس البيبهات انتو كلكو من القاهرة ماعدا انا انا من المنصورة فعشان كده مش عارفة اي اماكن في مصر خالص غير روكسي ومصر الجديدة برضو لان امي من مصر الجديدة فانا عارفاها يعني اما بالنسبة ليا ان شاء الله هشتري حاجة البيبي من هنا من المنصورة ومن دبي جوزي هيجيب له حاجات من دبي بس مش كل حاجة طبعا يعني
وبالنسبة للمقاسات بقى ياسمين تقول لك عليها لانها مجربة قبل كده
ياسمين جزاكي الله خيرا على المعلومات وربنا يخلي لك يحيي يارب وتشوفيه عريس :D_smil1:
ماري ازيك اخبارك ايه عاملة ايه في الصيام
شهيدة ايه كل ده بتفطري ولا ايه ولا شكلك بتصلي التراويح انا بقى صليت اربع ركعات بس في البيت وان شاء الله هكمل بالليل مع جوزي لما ييجي من الشغل
ماهي وتوبي وسوسو واماندا ويارب مش اكون نسيت حد ولو نسيت حد مش يزعل مني
عاملين ايه كلكو يارب تكونو بخير انتو وبيبهاتكو يارب

شهيدة;4407995:
منورة يا شموسة

اهلا بيكي في وسط اخواتك بصي انا برضو ساكنة في الهرم بس علاقتي بمدينة نصر ومصر الجديدة اكتر لاني نشات فيهم الاتنين بس للاسف معرفش حاجه اوي في فيصل او الهرم ولو عرفتي يا ريت تقوليلي
اللي اعرف ان مقاس زيرو بيلبس لحد 3 شهور بس خلي بالك لو انتي وزوجك طوال غالبا هتلاقي البيبي طويل فممكن تحتاجي مقاس 1 في خلال ال3 شهور الاولانيين

ياريت تعرفينا عليكي اكتر

imy_emg;4409399:
السلام عليكم يا حوامل مصر
ربنا يقوم كل حامل بالف سلامة
آمين يارب العالمين
انا دخلت في التاسع بقالي 12 يوم وميتة من الرعب من فكرة الولادة وعندي ميعاد مع الدكتورة يوم الاحد ان شاء الله وهاتكشف عليا من تحت لاول مرة ودة مخليني مرعوبة
انا الحمد لله باصوم بس باحس بعطش فظييييييييع
ربنا يعدي الايام الباقية على خير