عيب خلقي ................. !!!!!!!!!!!!! ارجوكم ابي نصيحتكم

اختي التغيير في خلق الله حراام

تدرين..في وايد ناس احسهم جميلين وجذابين بس ويههم مب حلوو.. ترى والله كله يعتمد على شخصيتج و حركاتج..

في بنات حلوات... بس جمالهم عادي وبارد و مكرر.. انت لو شوي تبنين في شخصيتج وتقوينها و تبعدين موضوع خشمج عن السالفة ..صدقيني بتنسينه.. ومابيلاحظونه الناس

الشي اللي انت تحسينه في نفسج الناس بيحسونه..يعني اذا انت تحسين نفسج جذابة .. لا إراديا راح تبرزين هالشي فيج.. وراح يحسون الناس انج جذابة.. خليج شخصية وثقة,

ترى انا اعرف وايد ناس .. جذابييييييييين و عندهم حضور وكاريزما.. بس شكلهم مب خطير.. لكن حركاتهم وشخصياتهم تبرزهم.. فانا اقول لج احسن لج ابعدي تفكيرج عن انفج و فكري في الشكل الكلي..

ليش ماتفكرين تصيرين جذابة بدال ماتكونين حلوة؟

حاولي تبرزين جمال جسمج او شعرج او اي شي تحسينه مميز موجود فيج ... و اتركي خشمج في حاله..وشوفي كيف بتحسين عمرج حلوة و بتحسين ان خشمج مناسب..

انا اقول لا تسوين العملية.. فيها خسارة بيزات و جهد وتعب و ضد الدين غير عن جذي الناس مابيسكتون.. صدقيني مابيخلونج في حالج...فمابتكونين كسبتي شي من ورا العملية...

وبعدين انت بالعملية يالسة تتهربين من مشكلتج وتحلينها باسهل الطرق وهي عملية التجميل... ليش ماتتحدين نفسج؟ وتصارعينها و تخلين خشمج مثل ماهو.. اذا على كل مشكلة بدال ما تتأقلمين وياها رحتي غيرتيها كليا او استبدلتيها.. راح يكون صعب عليج تتصرفين في امور اكبر راح تواجهج في حياتج.. يعني اذا اليوم غيرتي خشمج..أكيد ثقتج بتزيد؟؟؟ وبتحسين نفسج حلوة؟؟

المهم..فكري في الموضوع و لاتجازفين .. وترى بعده شكلج ماتكوّن.. انت اتريي كم سنه.. يمكن خشمج يعرض شوي ...يمكن خدودج تبرز..ملامحج تحدّ.. يعني انتظري سنتين ثلاث وشوفي كيف شكلج بيصير.. ترى شكلج للحين ماثبت.. انا شكلي الحين 22 وايد غير عن يوم عمري 20 ...

الله يوفقج الشيخة

shama123;4118319:
والله مادري عن سالفة حرام ولا حلال


حاولي تسالين اكثر عند المشايخ وتوضحين لهم حالتج


انا سمعت اذا عيب خلقي ياثر على حياتدج الصحية عادي ترومين تسوين العملية


وفي الاخير الجمال جمال الروح

مشكورة اختي على الرد والنصيحة الطيبة منج ..

اخوي سأل وقالوا له ما دام هالشيء ما يسبب مشاكل صحية للشخص فالعملية تعتبر حرام

وهلي و ربيعاتي وبنات المنتدى ما قصروا وقفوا معي واللحين احس اني بديت انسى شكل خشمي

ومثل ما قلتي الجمال جمال الروح

تسلمي و بارك الله فيج

ام زايد الله يحفظه;4118376:
والله مادري عن سالفة حرام ولا حلال


حاولي تسالين اكثر عند المشايخ وتوضحين لهم حالتج

مشكوره اختي ام زايد الله يحفظه ع ردك الطيب

بارك الله فيك

السلام عليكم ورحمة الله وبركــاته ...

مرحبا اختي ...انا مع كلام اختي ,,, :flower::flower::flower::flower:

بصراحــة احس ان يبي لج ثقه بنفســج زياااااااااااااااااااااااده .... لان لما تكونين واثقه من نفسج .. ما راح تهتمين لكلام الناس
ولا راح تسمعين حد .... واهم شي ان تحبين نفسج مثل ما اهيه ....

هاذي خلقة ربــج .... عـادي حبيبتي شنو يعني خشم طويل والا مب طويل ... !! ..

العملية اي حرام .... تغيير خلق الله ..... وما يصير احد يسوي تجميل الا اذا كان هالشي يضره .. يسبب له مشاكل صحيه يعني ... او شي جي ...

وحالتج ما يصير تقولين عنها عيب خلقي ... لان عادي هو ...

صدقيني كلها اوهام عندج .... واذا بتجوفين الناس والا الاطفال شنو يقولون لج فاهمه يقولون لكل حد .. سواء الخشم طويل .. قصير ... افطس .. متين ... دقيق ... يعني الناس دوم جي ما يعجبهم شي ....

فانا اقول .. بدال ما تاخذين اثم .... وتسوين شي يغضب الله ..... تنسين هالسالفة ... ولا تحطينها اكبر هم لج ...
خشمي خشمي خشمي ... والله في اشياء اهم واااايد ... الجمال جمال الروح يا اختي ....

ولما تجوفين المنظرة .. قولي ... اللهم أحسن خُلُقِي كمـا أحسنت خَلقِي ...

Gulf Girl;4118628:
السلام عليكم ورحمة الله وبركــاته ...

مرحبا اختي ...

بصراحــة احس ان يبي لج ثقه بنفســج زياااااااااااااااااااااااده .... لان لما تكونين واثقه من نفسج .. ما راح تهتمين لكلام الناس
ولا راح تسمعين حد .... واهم شي ان تحبين نفسج مثل ما اهيه ....

هاذي خلقة ربــج .... عـادي حبيبتي شنو يعني خشم طويل والا مب طويل ... !! ..

العملية اي حرام .... تغيير خلق الله ..... وما يصير احد يسوي تجميل الا اذا كان هالشي يضره .. يسبب له مشاكل صحيه يعني ... او شي جي ...

وحالتج ما يصير تقولين عنها عيب خلقي ... لان عادي هو ...

صدقيني كلها اوهام عندج .... واذا بتجوفين الناس والا الاطفال شنو يقولون لج فاهمه يقولون لكل حد .. سواء الخشم طويل .. قصير ... افطس .. متين ... دقيق ... يعني الناس دوم جي ما يعجبهم شي ....

فانا اقول .. بدال ما تاخذين اثم .... وتسوين شي يغضب الله ..... تنسين هالسالفة ... ولا تحطينها اكبر هم لج ...
خشمي خشمي خشمي ... والله في اشياء اهم واااايد ... الجمال جمال الروح يا اختي ....

ولما تجوفين المنظرة .. قولي ... اللهم أحسن خُلُقِي كمـا أحسنت خَلقِي ...

تسلمين اختي انتي وكلامج الطيب هذا ..

كلامج وكلام باقي البنات رد لي ثقتي بنفسي

انا بعد ما شفت صورتي كيف بتكون بعد العملية .. ولما سالت ربيعاتي وهلي قالوا لي ان بعد العملية احلى

هو اللي خلاني مب واثقة من نفسي .. وحسيت انه لازم اسوي العملية .. وبعد كلامهم مستحيل اطلع برا البيت وانا بهالشكل

بس بعد ما اخوي كلمني وقالي كلام الشيخ .. وبعد ما قريت كل كلامكم والله كرهت سالفة العملية

وحسيت اني غلطانة المفروض احمد ربي واشكره ليل ونهار اني بكامل صحتي وعافيتي ..

وان شاء الله بسمع نصيحتج وكل ما شفت نفسي بالمنظرة بقول اللهم احسن خلقي كما احسنت خلقي

الله يبارك فيج يا الغالية .. ويسعدج دنيا واخره ..

almazyo0ona;4118723:
فديتج ترا عمليات التجميل مب مضمونه دايما

انا سمعت ان ما دايما تكونين او تظهرين بعد العمليه طبق اصل الصورة اللي ظهروها حجج قبل العمليه وانتبهي عدل

قولي يا رب اختي اني مثل ما اللحين شلت فكرة العملية من بالي ما ترجع هالفكرة مره ثانية ..

اللحين الحمد لله بعد كلامكم وكلام كل اللي اعرفهم عدلت عن الفكرة .. بس خوفي شيء يهز ثقتي مرة ثانية

وخاصة كلاااااااااااام الناس و نظراتهم .. لانه تجرح .:sad:

والف شكر لج اختي ع نصيحتج ..

بارك الله فيج .. واسعدج دنيا واخره ..

نزهة الزمان;4119301:
مرحبا أختي بالله
انا اريد ان انصحك
لا تعملي العمليه بالعكس لازم مثل ما قالت أختي جولف جيرل ان تفتخري بهذه الصوره التي انت عليها وان تحمدي الله كثير كثيرا وان تصبري وترضي بما قسمه الله لك ...وستجدي الخير حيثما كنت ان شاء الله


أختك نزهة الزمان
(على فكره أختي خشمها مو بس طويل وعريض كمان بس ناسيته وجالها نصيبها وتزوجت وما في أحد ما يحبها لانو روحها حلوه وهذا المطلوب ...اما بالنسبه لها عادي خلقة ربنا وبتفتخر فيه هذا طبعا بعد ما كانت متعقده مثلك منو بس اليووووم عادي حتى من ثقتها بنفسها بعكس على وشها والناس بتشوفها حلوه أحلى وحده في خواتي ...)

الله معك حبيبتي لا تسمحي للشيطان بدفعك لامور دنيويه

مشكورة حياتي ع الكلام الطيب والله لا حرمني من خوات مثلكن يا بنات عروس ..

وكلامج كله بحطه في بالي في اي يوم حسيت ان ثقتي بنفسي بتنهز ..

وانا تأكدت ان ثقة الانسان بنفسه اهم شيء .. لان لو شاف نفسه جميل اكيد باقي الناس بيشوفنه جميل

بس لو يلست اقول خشمي مب حلو و خشمي طويل .. اكيد الناس من كلامي بتلاحظ هالشيء ..

والحمد لله رب العالمين انه خلقني في احسن تقويم

وبارك الله فيج يا اختي واسعدج دنيا واخره ..

والله يبارك في اختك ويديم سعادتها في دنياها واخرتها ..

تسلمين اختي

floral;4119790:
اختي التغيير في خلق الله حراام

وبعدين الاماراتيين يعتبرون البنت او الرجال اللي انفه طويل جماااال

ماادري انتي اماراتيه والا من وين ادعي ان ربج ييسر لج اماراتي بنعجب فيج

وبعدين اختي الانف او اي شئ تسوين له عملية تجميل يبيله عناية ومحافظة

يعني لو سويتي عملية تجميل لانفج ما يصير تنامين عليه او تضغطين عليه او تحركينه

واذا انضربتي عليه مصيبة سالفة والله تعوذي من ابلييس وصدقيني وايد حريم ما فيهم جمال

بس متزوجين ومرتاحين والحمدلله على كل حال

الله يوفقج ويهديج

ايه ادري ان االانف الطويل عندنا يعتبر جمال ويدل ع الاصل .. بس انا مشكلتي العظمة اللي في بداية الانف هي اللي مشوهه انفي

وبعدين اذا ضحكت يصير شكل الانف مقوس .. عشان كيه مصرت احب اضحك :sad:

.. مشكوره ع الدعوة .. بس انا ما ابي اعدل انفي عشان اعرس .. :2_106:.. لان انخطبت كذا مره ..

بس انا ابي اغير شكله عشان افتك من العقدة اللي انا فيها .. كل ما احد شافني حسيت انه يشوف انفي بس

واذا طالعت ويهي بالمنظره ما اشوف الا خشمي .. وكنه ويهي كله بس خشمي ..

بس مثل ما قلت للاخوات قبل .. كلامكم كلكم خلاني اشيل الفكرة من بالي ..

مع اني سالت عن حالتي وقالوا انه يصير تسوي العملية .. لان عندي مشكلة في التنفس .. بالليل

مع هذا خلاص ما ابي لان المشكلة ما توصل لدرجة المرض لا سمح الله .. هي مشكلة ممكن علاجها باشياء طبيعية


وتسلمين الغالية ع الرد والدعوة الطيبة

وبارك الله فيج واسعدج دنيا واخره ..

lovely_amal;4119831:
لا يا اختي لا تعملي العملية وارضي بحال خلقك رب العالمين
والعمليات مودايماتكون نتايج مضمونة بل لها مضاعفات وربما تؤدي بحياتج
امي اخبرتني في وحدة من صديقاتها اخبرتها ان في وحدة من قريباتها كانت تدرس الطب وشاطرة وشطارة
فكرت بتصغير انفها فعملت العملية
من عملت العملية تدروا شو صارلها
دخلت في غيبوبة طويلة
بعدما افاقت من الغيبوبة
صارت معاقة عافانا الله منها
صارت لا تتكلم ولا تتحرك ولا تاكل بيدها ولا تعرف باللي حولها وطبعا الاهل يعتنون بها
اي انها صارت جثة متحركة
عافانا الله منها
وكذلك رايت امراة كانوا حاطينها ببرنامج تليفزيوني
عملت شفط الدهون لاردافها فتشوهت وجهها
بسبب تخدير موضعي من المستشفى
وكان هذا المسشتفى مشهور ومعروف وله سمعة رائعة
لكن للاسف تشوهت وجه المرأة
وقد طلقها زوجها
والله لو انكم سمعتوا قصتها لتدمع العين والقلب
هذا جزاء من يعمل عملية تجميلية وهو باحسن حال لكن والله ما عجبها وقعدت تفكر بالشكل
اختي
العملية التجميلية تجري لمن عانى من تشوه بسبب حادث او حريق او حرب
اما لمجرد تغيير الشكل فلا انصحها نهائيا

:21_88::21_88::21_88:

تسلمين حياتي لوفلي امل ..

نصيتحتج وايد فادتني .. والمواقف اللي ذكرتيها خلتني احمد ربي ع كل حال ..

ما راح انسى لج هالشيء .. واكيد ربي بيجازي كل البنات اللي كان لهم ايد في اني اشيل فكرة العملية من بالي


الله ما رزقني بخوات من امي وابوي .. بس الحمد لله عطاني بنات بمثل طيبتكن يا بنات منتدى عروس ..

وانتن ونعم الخوات ..

مشكووووووووووره يا قلبي

والله يبارك فيج ويسعدج دنيا واخره

الرومانكيه;4119884:
اختى انا شايفه انو مدام انفك مضايقك او انتى حاسه انو بيعيبك

اعملى العمليه بس قبل صلى استخارة لله

وعاوزاكى تشوفى يارة المطربة كيف انفها طويل

وان الانف الطويل ميزة.........كمان يارة عنيها مش واسعه ولا فمها كبير

بعدين الناس عمرهم ماهيحبوا شكلك اذا انتى مش واثقه فيه

حبيبتى انا واثقه انو انتى جميلة بس فى حد هازز ثقتك شوى بنفسك

تعرفين عاد انا يعجبني صوت الفنانة يارا ..

وخلاص الحمد لله شلت فكرة العملية من بالي ..

وكله بفضل ربي وهلي وخواتي في هالمنتدى الطيب ..

واكييييييييد من اليوم وطالع بكون واثقة من نفسي وشكلي ولا بستحي اضحك و يا رب دوم اكون واثقة من نفسي

ايه صح كلامج كان في ناس هازين ثقتي بنفسي .. خصوصا بعض بنات العائلة الله يسامحهن ..


مشكورة حياتي و بارك الله فيج و الله يسعدج دنيا واخررررره

ريماني;4122705:
اناا عندي ربيعتي واااااايد تعاني من خشمهاا وااااااااايد طويل

بس اناا انصحك تسوين العمليه (العمليه مش حرااااااام بس اذا انتي خلقت ربي مش عايبتنج وتبين تغيرينهاا هذي حراااااام بس انتي تقولين انه كان عادي )

صلي الاستخاره وشوي عمرج اذا رتحتي سويهااا

مشكوره اختي ع الرد .. والنصيحة

بس الحمد لله الحين انا اقتنعت بشكلي خشمي ..

وبحاول اسمع نصيحة وحده من البنات اللي قالت لي اسمن شوي .. لاني انا ضعيفة مرررررررره ..

وويهي ضعيف ..

وعسى يا رب ما افكر بالعملية مره ثانية ..

و بارك الله فيج اختي

ميس_الريم;4128582:
حاولي تسمنين


يمكن يتناسق الانف مع خدودك

موفقه

ان شاء الله .. وهذا اللي ناويه اسويه .. لازم اسمن شوي عشان يتناسق الانف مع الخد

هاي من احلى النصائح اللي سمعتها .. واللي فادتني

تسلمين اختي ..

والله يبارك فيك ويسعدك دنيا و اخره ..

دلوعة اخوها;4128911:
اسمعي هذا خلق ربي ارضيفية احسن واشكري اله علي هالنعمة
ترا نااااس عندهم عيوووب خلقية ومتغلبين عليهااااااا باخلااقهم


ولاتدخلين في متااااهااات العمليااات بعدين تندمين

مشكورة يا دلوعة اخوها ع الرد الطيب والنصيحة

تسملين

بارك الله فيج

ماسة دبي;4128948:
السلام عليكم و رحمة الله و بركاته

عزيزتي إتحملي يغرج الدكتور و يقولج بعد العمليه بهالشكل بتكونين

أنا سويت عمليه لخشمي بسبب كسر كنت طايحه والله إنه خرب خشمي مع إنه قالي خشمج بيكون مثل ما هو .. والله إني ندمت و الحمدلله ما سويت عمليه تجميل إلا كان علاج لي لأنه كنت أعاني من صعوبه في التنفس في الليل

و الحين بعد ما إخترب إشوي شكل خشمي أحصل تعليقات و أحيانا تحز في خاطري بس مع الايام ما همني

خلي الثقه بنفسج و لا عليج من حد

وعليكم السلام ورحمة الله وبركاته

فديتج والله .. حسيت انج حاسة بمعاناتي وبنظرات بعض الناس ..

الله ييازيج ويعوضج كل خير ع صبرج

ويا ريت والله نخلص من تعليقات بعض الناس عشان نعيش مرتاحين وبدون محد يجرحنا

والثقة بالنفس هي اهم شيء

مشكوره الغالية ع الرد الطيب والنصيحة الحلوه

والله يسعدج و يوفقج دنيا واخررررررررررررررررررررره ..

بنت أبوها والي خلفوها;4129065:
اختي وش فيك وذا كان خشمك طويل
انا يلي اكتبلك خشمي طويل بس الحمد الله مو غرور بس كثير من النا س يقولولي عني حلوه وان ملامحي نعومه

يا ختي انا قد مريت في نفس مرحتلك كنت اناظر نفسي من جنب وارفع خشمي واسوي استهبالات بس داريه الحين اقول الحمدالله والف الحمد الله اني مو مشوهه واحس بدون مبالغه ان خشمي شئ يميزني مو يفشلني

قولي الحمدالله صدقيني ان عمليات التجميل باب ان انفتح ما انصك لان هذا الشئ نفسي صدقيني ياما بنات مافيهم ذاك الحلا او الشئ الملفت بس ماشاء الله شوفي الثقة بالنفس وحب الذات زي ما هي

فكري بكلامي لو سمحتي لا تستعجلين

يااااااااااااااااريت والله يكون تفكيري نفس تفكيرك .. واقول ان خشمي شيء افتخر فيه وشيء يميزني .. لاني ساعتها برتاح

الحمد لله على كل حال ..

انا ما كنتي ابي اعدل خشمي لاسباب جمالية كثر ما ابي اعدله عشان ارتاح وترد لي ثقتي بنفسي وافتك من هالعقدة

بس مثل ما قلتي باب عمليات التجميل باب ما ينصح لي نفتح .. لاني بعد انفي بقول شفايفي مب عايبتي و خدودي وما ادري بشو بطلع بعد


تسلمين يالغلا ع الرد والنصيحة اللي بحطها في باللي دوووووووووووووووم

والله يكثر من امثالك

وبارك الله فيك

*الناعمة*;4135754:
حبيبتي اذا انتي متقعده من نفسج

سوي العملية لانها مو حرام انتي ما بتعلبين في خلقتج بس انتي متضايقة من هالشي


وانا سالت عن هالسالفة قالوا لي مو حرام

لان انتي متقعده من هالشي


انا عندي تقريبا نفس المشكلة

بس انا شفايفي كبار

بس الحين طلعت الموضة كل من يكبر شفايفه

وانا عندي من ربي

لا الحمد لله اللحين ما ابي اسويها خير شر ..

وبعدين شو دراني اذا بيكون ويهي بعدها متناسق اذا سويت العملية

باكر بتزوج وبحمل وبتتغير ملامح ويهي .. ويمكن ساعتها بيصير شكلي غلط بعد العملية

احسن خلق هو خلق ربي .. وبرضى بهالشيء .. والحمد لله ع كل حال


تسلمين يالغلا ع الرد والله لا يحرمني منكم


الله يوفقج دنيا واخره ..

moneta;4135818:
حبيبتي انا اسمع ان عمليات التجميل حرام الا للضرورة

والضرورة حسب ما اعرف لو لاقدر الله صارلك تشوة نتيجة حادث او حرق لاقدر الله

لكن وضعك مو بتشوه فعلى ما اظن انه حرام تسوين عملية التجميل

بس والله حاسه فيكي وودي اقولك روحي سوي العملية ولا تهتمين المهم ترضين على نفسك

احسن شي روحي أسالي شيخ وقوليله ان ها الموضوع مسويلك عقدة نفسيه هل العقدة سبب كافي اني اسوي العمليه لانها تعتبر كعلاج او لا

وان شاء تتوفقين

هلا اختي .. تسلمين والله .. ردج يفرح وايد

انا اخوي سال وقالوا له ان دام في هالشيء ضيق صحي فيصير يسوي العملية ..

وبعد هو قال بيسال اكثر من شيخ ..

بس انا اللحين الحمد لله اقتنعت وردت لي ثقتي بنفسي .. وان شاء الله اذا سمنت شوي وصارت لي خدود بتروح المشكلة


مشكوووووووووره حياتي

والله يبارك فيج ويسعدج دنيا واخره

حسافهm;4136632:
الجميله الي خشمها طويل :21_235: لاتسوين عمليه ولاشي والله معطج شي حلوو تغيرينه ؟ صدقيني خلق الله مستحيل يكون مثل الي بيسوونه في العمليه .. وارضي بالي الله خالقه لج هذي نعمه قولي الحمدلله في ناس ماينشاافون وبعد راضيين ولا سوو شي ومبسوطين في حياتهم .. انتي ظامنه انج بتعيشين بعد العمليه ؟ تعوذي من ابليس واطلعي وفرفشي وقولي الحمدلله الخشم الطويل حلو .. تعودي عليه ..

وتذكري ان في حياة ثاانيه الدنيا شي زائل في الآخره انشالله تكونين احلى واحلى .. واصبري .. من ترك شيء لله عوضه خير منه

اعوذ بالله من الشيطان الرجيم


تسلمي اختي حسافه ع الرد والنصيحة اللي مره دخلت قلبي ..

الحمد لله ع كل حال .. وانا مو ضامنه اني بعيش بعد دقيقة عشان عاد اضمن اني بعيش بعد العملية

ومثل ما قلتي هالحياة زائلة

بس شنسوي كلام الناس مرات يعور القلب ..


تدرين لو عندي اخت مثلج كان ما فكرت بالعملية خير شر ..

بس للاسف ما عندي خوات ..

الله يبارك فيج يا اختي الغالية .. وسلامي لكل اهل قطر ..

joulia;4136672:
اختي التغيير في خلق الله حراام

مشكوره اختي .. تسلمين