مقـــارنتي بزوجة اخوه

أختي لاتصيرين مرررررررررة حساسة وشي طبيعي جدا جدا ان اهل الزوج يقارنون بين حريم عيالهم

وشي طبيعي انهم يتكلمون عنها لانها عروس جديدة وهي موضوعهم الجديد حاليا ولما يتكلمون عنها

اننتي جاريهم عاادي وجامليهم وخليك كووووووووول ولاتقارنين بينك وبينها ابد الغيره بن حريم الحمى

شي فطري بس خلي علاقتك معاها بما يرضي الله ورسمية وحتى اهل زوجك خليك رسمية معاهم يعني

خلي تكون لك استقلالية صدقيني ان فيه بنات متزوجات وساكنين مع اهل زوجهم ولهم شخصية واستقلالية وفيه

بنات ساكنين بروحهم لكنهم من غير شخصية ولا استقلالية

انزعاجك شي طبيعي وعااادي بس لايأثر على زوجك ابدا ابدا خليه بعيد

وربي يوفقك بكرا بتتزوج وبتصير قديمة واهل زوجك بيلقون لهم موضوع جديد يتكلمون فيه والله يوفقك

صح شي يحز في الخاطر
بس ممكن هم يمدحونج في غيبتج

لا تفكرين واايد
طنشي الموضوع وعيشي حياتج

لاتضايقيييييييييييييييييين راح تشوفي بعد الزواج كيف فلانه وفلانه هذثي هم يبون يقهرون ويشبون الغيرة خليكي اعقل لاتروحين كثير عندهم خليكي بس للمناسبات فقط ونصييييييييييحة

صيري صديقتها والله بترتاحييييييييييييين..

انا الغلا كل الغلا;4137828:
اممممممم

حاولي اذا جذي انج تتقربين منها اكثر وتصيرين صديقتها

واذا حصلتيها قاعده بروحها قعدي وياها وسولفي .. في اي شي يخطر ببالج

" بدون ما تقولين لها اللي بقلبج صوب اهل ريلج "

وتحملي تبينين انج متضايقه من وشوشتهم ..

يمكن هم لي الحين ما تعودوا عليج كثرها

يعني مسألة وقت

..

هههههه يعني مو انا لحااالي؟
حبيبتي كل اهالي الزوج تقريبا كذا
وتراهم 100% يقولون لها نفس الكلام
يبون يخلوونكم موضع مقارنه وتغرون من بعض
ويبونكم تكرهون بعض وما تتصاحبون
عشان كل وحده تطله جهدتها وتفووز بحب الحموله
بس نصيحه طنشي
اذا تكلمو اسكتي وابتسمي وقولي اي والله تستااهل كل خير الله يوفقها
بسسسسس لا تتحمسين اكثر بالكلام عشاان ماتوضح الغيره
وبس
ودايم بيني لزوجك ان هو محظوظ انه اخذك
طبعا بطريقه غير مباشره عشان مايقوول مغروره
الرجال يحب الحرمه الواثقه من نفسها
وان كثير من العايله كانوا يبونك وانتي ماااتبين الا هو
وترى زوجك يحكي عن مرت اخوه عشااانه يسمع هالكلام من اهله ويدخل في راسه
ويجي يحكي
بس قولي له انا ما احب الرجال اللي يسمع كلاام الحريم
وصدقيني بعد الزواااج بيتغيرووون
احسني معاملتهم وحنني زوجك عليهم
وارضي زوجك
وصدقيني تدريجيا بيحبوووونك وبيدرون انه مايصح الا الصحيح

<<< ماره بنفس التجربه

حبيبتي مش ليكي دعوه بكلام اهل زوجك واكيد البنت دي مش كامله من كل حاجه كل واحد فيه الحلو وفيه الوحش اهم حاجه انك تكوني واثقه بنفسك ومقدره قيمتك واهم حاجه انك تكوني ماليه عيونه والموقف اللي عمله ممكن يكون مش قصده بس عشان انتي كنتي مضايقه فهمتيه غلط اتكلمي معاه في الموضوع ده بس اهم حاجه اوعي تبينيله انك مش واثقه من نفسك او انك بتغيري منها لان الرجاله يحبوا الواحده اللي واثقه من نفسها واتكلمي معاه بكل ذوق ورقه وافهمي منه الموضوع واتمني ليكي كل خير .......................................................................................ربنا يوفقك .....باي باي:87457:

الله يعينك وحاولي انك ما تضايقي نفسك
وبيني لأهل زوجك انك دائما تحترمين زوجه أخوهم وانك ايضا بنت عائلة وكلك ذوق

الله يعينج عليهم هذا جبل الزواج جذيه وين عاد بعده

بس صدجيني المعدن الاصلي يبين بعد الزواج وانتي ما عليج منهم اهم شيء تكونيني على طبيعتج ولا تحاولين تقلدين شيء منها عشان ترضيهم الا اللي فيه مصلحه لج ولسعادتج

واذا ع زوجج يمكن ما يقصد بس يمكن من كثر ما يسمع كلام هله تأثر فيهم


والله يوفجج

اصبري وصلي وادعي ربنا وتاكدي ربنا راح يعوض صبرك خير وماراح يخدلك خدي نية صافية لزوجك واهله وشوفي جزاء ربنا راح يكون ازاي في صالحك ان شاء الله

والله اني اشكركم كثير يا بنات


ماعرف بس حتى هي البنت احسها مو طايقتني ولو اتكلمت معاها ترد على قد اسئلتي


الله يعين بس


مشكورات وربي ما يوقعكم في ضيقه

انا الغلا كل الغلا;4137497:
شي يحز بالخاطر اكيد

حبيبتي لا تحكمين عليها وانتي لي الحينج ماعرفتيها

صحيح المدح الزايد يأثر بالسلب

لكن ليش ماتحاولين تكونين انتي متميزه بعد بطريقتج؟

خلج طبيعيه وياهم .. اجتماعية . وحبوبه

لا تقعدين بروحج وتصيرين منعزلة عنهم

شاركيهم الحوار .. سولفي .. لو رحتي مكان تذكريهم بشي .. وخصوصا امه

بيني لهم انج خاطرج تقعدين مع مرت اخو ريلج من زود مامدحوها لج

بيني انج مو محتره منها .. بالعكس تحبينها مثلهم حتى لو ماشفتيها

لو يصير حتى تسألين عنها

لان حرام تظلمينها وانتي ماعرفتيها

لو انتي بمكانها مابتحبين سالفة ان احد يصدر عليج حكم من قبل ما يعرفج صح ^_^

حاولي وخبرينا باللي يصير وياج

والله كلامج صحيح

الله يعينك حبيبتي نصيحتي لك تشمل عدة نقاط
-اول شي لاتقابلين زوجك كثير ايام الملكة بس كلميه بالتلفون عشان يشتاقلك اكثر
-لاتروحين لاهل زوجك الابعد الزواج وكلمي امه بين فترة وفترة اوقات المناسبات

-اما خوات زوجك حبيهم وعامليهم معاملة حلوة ولاتبينين لهم اسرارك او اي شي بخاطرك
-ومرت اخوه عامليها معاملة رسمية لانها مهما كان بنت ناس مو اي شي ينقالها
-وعليك بالدعاء كلما سجدتي ان ربي ييسر امرك ويفرج همك ويسعدك بزوجك وباهله
-وانا مريت بمواقف مشابهه لموقفك وتعاملت فيها بحذر

--والله يسعدكم ويهنيكم ويسعد كل زوج بزوجته

:yes::yes::yes::yes::yes::yes::yes::yes:

عن نفسي ما احب المقارنات تستوي حساسيات بس شو نسوي تصير في احسن العائلات


انتي خليج كووول ويا ريلج طيري عقله خليج مرحة
والله يوفقج يارب وسبحان الله يمكن يتبدل الحال الى احسن

والله يوفقج وويوفقها

ماالومج


من حقج تتضايقين

انتي ماعليج منهم

والله يوفقج مع ريلج


بس قوليله انك تضايقتي يوم جاب سيرة زوجة اخوه

قوليله صح اهي مثل اختك بس انا اغااااااااااااااار لا تجيب سيرتهاااا

الله يعينج حبيبتي ويوفقج

:9_28:



حبيبتي ماتدرين يمكن اهم يسون معاكم ثنتينكم العكس
يمدحونج جدامها ويمدحونها جدامج



واما عن ريلج
ف صاارحيه وقوليله انج تضايقتي من الموقف
هذا ريلج ولازم تكون بينكم المصارحه
والله يوفقج ويسعدج مع اهل ريلج وريلج

يااااااااااربي,,
الله يعينج صراحة..لو انا منج لازم بكلم زوجي ..وبخبره اني مب غيرانه منها واني وواثقة من نفسي لكن اللي قاعد يصير ينرفز ويرفع الضغط..اففففففففف والله ناس ماعندهم ذووووووق اسمحي لي حبيبتي..

سمورره;4140343:
انصحك تجاريهم ..

كوني حكيمه وعاقله .. تعرفي ايش تسوين ...

انتي بعد تمدحيها قدام عيله زوجك ... كل ما قالوا شي .. قولي اي صحيح ... لاحظت هذا الشي .. كلامكم معقول ... انا بعد انتظر اشوفها عروس

اما قدام زوجك ... لا تمدحيها ولا تذميها .. دائما اتمنى لها السعاده مع زوجها .. وقولي له انا شفت عيلتك مره يحبون زوجه اخوك.. واتمنى يوم من الايام يحبوني قد ما يحبوها ونكون مثل الاخوات ...

راح تكبري في عين الاهل والزوج .. وفي نفس الوقت نيتك صافيه تكسبي الاثنين

لا تبيني لهم انك متضايقه من سيرتها ابدا ... بالعكس على ارحب صدر تقبلي ..

وكلها شهر وبتشوفي كيف كل الاوضاع بتنقلب لصالحك ...اولا واخيرا لان نيتك خير...

ونصيحه .... لا تعاملي زوجك معامله مو كويسه علشان هذا الموضوع.... يمكن هو مو حاس او ماله ذنب .. لكن تجي الايام وتثبت له ان قلبك كبيييررررر ... وانه بالفعل يستاهلك

وطمنيني على النتايج ... وبالتوفيق حبيبتي

انا معااااااااااااااااااااااااااااك ... ولا تخلين هالشي يكووووووووووووون سبب مشاكل بينك وبين زوجك..

انا تدمرت حيااااااااااااااااااااتي لنفس السبب.. خذي حذرك ولا تدخلين هالاشياء في علاقتكم ابد ولا تحسسينه باللي يسوووووونه اهله ترى اول مرررة بيضايق علشاااااانك لكن الثانية بيضايقك منك وبيبدأ يشوف زوجة اخوووووه احسن منك حتى لو كنتي انتي الاحسن..لو ضايقك بكلمة عاتبيه عتاب العشااااااق في حدود هالكلمة ولا تتوسعين وتقولين حتى اهلك يقولون ان البنت كذا وكذا .. اشفيها زود عني .....لااااااااااااااااااااااااا انتبهي ثم انتبهي ثم انتبهي ولا تحسسينه بالغيرة منها ابد .. بس ان كلمته ضايقتك او انه مارد عليك وقال لك انتي بنت حلال.. بس هذا اللي مضايقك لا تجيبين سيرتها ابد

قولي له انا متضايقة شوي يوم كنا نتكلم عن اخوك فلان انه ولد حلال قلت لك وانت بعدولد حلال.. انت مارديت علي وهالشي شوي ضايقني انت كل شي عندي بالدنيا بعد طاعة الله واتمنى اكون كذا بالنسبة لك..

نفس الخالة عشتها انا....ذبحوووووووووووووووووني بالكلام عنها..وتمديح فيها...
وأنا هالانسانة حبيتها لمن عرفتها وصج تنحب...


لكن يوم وصل الموضوع في ان زوجي يتمدحلي فيها..تخبللللللللللللللللت..استوت ضرابات بيني وبينه...قلت ما في إلا أقهره...

قمت اتمدح في أخوه!

فكل ما قال شي عنها..قلت ما تنلام لأنها ماخذة واحد مثله !!...(طبعا ما انصحكم تتبعون هالتصرف..ما أبا اخرب على احد ترى غلط اللي سويته انا)

ومو بس هذا...لا...التصرف الصح اللي سويته واللي المفروض كل واحدة تسويه...تشوف شو الللي تسويه هذيج كسبت قلبهم كلهم...


فهمت عليها...وقمت اتبع التصرف نفسه..لا وبعد الأحسن عنه...لين ما ريلها نفسه صار يتمدح فيني أنا !!!!

الحمد الله رب العالمين..أخوه الثاني بعد على نفس الطريق.....وان شاء الله البقية تأتي..


ايلسي ادعي داااااااااااااااااااايما..رب العالمين يهديج للطريق الصح