الأمهاااات العاملاااااااات تعالو ندردش شوي...

اختي عروس الموج
تدرين شو المشكلة انه نحن الحريم لااااااااااااااازم كل المسؤوليات على راسنا
والرياااال ماعليه سوى انه يشتغل ويحضر للبيت يلقى كل شي جاااهز
والله انا اقول لو المراة اتحاول اتسلم زوجها شوية مسؤولية جان ارتاحت
يعني مرة او مرتين في الاسبوع يحضر العشاء من برع البيت
او احيانا يجابل اليهال لين ما الحرمة تنتهي من الغسيل والطبخ
يعني يشارك شوي
بس انا قررت اني اعود زوجي من البداية على الاشياء الخفيفة مثل ينوم البيبي عنده
يعني بعد ما ينام اخليه عند ابوه واقوله اني رايحة اطبخ وهو لازم يراقبه (مثال)
او احيانا لما اسبحه اخلية ابوه يحطله الشامبو يعني عشان يحس شوي ويشارك
او اني اعلمة كيف يجهز المرضعة
يعني بحاول اخلية يشارك شوي
لاني ابصراحة ما اقدر اكون ربه بيت وزوجة وام وامراة عاملة وانثى يعني 4 في واحد صعبة
شو رايكم يا بنات

لاني ابصراحة ما اقدر اكون ربه بيت وزوجة وام وامراة عاملة وانثى يعني 4 في واحد صعبة
شو رايكم يا بنات

حلللللوه اربعه بواحد


راح انظم معكم
لكن انا طالبه
يعني اصعب من الموظفه
والله المستعان


يعني في السنه الثانيه من زواجي حملت وكان حملي في بداية الصيف يعني كل شي تمام
ومع بداية السنه الجديده كنت ع وشك ولاده والله كنت خايفه من الولاده بدري فأجلت امتحاناتي وركض لأهلي
من السابع
ويوم ولدت
تعالي شوفي كيف حياتي
تعب نفسي وبدني
يعني اروح الساعه ثمانيه وادخل ولدي الحظانه ولما اخلص ارجع اخذه ولروح البيتواسوي الغدا بنفسي
وانام بعد صلاة العصر لين المغرب
ثم اغسل وانظف (لأن ولله الحمد لايوجد عندي خادمه )
احب اخدم بيتي بنفسي
وبعدين ادرس
وهكذا يعني
حوووووووسه وما اعرف للبيبي زين
الان ولله الحمد والمنه
ولدي كبر وصرت فاهمه >>>ياعيني
وصارت اموري تمام اتمام
يعني اعطي نفسي حقها وزوجي وبيتي ولدي
والحمد لله
واسأل الله لكي التيسير

انامل..

انا الحمدالله زوجي يساعدني من يبت ولدي بالعكس مرات هوو يسبحه ومرات الفليل هو ينش يغيرله او يسويله حليب..تدرين لان كم مره شايف ولدي يصح وتخيلي من التعب والله ما كنت اسمعه..فا اغمضه الحين يشوفني وايد اتعب من داومت يعني ماارقد غير الساعه 12:00 وماشالله لازم اليهال ينشون الفليل وهالسوالف..

بس احس انا وقتي مب مرتب مب مرتبه حالي وريلي دوامه شفتات ها الشي الي مضايقني اتم روحي وما يخليني اطلع الي ويااااه.
يعني ايلس فالبيت بس مجابله هالولد..

وعندي غساله تماتيك من شهر ما خذتنها وحضرتها من يومين اختربت وتيمعن الثيااب..وديتهم بيت ابووويه وعطيت بشاكير ابوويه فلووس وقلت غسلووهم طبعا ما صدقوو.

والحمام عزكم الله اخلي ريلي يغسله هههههههههه والله خلهم يسووون شي بس كلشي يبون جاهز.


تسبيحات

الله يعطيج العافيه..الله يساعدنا ياااارب

انزززززززززززين

وماتكلمتوا عن اللي نفس حالتي

عندي بنتي عمرها سنه و8 شهور وولد شهر ونص تقريبا
الله يحفظهم
واشتغل
وبنتي ماشالله تتحرك وايد
شالحللللل
وماعندي حد يمسك الاثنين
فكرت ادخل بنتي الروضه الكل ذمني حرام صغيره وبتمرض وووووو الخ


اشرايكم؟؟؟؟؟؟؟؟؟؟

.

بغيت انظم وياكم.. بس برجع بعدين ندردش..

.

.

هلا بنات شخباركم .. رديت ادردش وياكم..

عيل انا شو اقول عن حالتي...

تدرون كل شئ غالي الحين الواحد ما يقدر يعيش على مصروف واحد... معنه ريلي دوم يقولي استقيلي احسن وانشاءالله كل شئ بيتيسر...

صح ان كل شئ بيتيسر بس انا ابا عيالي يعيشون عيشة زينة... اباهم يدرسون في احسن المدارس ويتعلمون... ويكون عندنا بيت انعيش كلنا ويا بعض... اقوله خلنا نبني وانخلص بعدين بقدم على استقالتي....

الحين بس اتريا متى يخلص البيت علشان استقيل...

المهم انا قبل لا اعرس كنت اشتغل دوام شفتات.. يعني الصبح الظهر وآخر الليل.. وبعدين عرست ويبت اول ياهل وانا بعدني على نفس الوظيفة ... الصبح كنت اوديه بيت ابوية عند امي طبعا دوامنا كان يبدأ الصبح الساعة 6 الين الساعة 2 وبعدين الظهر من 2 الين 10 وآخر الليل من 10 الين 6 ..
والظهر بعد كنت اخليه بيت ابويه... بس آخر الليل عند ابوه.. لان امي تعبانه ما تقدر اتنش الفليل تعطيه حليب ... ابوه حليله كان ينش يعطيه حليب ويرقده .. بس شئ واحد ما يحب يسويه ولين الحين.. ابا اعوده بس ما يطيع.. يغير البامبرز

وحتى اذا يباله تغيير بامبرز اطلع من الدوام ... شو اسوي.. تميت على هالحال لمدة سنتين تقريبا.. بعدين ريلي ما استحمل .. قالي لازم تستقيلين انا ما كنت اشوف ولدي وايد وحسيت صدق انه هو يبا حنان.. صح ان امي وزوجي مب مقصرين بس بعد الام غير.. وخلاني اقدم استقالتي ..

وبعدين تميت شهر وحصلت على وظيفة دوام الصبح بس كان في البنك وتعرفون دوامات البنوك كيف... المهم تميت الحمدلله على هاي الوظيفة لمدة شهرين وبعدين اتوظفت في مكان ثاني ثابت... صح ان الراتب وايد ضعيف بس والله الحمدلله مرتاحة على الاقل ارد البيت اشوف ولدي وزوجي ونتغدا ويا بعض والليل انتم ويا بعض.. يعني وايد غير..

على فكرة صح ان عندي خدامة بس ما كنت اعتمد عليها وايد... بعدين امي وايد تعبت وما كانت تقدر اتيود ولدي... وماعرفت شو اسوي وما كنت احب اخلي ولدي عند الخدامة... وبعدين سجلته في الحضانة والله وايد ارتحت..
الحين ولدي كبر بيسير كيجي.. وبدا يعرف ويفهم الحمدلله..

والحين انا حامل وانشاءالله بربي عقب كمن يوم... وعندي شهرين اجازة وضع وانشاءالله باخذ شهر بعد يعني 3 شهور تقريبا...
وبعدين الصبح ولدي بيسير المدرسة وبودي البيببي بيت ابوية .. عند امي صح انها ما بتقدر اتسوي شئ بس عالاقل اتشوف البيبي .. واكون انا مرتاحة وعقب ما يكمل البيببي سنتين بوديه الحضانة

والله انا اشوف ان الحضانة احسن عن الخدامة بوايد...

.

انه انصحج ما تطلعين من الشغل لان الاشغال في هالزمن ما تنوجد وخصوصا عندنا في البحرين والظروف ما تساعد

انه عن تجربتي يوم احمل كنت قاعدة في البيت انتظر اليوم اللي راح يتصلون لي علشان اداوم في الوظيفة الجديدة وولدت وانه قاعدة في البيت انتظر بس ما اتصلوا لي الا لما كملت بنتي الشهر الخامس لما رحت ادوام خليتها مع عمتي ام زوجي بس الرضاعة الطبيعة ما تركتها ما عطيتها حليب صناعي لاني ما احب شى اسمه حليب صناعي وخلال فترة الداوم تسوي لها سريلاك وتحط لها في رضاعة وتعطيها لان داومي بس 6 ساعات يعطوني ساعتين رضاعة واللحين هي تسوي لها جذي واهي الحين عمرها 11 شهر وبالنسبة لما يكون عندي اوفرتايم تسوي لها جذي اغيب عنها 4 ساعات وبس من ارجع عالطول معاي ما اخليها علشان ما تكون بعيدة عني وتتعودي علي ....................................

اما بالنسبة لزوجي صج اني ما اشوفه الا جم ساعة بس ما احس اني امقصرة معاي على طوال اتصل فيه لما اكون في الشغل ولما يكون في البيت اسوي له للي يبيه على الطوال .........................................

وبالنسبة حق الشغل في الشقة ما فيها شغل وايد لان ما تتسخ خلال الاسبوع انظف على خفيف عقب ما ارجع من الشغل بس في الويك اند انظفها كامل ................................

طيب شو رأيكم في اللي دوام دوامين و عندها بنت عمرها 8 شهور و لد عمره 3 سنوات و ماعندها شغالة و الله هذا حالي أنا أداوم من الساعة 9 الصبح لين الساعة 2 ظهرا و من الساعة 4.5 العصر لين الساعة 800 و على الحال و لأ أروح في الليل أحمم الأولاد و أنيمهم بعد ما تطلع عيوني و بعدين أروح أطبخ غدا لثاني يوم و الله أنا مليت و ازهئت من العيشة هاذي شو تنصحوني ما بعرف شو أعمل و لا تقولولي استقيلي لأنه إحنا وضعنا صعب جدا أنا بودي أولادي عند أهلي في فترة الدوام

السلام عليكم و رحمة الله و بركاته ...

شخباركم خواتي ....

انا عاد .. حالتي وااااايد غير ...

يمكن تنصدمون ..

انا اشتغل و ادرس ..

و توني مربيه ... بنتي الله يحفظها بعدها ما كملت شهر ..

و انا راسي عورني من زود التفكير ..

مب عارفه شو اسوي ..

اذا خلصت فتره الاجازة .. وين اودي بنتي فديتها ..

دوامي من الساعه 7:30 لين الساعه 2:30 ..

و برد البيت .. ما بيمديلي وققت اغير و ايلس ويا بنتي و ارظعها ..

و الساعه 4:30 بطلع بروح الجامعه لين الساعه 9 ... و الجانعه بتبتدي شهر ( 9 )


ام زوجي .. يحليلها تعبانه .. سكري و ظغط . الله يشفيها و يعافيها .. و فوق كل هذا تمسك عيال حميتي ..

و امي .. الصبح دوام ... و ترد الظهر ...

ما عندي حد يعني ..

و زوجي ... اصبح دوام .. و العصر في النادي .. و انتوا تعرفون الزوج ... ما يعرف في سوالف اليهال ..

و حاليا .. انا ارظع بنتي طبيعي و صناعي ..

و ما اعرف اذا فيه اضرار اذا لااعطيها حليب صناعي و لا لاء ..


مب عارف شو اسوي ..


ساعدوني ....

كيف انظم وقتي ..

اما انا يا بنات سالفتي سالفة مع الدوام من ولدت استقلت عن الدوام وظليت سنة ونصف من غير دوام صدق اني
اهتميت في بنتي اهتمام بالغ بس نسيت نفسي وهذا اكبر خطأ لأن فاقد الشيء لا يعطيه لين وصلت الى مرحلة حسيت اني من غير هدف مخي بدأ يتجمد.

يعني لو بتفكرين انك تستقيلي لازم تعملي لنفسك برنامج يعني تاخذي دورات لمدة ساعتين في اليوم او تمارسي هوايات عشان تطوري نفسك.

المهم بعدها رجعت الدوام مرة ثانية وتغيرت نفسيتي للأحسن بس زوجي تعود على قعدتي في البيت فأصر اني اترك الوظيفة لين القى وظيفة بدوام اقل وفعلا تركت الوظيفة وصرت اهتم بنتي وبزوجي وبفسي اولا والله ما في على حضن الام وانا الحين على قناعة تامة ان تربية بنتي اححسن من الف وظيفة. :poster_dev:

شو الجديد .


ما في حلول ..


:9_33:

كنت بصيح وانا اقرا معانتكم..الله يعنا بس

بنت دبي

كنت ابا اعرف اي حضانه اتودين ولدج..وهل امان وكيف معاملتهم يا صغاريه..انا ان شالله افكر اودي ولدي الحضانه بعد لانه ما ينفع كله اتكل على اختي لانها حامل وتعبانه

مشكوورة Anamel على الرابطة الحلووه
والله يكون بعون كل الامهات اللي يشتغلون او يدرسون

اني حالتي كانت مأساة
اني ادرس وطول فترة حملي كنت تعبانة وايد
صرت ثقيلة بأخر شهور الحمل والدراسة والامتحانات وايد تعب
كنت افكر شلون بولد واداوم والدراسة

المشكلة اني ولدت بعملية قيصرية الحمدلله على كل حال
ولدت شهر 4 اللي راح
وتعبت كلش وولدي كان صغير وعلى طول يصيح واول طفل لي
غبت اسبوع واحد عن الكلية وقالوا لي اذا ما تداومين بعد هذا الاسبوع .. انسحبي واتركي الدراسة
تعبت نفسيتي وتأزمت .. شنو اسوي؟؟
تعبانة ما ارتحت ومكان العملية يعورني وما اقدر امشي وما طلعت من الاربعين
وولدي صغير واني طبعي اخاف وايد عليه

رجعت داومت وتركت ولدي عن امي
مسكينة تعبت معاه كانت تسهر واني انام
وتمسكه واني اذاكر كان ايام امتحانات منتصف
اتذكر داومت وبعد يومين كان عندي امتحان
تأزمت وايد
الحمدلله عدا الفصل ودرجاتي كانت اوكي
بعد معاناة لكن حسيت اني قصرت وايد في حق ولدي وزوجي
وشقتي كانت وايد عفسه ما عندي وقت لهم

قعدت شهرين ونص الحين اجازة ارتحت شوي
والله يستر .. الاسبوع الجاي يبدأ الفصل الثاني
وعمر ولدي الحين 4 اشهر ونص
وياربي يعيني اكمل دراستي


اوووه احس اني ارتحت افضفض لكم ههههههه

مجبوره
اااه صدق تعب بعد الدوام اهون عن الدراسه على الاقل الدوام تاخذين اجازه منه بس الدراسه مشكله

الله يعطيج العافيه..وعن سالفت الشقه انا مثلج اتعب واايد من شغل البيت احس راسي داير لاني مب متعوده على شغل البيت وايد...

هلا حياتي والله عين العقل إللي بتسويه :clap: وقسم بالله لولا ظروفي الصعبه :cry:
كنت إستقلت وجابلت بنتي بس الظروف احياناً تحكم :sad: أنا أشجعج
على هالقرار :clap::clap::clap: