اللي تفكر تسوي ليزر ممكن تدخل هنا....

قطاف 04-08-2007 12 رد 3,143 مشاهدة
ق
[GRADE="00008B 32CD32 FF1493 4B0082 FF7F50"]سلام يا عروسات

أعرف انكم على وجه زواج واللي تبغي تتخلص من الشعر في وجهها او جسمها بأسرع طريقة ممكن

وكل العروسات يفكرون في الحل الأمثل لإزالة الشعر

ألا وهو الليزر



لكن سمعوها مني

اليوم وأنا كنت أتابع التلفزيون كعادتي وحاطته على ام بي سي 4
كان برنامج ان سايدر الأمريكي

ما راح أطول عليكم بس أحب أخليكم معاي بالجو

وعلى فكرة أنا كنت أفكر في موضوع الليزر من زمان بس متردده

















المهم

عرضوا مشكلة 3 نساء مع الليزر كانوا مسوينه في عيادة ودكتور متخصص ومن هالأشياء
وحده منهم سمراء وكانت تبي تزيل الشعر من وجهها واللي حصلت عليه انه الليزر حرق لها جلدها وصارت فيه دوائر، المسكينه بدل ما تحسن منظرها شوهوها وتقول اني ما أقدر أغسل الميك أب من وجهي لأني مره كنت في المطار والناس كلهم يأشرون علي ويقولون شوفوا وجهها وش فيها هذي.

والثانية كانت مسويه ليزر لظهرها من ثلاث سنوات والمسكينه للحين تعاني منه وفرجونه على ظهرها المسكينه صاير على كبر ظهرها خطوط حمراء وجلدها متسلخ، مسكينه.

وتعرفون الأجانب مو مثلنا اذا صابتهم مشكله مثل هذي يشتكون على الدكتور وهذي اللي سووه صاحباتنا ورفعوا قضية على العيادة والدكتور فتعرفون وش قال لهم الدكتور؟

قال لهم: ان مكتوب في الورقة تبع العيادة اللي وقعتوها انج موافقة على المجازفة بعملية الليزر؟؟؟

الصراحة استغربت .. وخفت في نفس الوقت وأدري ان كلامي هذا يمكن ما يثني البعض من انه يسوي ليزر بس حبيت أنقل لكم الصورة واضحة وممكن يصير لكم اللي صار لهم.

وأعرف ان بعض البنات سووه وما صابهم شي وهذي من حسن حظهم.

والله يحفظنا جميعا

ز[/GRADE]
ا
الله يحفظ الجميع يارب العالمين

امين يارب العالمين


وان شاء الله باذن الله بتنحل مشكلة الشعر الي في الوجه والجسم باذن وقدرة الله والدعاء والصلاة يارب العالمين

شو احلى من الدعاء وقراءة القران وان شاء الله يارب

ادعوا لي من كل قلبكم انه تنحل مشكلة الشعر الي في وجهي وجسمي بدون اي عمليات ولا خربيط يارب العالمين يامستجيب الدعاء

والف شكر الغالية على هالتنبيه
(
والله ما أدري أنا من تجربتي وتجربت ناس وايد الليزر مامنه ضرر..

وانا اتذكر شفت شي جذيه بس كان مكان مش متخصص..

والله يوفق الجميع
م
انا سويت ليزر في وجهي عند دكتووره مختصه وكل بنات قطر عليها

ووجهي ولا فيه حبة شعر وارتحت من الخيط والشمع الحمدلللللللله وحتى صااار ابيض وناااعم وحتى كانت ساعات تطلع لي حبوب من الخيط بعد الحف على خدي وبعض الاماكن ..

لكن الحين الحمدلللله مرتاااحه حدي :8884:
w
انا سويت ليزر للاسف احترق ويهي
ا
تسلمين اختي على التنبيه
والله يحفظنا جميعا

بس باذن الله تنحل مشكلة الشعر الفظيعة واللي فعلا مسببة لنا عقدة والله

بس ان شاء الله بقدرة الله ومساعدة بعض الاشيا رب العالمين يريحنا من الشعر الزائد
م
والله ياعزيزتي معروف ان الليزر لا يصلح لذوات البشره السمراء او الداكنه


وانا استخدم الليزر من 6 سنوات وماعندي اي مشاكل مرتاحه ومفتكه


بس المكان الداكن شوي بجسمي مايطيح الشعر منه مثل الركب لأنه اسمر من بشرتي وقالوا لي هذا امر طبيعي


هذا يرجع لطبيعه البشره وانتي وين اتسوين الليزر

يعني في بنات يشوفهم الدكتور ويقول لهم من البدايه انتو الليزر مايصلح لكم مااقدر اسوي لكم


يعني لازم الكشف وسوالف عشان ماينقلب الموضوع من نفع الى ضرر


وتقبلي مني ارق تحيه
b
انا بعد سويت ليزر في ويهي والحمدالله احس احسن من قبل مفتكة من الشعر بس لما كنت اسوي بعد كل جلسة ليزر لازم يصير لي شوية حرق بسيط عند العيون لان المنطقة اصلن رقيقة والدكتور الله يسامحه كان يقرب وااايد والحمدالله على كل حال الحين احس ويهي احسن
ق
[GRADE="00008B FF6347 008000 4B0082"]الغلا مني وفيني
الله يسمع منج ويفكج من هالشعر اللي معذبنا كلنا
بس في طريقة تستخدمينها وهي كريم عشبة السعد المعروفة بتقليل ظهور الشعر وآنه أستخدمها
ولو تبغين الطريقة على هالخشم

-------------------------------------------------------
بدر البدور
ان شاء الله يكون كلامج صح بس اللي شفته خوفني

----------------------------------------------
متى عرسي
الحمد لله اللي نجاج لما سويتيه

waham
ما تشوفين شر

---------------------------------------------
القسوة طبعي
الله يسمع منج

----------------------------------------------------------
ملفوفه
مو شرط الليزر ما يصلح إلا للبيض، لأن أعرف وحده سمره سوته ونفع معاها.
واللي كانت في التلفزيون عارضه مشكلتها وحده بيضه ووحده سمره

---------------------------------------
boby
الحمد لله على كل حال سلامتج


ز[/GRADE]
k
مشكوره على التنبيه
م
الغاليه ربيعاتي كلهن مسويات ليزر لكل الجسم...والصراحه اللي مره عليها 3 سنين واللي من عمرها 18 مسويه

واجسامهم صافيه ...والحينه خالتيه تسويه ووايد مستانسه...

وانا ان شالله الحينه بسوي جسمي كله..

وحده فالدوام ويايه مسويه الصراحه ماصدقت روعه ولا شكاوي...

يمكن كل الليزر يختلف عن ليزر
م
انا جربت نوعين من الليزر الاول كان مرات يسويلي حروق خفيفه اتروح عقب اسبوع بس الثاني ما عليه كلام صار لي 5 جلسات لوجهي و بديت اسوي اجزاء من جسمي والله ما عليه كلام و يوحد اللون و يفتح و بشرتي صايره احلى عن قبل والشعر ما عادت مشكله بالنسبه لي الحمد الله
ق
مزيونة الاوصافي;4238398:
الغاليه ربيعاتي كلهن مسويات ليزر لكل الجسم...والصراحه اللي مره عليها 3 سنين واللي من عمرها 18 مسويه

واجسامهم صافيه ...والحينه خالتيه تسويه ووايد مستانسه...

وانا ان شالله الحينه بسوي جسمي كله..

وحده فالدوام ويايه مسويه الصراحه ماصدقت روعه ولا شكاوي...

يمكن كل الليزر يختلف عن ليزر



مرحبا حبوبه..

بس بغيت اسالج عن منو تسوين الليزر؟

والسموحه منج
X