العرس القطري .... والعرس البحريني .. اي احسن ؟؟

اعراسنا نحن لاماراتيين ايكون العروس تدخل بروحة وتيلس وعقب اشوي المعرس واخوالعروس او ابوها ويسلم عليها ويبوس راسها وعقب اخوها يظهر ويقعدون اشوي وعقب يقصون الكيكة ويشربون العصير وعقب اسيرون داخل يتصورون وعقب العرس يسون مسيرة كششششششششششششششششششششششخة

السلام عليكم أنا من الاحساء وبقولك على عادات أعراسنا
يبدأ العرس عندنا على الساعة 9 أو9 ونص
على الساعة 10 أو 10 ونص وأحيانا 11 تدخل العروسة و يبدأالتصوير وبعدين يدخلون أبوها واخوانها يصورون معاها وبعضهم يرقصون شوي ويطلعون
وتقعد اهي تكمل تصوير
بعضهم يحطون العشا في هالوقت بس الحين الاكثرية ياخرونه
بعدين يطلعون العروسة ويودونها غرفتها واهل العروسة يفضون المسرح لاهل المعرس
ينزف المعرس قرابة الساعة 12 مع ابوه اخوانه وعمامه يصورون ويرقصون شوي وبعدين يطلعون
بعدها تنزف العروسة لعريسها
و يحطون العشا وتضل العروسة مع المعرس يصورون
وعندنا اذا ماكانوا مسوين حفلة خطوبة يقصون الكيكة ويشربون العصير وطبعا للازم يلبسون الدبل في اليد اليسار
وبعدها يطلعون المعاريس ويستمر العرس الى ان تأمر الطقاقة

[color="#663300"]عرس الامراتي وااااااااااااااااااايد فنتك:ok::ok::ok::ok::ok::ok::ok:

ههههههههههههههههههههههههههههههههههههه:dd::dd::dd::dd::dd::dd::dd::dd::dd::dd::dd::dd:

احم احم دلوعه قطريه وصلت لتؤازر وتناصر العرس القطري


طبعا البنات شرحوا لج شلون ومثل ماقالوا عموما في اعراسنا تنزف العروس عال 10 او 11 بالكثير والمعرس يدش 12 وطبعا في عيلتنا يدشون كل شباب ورياييل


العيله وعيلة العيله


طبعا بس يوصلون المعرس ويطلعون وبعدها ممكن يتمون محارم العروس وابو المعرس يتصورون ويطلعون


وشوووي والطقاقه تعلن عن العشااا خخخ وتقوول يا جماعه تفضلوا عالعشىىىى وبعدين الميكرفون يسوي صوت مزعج خخخخخخخخ لووول


وبعدين شووويوونه والا المعرس ساحب العروس وطالعين وبعدها المتغطيين من اهل العروس والمعازيم يفصخون عبيهم مره ثانيه ويقوووم الرقص والرديح لووول ليما


الطقاقه تعلن اضرابها وتوقف وطبعا ماتوقف الا اذا وقفت النقووط لوووولز ووووبس جني طولت


بس الصراااحه موضووعج ووناسه وانتي بكبرج حددددج فله عجبتيني وايد حتى الدليل يمكن اتهور واخطبج هع هع

انا بحرينية واختي خذت بحرينية دشت هي بزفة بروحها وزوجها زفته ثانية :)

مع ان انا اهلي كلهم بقطر واروح عروس هناك يمكن اكثر من البحرين ..

بس احسهم نفس الشي ..

ماعدا شي واحد

احنا عروسنا تنتهي حوتالي 3 الفجر

وهم تنتهي 12 بليل .. والله حسافة ع الخساير خخخخ

انا بحرينية واختي خذت بحرينية دشت هي بزفة بروحها وزوجها زفته ثانية معاه اهله واهلنا من الرياييل .. :)

مع ان انا اهلي كلهم بقطر واروح عروس هناك يمكن اكثر من البحرين ..

بس احسهم نفس الشي ..

ماعدا شي واحد

احنا عروسنا تنتهي حوالي 3 الفجر

وهم تنتهي 12 بليل .. والله حسافة ع الخساير خخخخ

بس اكيد عروسنـا أحلى :tongue:

:21_131::21_131::21_131:

اختي الغاليه الله يوفقك ويسعدك ويرزقك بابن الحلال فين مارحتي
باكلمك عن افراحنا في المديييييييييييييييييييييييينه المنوره طيبه الطيبه فديت ترابها انا
طبعا في عادات حلوه والصراحه في عادات سيئه
الحلوه ان العروسه والعريس واهل الفرح مايبقوا على اعمارهم ويفرحوا بالطول والعرض والارتفاااااع يبدا الفرح بدقه اسمها البيشي واعتقد ان اصلها من بيشه يدقوا الدقاقات ويدخلوا قدامهم اخوات العروس والعريس والحبايب يرقصوا بالسيوف وعلب المناديل المغلفه بعدين يبدا الدق تقريبا الساعه 12باليل وفي اغنيه طبعا خاصه بأم العروسه(يالالا يام العروسه الله يتمم هناك اليله ليله سعيده والحبايب معاك)
تنزف العروسه تقريبا الساعه 3وبعض العائلا ينزف العريس معاها وبعضهم لا بعد مايخرجو الناس للعشا ينزفوا تاني مع بعض عشان التصوير
ومن العادات السيئه بصراحه الكلفه في ناس مايحبوا يكونوا اقل من غيرهم فيتسلفوا مبالغ خياليه
واسفه عالاطاله

موضوع حلووووووووو

[GLOW="CC33FF"]مالومك لاخترتي عرسك يكون قطري لانو عروسهم حلوه
والله يوفقك وتاخذين ولد الحلال اللي يحبك
حب الجنون ولا يناظر بنت في الدنيا غيرك
قولي امين ويوفقك ويسعدكدنيا واخره[/GLOW]

لا اهل الامارات يخلص العرس عندم ساعه:2 اكثر شي:21_149::21_149::21_149::21_149::21_149:

جايه متأخر (6) خخخخخ


انا عن نفسي اشوف العرس القطري أحلى

مع احترامي للأعراس البحرينيه ,,, حظرت عرس فالبحرين كان حلو ومرتب

بس قلت اعراس قطر لأن احنا في قطر واغلب الناس يحبون يطلعون عرسهم احلى من غيرهم والكل يتكلم عنه (( يحبون الكشخه))

يعني مايهم الخساره لأنها حق ليلة فالعمر وماتكرر
:888345:




أممممم الأعراس تبتدي من 8 وتدخل العروس عالساعه 10 او 10 ونص

يدخل المعرس بعدها بساعه نقريباَ ..ويقعدون يتصورون مع هله و اهلها و و و و

يعني 11 ونص يروحون :21_149:

ويخلص العرس عالساعه 12ونص تقريبا:poster_dev:

وبسسس


وطبعا الأعراس وأوقاتها تختلف فأنا ماتكلم عن الكل:rolleyes:





عقباااااااااااااالج يارب,,,,, نشووفج عرووس :21_8:

باااااااك الله فيك

اكيد العرس القطري احلى من كل النواحي

يعني العرس عرس عندنا مش اي كلام

(( الله يرزقج انشالله بولد الحلال اللي بيسويلج العرس القطري :tongue: ))

وطبعا يبتدي عالساعه 8 جي والساعه 10 او 11 تنزف العروس وطبعا محد يمشي معاها تدخل بروحها ...<< حلاته تمشي بهيبتها :cool:

وعقب توصل لين اخر الستيج وتوقف ويجون اهلها ويسمون عليها وينقطون عليها وعقب تقعد عالكوشه

والمعرس يدخل بعدها بساعه او ساعه الا ربع وطبعا قبل مايدخل يتغطون الحريم ويغطون العروس واكيد يدخلون معاه ابوه واخوان العروس واخوانه وعمامه بس ابو العروس مايدخل لان عيب ولايحضر عرس الرجاجيل طبعا :D

وعقب يتصورون معاه ويطلعون ولما يطلعون العروس خلاص تكشف ويبوسها على راسها واذا اخوانها دخلو العرس طبعا ماراح يطلعون مع الرجاجيل بيسلمون عليها وعقب بيطلعون

وعقب يقعدون المعاريس شوي الا الفرقه يقولون ان الحين وقت لعش وعب المعاريس يقومون ويروحون فوق ويرجعون البنات يفصخون عبيهم وشيلهم وعادي رقص ووناسه لييين يفضى العرس

ووووووبث :o

اتمنى اني شرحت عدل :D

هلا فديتكم



انه يديده بالمنتدى اتمنى تقبلونى معاكم

:D

بالنسبه الاعراس عندنااا طبعا تختلف شويات من دوله للثانيه


انه اشوووووووووف انه عندنا بالبحرين احلى حلو انزف انه وريلي مره وحده :D وانه قابضه يده ايه والله اخليه بروحه لا يبه لصقه<<<< <<<< ما تستحى ما تبي تفج الريال شوي منها ههههههههههه


عندنا بالبحرين العرس يكون


*طبعا يروحون اهل العروس و اهل المعرس يكونون اول المتواجدين يروحون عالساعه 9

* بعد الساعه 9 لين 10 الناس المعازيم يروحون اكثرهم

* اهل العروس واهل المعرس (( الكبار عادتا مثل ام العروس وخواتها وخالاتها وعماتها ويدتها )) واهل المعرس نفس الشي عادتا يوقفون عند مدخل الصاله عشان المعازيم لين وصلوا يسلمون عليهم

* فى هالوقت تبدا الفرقه والدي جي ويبدا الرقص عند البنيات

* تقريبا بين الساعه 11 لين 12 يعنى حدود هالوقت يدخلون العروس والمعرس قابضين يد بعض وينزفون مع بعض عندنا الاكثر جذي ونادرا لين عوائل زفوا العروس بروحها والمعرس بروحه

(( في عندنا ناس يخلون يهال مب صغار وايد حدود عمره 8 لين 12 سنه يمشون جدام العروس على يمينها ويسارها قبل ما تنزف العروس طبعا يكون مثلا بنات ثنتين حاملات شمووووع طوال وبنات ثنتين غيرهم كل وحده حامله مبخر وثنتين غيرهم وحده حامله قران والثانيه شي بسيط للتوزيعات وناس يخلون اصبي صغير وابنيه صغيره يكون تقريبا اعمارهم 6 ولا 7 عروس ومعرس صغار وهذيلا كلهم يدخلونهم قبل شويات عن زفه العروس ولين اليهال وصلوا للكوشه يوقفون نص عاليمين ونص عاليسار يبدا زفه العروس والمعرس من بعدهم هالحركه مب الكل يسويهاا لين العروس تبي بس
* يبدا التصوير فى المعاريس ويرفع الطرحه ويبوسها على جبينها ويبدلون الدبل من يد اليمين لليسار وطبعا كل شي يتصور

* عندنا لازم اييبون كاسين وفيهم عصير وكل واحد يشرب الثانى حركات دلع<<<
*وفي هالوقت العروس والمعرس يقومون يقصون كيكه العرس ويتصورون


* بعدين يقولون للناس تفضلوا عالبوفيه عادتا يكون بعد نص ساعه من دخول المعاريس
وفي هالوقت يدخللون ابو العروس وخوانها وابو المعرس وخيلان واعمام العروس بس محارمهاا ويتصورون معاها وفى عوائل حتى اخوان المعرس يدشون ويحجبون العروس بس عائلتنه ما يدخلون اخوان المعرس هههه

* بعد نص ساعه يعطون فرصه للناس يتعشون وفى هالوقت عادتا يطلعون المعرس عشان البنات ياخذون راحتهم ويرد يبدا الرقص والبنات كل وحده تفصخ واهنى يكون احلى وقت من العرس لنا احنا للرقص والوناسه والردحه وكل وحده تطلع مواهبها بالرقص هههه

* والمعازيم تقريبا حدود 1 لين 2 ولا 2 ونص يمشون ويتمون ناس شويات والاهل طبعا لين 3 ولا 4


* بعدين لين تموا بس الاهل يدخل المعرس مره ثانيه ويقعد عالكوشه مع عروسته ويكون بس الاهل ياخذون راحتمم والاهل اخر شي يزفون المعرس والعروس وخلاصصصصصص


* يروحون لعش الزوجيه (( وتوته توته خلصت الحتوته))

(( عندى رفيجتى تزوجت اخذت قطري مسكين ما خلته على كيفه سوت عرسها كله بحريني دشت معاه بزفه وحده))

(( ورفيجتى الثانيه اخذت اماراتى ونفس الشي بعد سوت عرس بحريني كامل))

انا حضرت عرس في قطر وكان عندهم شي يسمونه "الفصول الاربعة"
يعني اول شي اتدش العروس ويا زوجها وعقب اخوان العروس وابوهاوعقب شوي يدشون اعمامها ووخوالها ولين راحو يدشون اخوان المعرس وابوه وعقب يدشون اعمامه وخواله

ويحطون حاجز حق العروس عشان ماتبين جدام اهل المعرس "الرياييل"

حبيبتي الغلا كل الغلا أولشي بقولج ان كل مجتمع يفرق عن مجتمع حتى لوكانو في بلدة وحدة ..
يعني مثلا خل أقولج عن تفاصيل العرس عندنا بالكويت:gum:واللي مريت فيها شخصيا :D_smil1::21_207::21_207:
من اول ماتنخطب البيت لي الصباحية بس في بنات في الكويت مايسوون مثل ما أنا نسوي بس الحلو بعراسنا واايد يونسج لان في تصوير وايد ..:21_140:
اولشي بعد اعلان الخطبة بين الرياييل والحريم اول شي
االشي بعد الخطبة بأسبوع أهل المعرس ييبون شبكة ذهب والعروس تكون كاشخة ولابسة لبس حفلة وصفاق ومعازيم يعني حفلة خطبة بس لازم يكون في شبكة ويكون في مصورة وكوشة وسفرة وتوزيعات بس المعرس مايحضر لان للحين ما عقد القران بس اذا حبوو الاهل ان البنت والولد يقعدون يتكلمون
البنت تلبس حجابها وتقعد معاة مثل المقابلة الشريعية بس مو اجباري ويسمونة النيشان ...

ثاني شي بعد ما يتفقون على موعد الملجة قبلها بسبوعين او أكثر أو أقرب على الحسب المتفق علية هم يسوون حفلة الدزة ويكون فية المهر
ويكون في كوشة ومصورة ومعازيم وسفرة وتوزيعات مع أغراض الدزة ....

ثالث شي تكون الملجة مرات يسوون عقد القران الصبح او قبل الحفلة بيوم ..على حسب
تقعد مع المعرس وتكون في مصورة
وكوشة وسفرة وتوزيعات ومعازيم وكلشي واحنا عندنا تقاليد ان المعرس يوكل العروس عسل واهي نفس الشي عشان تصير حياتهم كلها عسل بعسل:shy: ويلبسون بعض الدبل وبعدين تطير العروس لصالون حق الحفلة بليل وتكون في صالة او فندق وتصير حفلة كبيرة تنزف العروس الساعة 8 بليل وبالكثير الساعة 9 او ابجر:angry: من جذي تنزف العروس تدخل بروحة ماسكة المسكة وكيفها عاد تبي تلبس اخضر اي لون عادي ويكونون اهل العروس والمعرس واقفين ع الكوشة يستفبلون العروس وساعات اهل العروس اييبون مصورة خاصة للعروس واهل المعرس اييبون لهم مصورة وتصير مصورتين بالحفلة حق العروس وتم قاعدة بالكوشهة لي 10ونص او 11وبعدين العروس تقوم ترقص بعدين يجلونها وبعدين تقوم تروح غرفة العروس الموجودة في الصاله او الفندق ويدخل المعرس ع الساعة 12 او 1 مع زفة رياييل اهلة واصحابة والكل اللي يعزون بعدين يطلعون الرياييل ويتمون المحارم وتدخل علي العروس وتكون بأجمل حله :21_209:
ويشربون العصير ويلبسة شبكة الملجة غير عن مالت النيشان
وبس ...بس تكون حفلة الملجة على اهل العروس

رابع شي.. قبل العرس بجم يوم يسوون الحنة حق العرووس نفس الشي كوشة ومصورة نفس النيشان بس تكون حنة وتجيب حناية حق المعازيم اللي يبون يتحنون .

خامس شي .. العرس ويكون نفس طريقة الملجة بس بدون شبكة وجلوة ..ويكون على اهل المعرس

سادس شي الصباحية:
تكون نفس الحفلة المصغرة بس تكون ع الضحى ييون المعازيم بعد الغدا وتقعد العروس ع الكوشة وكل ساعة تقوم تغير اللبس وتلبس 7 ملابس حفلات ومرات يسون هالحفلة بعد أسبوع يسمونها يوم سابع واو بعد ماترد من السفر ...

والحلو بعد ان بكل الحفلة يكوونون المعازيم كاشخين مسووين شعورهم وكلشي ومخاذين راحتهم مو يفصخون شوي والمعرس يدش بعدين يردون يلبسونهم لان دخلة المعرس وحدة ..

ها يا غلا كل الغلا شرايج بعروسنا ..؟:yes:
بس أقولج موكل يسويكل هالاشياء بالكويت بس أهلنا واللي أعرفه لازم عليهم يسوونة ..

خيتوو ماكنتوش بالعسل عجبنى عروسكم هههههه احسها وايد فن وفيها وايد شغلات


وكذا ليله تحتفلون


يعنى كل ليله ثياب سهره وصالونات وكشخه الااااااااااي وناسه


ولا 4 ليالى ويالله يالمعرس قرقش جيبك مسكين هالمعرس الف ليله ههه


الله يكون بعون الشباب


بس وااااااايد حلوه طريقتكم عجبنى هههههه خلاص انه ابي كويتي