تكفوون يابنات زايد

هلا خويتي
بتنورين الامارات ابلادج الثانيه
اما عن الاعطور الزيتيه انا اشتري دوم من اجمل والرصاصي
اما عن القريه العالميه مش مفتوحه بتنفتح بمهرجان دبي للتسوق
والعفو عيوني

تسلمين عالرد بس ياليت محلات اللي اتبيع زيوووووووووووت الفرنسيه والعربيه غير اجمل والرصاصي لان هم عندنا بالكويت وابي غير هالمحلات وابي محلات اماراتيه اتبيع خمريات وخلطات فرش حلوووووووه غير الحريم اللي بالموقع ومره وحده ابي اسواق حلوه واماكن ترفيه حلوه حق ناس محافظين شويا

شوفي اختي العطور المخلطه احلى الانواع نشتريها من الحريم اللي يصنعونها بس الزيوت العطريه الاساسيه اللي تتكون منها الخلطات تراه تشترينها من اجمل او الرصاصي لانهم الاصليات وتراه فيه حريم يشترون بعض هالزيوت من محلات عاديه تكون ارخص من اجمل والرصاصي بس صدقيني على طول تروح ريحة العطر

يعني اذا بغيتي الزيوت العطريه الاساسيه تراها من اجمل والرصاصي مثل ما قلتي في كل دول الخليج بس اذا بغيتي المخلطات والعطور الاماراتيه تراه الحريم يخلطونها وفيه محلات مثل عندنا في بوظبي اللي دخونهم وخلطاتهم روعه هم ياس و عوض القبيسي وفيه في دبي بعد محلات سمعت عنها بس صراحه ما رحتلها تبيع العطورات الاماراتيه وتكون وايد حلوه وهذيل يكونون اماراتيات اللي يعطونهم مقادير الخلطات ياريت بنات دبي يخبرنج عن محلات العطور العربية اللي يبيعون مخلطات ودخون اماراتي

مادري حاولت اشرح بسرعه ياريت تكون وصلت المعلومه اما عن الاماكن اللي حق العايلات المحافظه والله يا اختي ماادري الحين حتى عندنا في بوظبي ما قمنا نطلع حتى المولات من اللي نشوفه الله يعين

شوفي منتدى سيدات الامارات احس انه فيه اكثر حركه وبيجاوبونج بنات دبي انشالله

مشكوووووووووورين عالرد
بس ابي محل عوض القبيسي وانفاسك دخون وزهور الريف موجودين في دبي او الشارقه ياليت اتساعدوني وابي المدينه المائيه اللي يم برج العرب في يوم للحريم ويوم الشباب ياليت تخبروني
وتسلموووووووووووون عالمرور وعالردود

محل انفاسك دخون في مركز ميركاتو في دبي عوض لقبيسي اظني في بوظبي بس

واظني يوم الحريم الخميس على ماعتقد