كيف تتصرفين لما تكونين فالسوق وزوجك000؟

أشكركم كثيييييييييييير

عايدي اقول له

ترى مايعجبني تناظر

وفي السياره اقول

تراني اغار

مره كنا مسافرين وفي مطار جده

ركبنا الباص وجلسو قدامنا ثلاث بنات

متلثمات ومتمكيجات وعباياتهم تقولين فستان

وشافهم زوجي قال شوفيهم مايستحون

بعدين قاعده اطالع فيهم وحده منهم

تطالع زوجي

خفت عليه من عينها وطالعت فيها بنظرة ليه تناظرين

ونزلت عينها



ومره في قناة العربيه جت وحده ترقص

وقاعده اطالع فيها وفي زوجي

مره له ومره لها

وقال ايش فيكي كذا

ومن حسن حظي كان سألته سؤال ومارد علي

قلت انتظرك تجاوبني

اكيد راح اطلع اعيوووونه
واقلب الروحه حوسه
لكن الحمد لله والشكر زوجي ابدا مو من هالنوع الله يثبته
والله يستر

خخخ موضوع حساس...

وكل وحدة ترد تقول بعصبب.. وبقوله.. وبسوي كذا وكذا..:21_30:
وبعدين تقول زوجي ما من هالنوعية.... :21_133:

امزح ها.. لاتزعلون
ترى زوجي بعد ما من هالنوعية الحمدلله:21_11:

أشكركم والله يسخرهم لكم00

أخذ معايا علبة فكس وقت ما اشوف عيونه بدأت تزوغ على طول افتح الفكس وأدهن عيونو :D !!

هههههههه:21_133::21_133:شكرايا قلبه

بصراحه انا كنت مره في المستشفى انتظر دوري للاشعه وكنت تعبانه وتعرفون اذا الواحده تعبانه شلون شكلها حتى مشيتي تضحك
المهم وانا قاعده امي الله يحفظها جنبي الا واحد مع زوجته (حاااااامل) الله يتمم عليها يمرون من قدامنا وانا اشوف زوجته
شوي الا يروح ويرجع عالممر قدامي وبعدين انتبهت انه هو يبي يلفت النظر علما ان يومها شكلي مايأهل ان احد يغازلني
وهذا وانا متنقبه..المهم نشب لي نشبه ورانا الين مارحت البوابه علشان اشوف السواق ومن جد قوي عين...مخلي زوجته واجي ورانا....بس لاني سافطته واسوي نفسي مااشوفه حاول يرقمني ماقدر

بالله عليكم لو زوجته شافته وش بيصير فيها
من جد الرجال مالهم امان...والله ان زوجته قمر وشكلها محترمه بس ماادري وش شاف فيني وعلق ...كان نفسي اروح لزوجته واقول لها بس قلت حرام اسبب مشاكل بينهم ...يمكن هي عرفت طبعه وصارت تخليه بكيفه
افففففففففففففففف من جد للحين قاهرني

انا عاد مااتحمل يعني لو صار هالموقف من زوجي بعيد الشر بيجن جنوني وبتطلع شياطيني

يعني يخز ولا يقعد يلاحق البنات وانا وياه

مااقول الا عسى الله يهديهم ويصلحهم
ويهدي البنات االلي يحاولون يلفتون النظر

الموضوع حلو .... انا كنت وايد اغار وانفعل ....بس الحين الله هداني ... وايد احسن ..
بصراحه اذا صار لي هالموقف ببتسم ابتسامة مكر عشان يعرف اني واعيه ومب مسبهه وبكمل اللي كنت قاعده اقوله او اسويه ولا كأن هامني شي ...وبس ولا بافتح الموضوع مره ثانيه اولا عشان لا احطها ف باله لانها نظره وانتهت وثانيا عشان لاتنقلب طلعتي هوشه وزعل.. وبعد عشان لا يحرم يطلعني معاه ... بس تدرون بيني وبينكم (ماينلامون مساكين ) صج المفروض يغضون البصر بس والله ساعات تشوفين بنات انتي بنفسج ماتقدرين تشلين عينج عنهم واطالعينهم فاشلون الرياييل ..الله يهدي الجميع انشالله

الله يهدي بنات المسلمين00 نورتوا الصفحة بآرائكم00

ويه ويه وافرضي البنت قالت لج زوجج هو الي يطالعني مب انا تتبلى عليه

وافرضي قالت انا اصلا ماكنت اشوفه بس يتهيأ لج روحي عالجي نفسج

وافرضي وافرضي ترى البنات السانهم طويل خصوصا الي بايعينها اذا مع الشباب حدث ولا حرج لي لحقهم كفخوه اشلون من وحده بتمسح فيها الارض لا يمه ينخاف منهم

انا الصراحه لحد الحين ماشفت ريلي يطالع اصلا حتى لو شاف انا مفهيه مادري وين الله قاطني ههههه

تصير مواقف بالمجمعات بنات خالتي يقولون انها صارت لي شخصيا وانا اقول متى ؟؟ يعني تصير واهم حذاي ولا ادري


بس لي شفته مصخها بصيح ماعرف اسوي شي غير اني اصيح جني ياهل ههههههههه

وقتها اصلا ماراح افكر لان بيحترق قلبي بس الحمدلله يارب يدوم هالتفهي فيني نعمه من رب العالمين

انا عن نفسي ما بسوي شي بس بعطيها نظره عسب تستحي شوي واذا ما فهمت بمسك ريلي واقول له حبيبي منو احلى انا ولا هاذي بصوت واضح عسب تسمع وتروح عنه خخخخخخ هذيل ما ينفع وياهم شي شو ما سويتي ما يهمها

مدلعة نفسي :أنت الرابحة بهذه الصفة00 مرتااااحة الله يدوم هالراحة عليك00 ويحطك زوجك فعيونه

كلي زين:والله أنت قوية 00 أعطيني من ذلك ما شاء الله00
شكرا لردك الحلو

مشكوره عالموضوع الحلو :shy:

اذا تزوجت راح اقولكم شبسوي

بصراحه انا بطنش وما بين نهائي يعني بمشيها لانه عادي اي حدا ممكن يطلع لو نظرة اولى ما بسوي مشكله ابدا.

بنت السناعيس مشكوووووورة عمري

تمارا 00 ليتني لا أغار بسرعة مثلك00 مشكورة

صارت لي من يومين بس تدرون اش سويت قعدت اتحرش فالبنت وادززها في المحل ليما اطلعت من المحل اقولكم غربلتهاهههههههههههههههههههههههههه

ذكرتيني اول ايام زواجنا كنت يوم اشوف وحده حلوه وتلفت النظر ...قبل ما يشوفها زوجي اقوله شوف شوف الشغله هاي وهو طبعا يطالع الشي اللي قلتله عليه لين ما هاي البنت تمر او نحن نروح بعيد

بس الحينه تغيرت

ثقتي بنفسي زااااااااااادت وصرت لو شفته شاف وحده عااااااادي مااغار مع اني اموت عليه ... وكله اقوله مب احلى مني او انا اجمل او جسمي احلى ودايما اقوله انه فلانه تخبلت علي وفلانه ما تدري اني متزوجه وخطبتني وما اجذب والله فعلا هالمواقف الكل يتعرضلها...فاقتنع انه حرمته اجمل الحريم وصار ما يشوف غيري حتى لو طالع يشل عينه على طول وما يهتم

مدلعة نفسي

ردج فطسني من الضحك...اسميج دم خفيف