×.. هل هذا هوالتديّن ؟ ..×

ناديـن 28-07-2007 40 رد 2,835 مشاهدة
ن
×.. السلام عليكم ..×

من فترة سمعت عن هالقصه هي صارت لــ وحده نعرفها بس بصراحه استغربت كيف الوحده هي تخرب بيتها و بيت زوجها و تدّعي التديّن ؟!!!

بقولكم القصه من الأول :

كان يا ما كان في قديم الزمان << مادري كيف أبدا عشان جيه كتبت هالجمله :21_207:

ريّال ( رجل ) يدوّر على حرمه تكون ملتزمه و يتزوجها و يعف نفسه و يعفها ...

و عقب ما دوّروا اهله لقوا هالبنت اللي هي ( بنت عمه ) و ما شاء الله عليها جمال و اللي سمعوه و عرفوه طول حياتهم عنها انها ( ملتزمه و محجبه و راعية بيت ) ...

و تم الزواج .. و عقب الزواج انصدم الريّال ( الرجل ) !!:qaq:

ليش يا ترى ؟؟؟


لانه !!!


حرمته ما تتزين له !!!

و تعرفون شو تلبس له ؟؟؟

تلبس له كنادير ( ثوب طويل ) و لونه ساده ( مثل ألوان مراييل المدارس )!! يعني كحلي أو اسود او رمادي و اذا حبت تغير لبست أبيض !!!!!!!!! :21_176:

و اتصدقون انها حتى حنا ما تتحنى!!!!!!!

تقول حرام و هذا زينه و يلفت النظر لليدين !!! مع انها حتى يوم تطلع تلبس قفازات !!

في البيت ما اتدخن ( اتبخر ) البيت و لا تتعطر لزوجها !!!!!!!! و التلفزيون نادراً جداً جداً ما تشوفه !!! لانه حراااااام !!!! معقول !!؟؟؟:qaq:

و بما انها جيه فــ شي اكيد انها ما تتزين و لا تتمكيج لــ ريلها ( زوجها ) ...

طبعاً ريلها مل و صارحها و كم مره رمسها ( كلمها ) بس ... لا حياة لمن تنادي !!

مسكين الريّال عقب ما باءت محاولاته بالفشل سار يكلم امها عنها !!!!!

و امها كلمتها و ردت على امها ( لا حرام ) !!!!!!!<< شو الحرام؟؟ هذا ريلج و حلالج ؟؟؟ و هذا حقه الشرعي انج تتزينين له و تتعدليله و تتكشخين له!!

مع كل هذا يا حرام زوجها صبر عليها 20 سنه اتخيلوا!!!!!!!!!!!!!!!!!!!:21_180:

عقب خلاص ما قدر يتحمل طلقها و اتزوج وحده ثانيه!!!!!!!

و الله ريلها ( زوجها ) اكبر منها بــ 12 سنه بس كان يبين اصغر عنها بــ 20 سنه !!

لانها هي ما تتزين و لا تتعدل و لا تتجمل حتى في يلسات ( قعدات ) الحريم!!!!!!!:eek2:

هل هذا هو التديّن ؟؟؟؟

رأيي الشخصي:

الدين يسر مب عسر ...و دام إنها اتزوجت لازم تتزين و تتعدل و تتكشخ لــ زوجها و تلبسله أحلى الثياب و تتعطر له ...

و التديّن هو اللي يبني البيوت و يعمرها مب التديّن هو اللي يهدم البيوت و يخربها !!!

و الحين هي بصراحه شو استفادت ؟؟ غير انها خربت بيتها و طلقها ريلها و شتت عيالها !!!؟؟

و بعدين الله عطاها هالــ زوج اللي صبر عليها 20 سنه !! هيه نعم 20 سنه !! << و دايماً ينصحها و يكلمها و يصارحها!! و هي يا ترفض يا تقول حرام !!!

و بعدين مسكين الزوج صراحه ما ينلام أكيد يبى الزوجة اللي تتزين و تتعطر و تتلبس و تتكشخ و تعطيه حقه الشرعي و عالأقل تسويله حساب انه في البيت !!

و بـــــــــس !


يا ريت أسمع آراءكم ...

تحيتي لكم :

ناديـن
ع
ليس هذا من الدين
وهذي عندها مفهوم خاطيء عن الدين لأن الإسلام حث على التزين والتجمل للناس فكيف بالزوج
وحث أن تكون المرأة عروب أي تتحبب وتتودد لزوجها
وحث على أشياء كثيرة يبي لها صفحات لكتابتها 00 ااااااااا وشكرا
ظ
ياربي معقوله فيه ناس جي انزين هاذا ريلها كيف حتى المتديناااااااات يتعدلن وهم اكثر نااااس يتعدلن لازواجهن لنه هاي طاعه وتأجر لي ترضي زوجها بس الله يهديهن بعض الحريم عندهم جهل في هالامور منوه مايحب يتعدل بالله قوليلي ((ان الله جميل يحب الجماااااااال))بصراحه انا مابخلي شي يوم بعرس >>>>>مقلوووووووووووعه صدق عاد.... لا بس بتعدل كل يووووم لين اغدي عيوز والحنى مابشله من ايدي حتى لو اتحنى كامل خخخخخخخخ ((غموس)) حلوه هاه بيتخبل على الريل وبيتم عشرين سنه وعشرطعش سنه لين ((الله يرحمني برحمته))
سوري فديتج وااايد اروح بعيد عن الرد مادري شفيني هالايام واايد اتفلفس خخخخخ


يابنات قصدي ياحريم هالله هالله في ازواجكم تعدلو كل يوم حتى لو تعب كل شي تسوونه لجل راحته تاخذون اجر مستحيييييييييييييل الله يضيع حقكم صدقونيه

خلاص فديتج تعبت تسلمين غناتي
خ
هذامب تدي... هذا تشدد زائد على اللزوم....
الدين يأمرالمرأةبالتدين والتطيب والتزين لزوجها... لانه حلالها.. ومن حق يشوووف هالامورفيها عشان ماي
m
(صحيح الشي اذا زاد عن حده انقلب ضده
ن
اكيد مو تدين

لان في آية بقول معناها لاني مو حافظة الاية

تقول

ان المرة لازم تتزين لبعولتهن

وهذا من الدين لو متدينة صج

اكيد معقدة هذي

شكرا على القصة
ل
رأيي من رأي البنات

ما قصرو


دمتي بخير و مشكورة على الطرح الرائع
ن
×.. السلام عليكم ..×

مشكورات و ما قصرتن ...

و ننتظر بقية العضوات ^_^ ...

ناديـن
ن
وين باقي الأخوات ؟؟
ن
ما شاء الله 20 سنة صااااااابر عليهاااااا
ا
انا مع رايي من راي الاخوات وماشالله عليهم وفو وكفوا...

الواحد لما يطلب متدينه يقصد ملتزمه بالحجاب الاسلامي وتحفظ رجلها في حضوره وغيابه وتحافظ عالصلاه

وفي ناس يفهمون ان الواحد لما يطلب متدينه يعني ماتلبس ولاتكشخ ولاتتزين وهذا الشي يخلي الازواج يلجؤون الي الطرق المحرمه.....

أشكرك يانادين..
ا
الرجال اذا ماعفته زوجته بالحلال ياويلهابيدور برات البيت
ب
انا معك بكل كلمة قلتيها

هذا لا يمت للتدين بصلة.. هذولي الناس هم اللي ينفرون من الدين

انا لو مو متدينة و شفتها كذا بكره التدين اذا بيحرمني من كل شي زي ما هي سوت

الله يهديها و هذا اجتهاد شخصي منها و هي للاسف عقلها متحجر
ر
[GLOW="FF6699"]والله ماعندها سالفه
شكلها مجبوره عليه عشان جذي تقول له كل شي عيب وحرام
دام البنت متدينه اكيد قرت القران وعارفه الاحاديث ان المرأة ملزومه انها ترضي زوجها باي طريقه بس هذي مادري ايش سالفتها[/GLOW]
ع
صح الكلام انا ما اتوقع انه الموضوع موضوع تدين ...

لأنه 20 سنة تظل على نفس الحال مستحيل ... وغير جي لازم تكون تعرف انه الزينه لاتظهر اللا للزوج ..

احس انه وراها شي ... والله اعلم ..

لو الحرمة ما تزينت عند زوجها متى بتتزين ؟؟؟

شي غريب والله ..
ق
ياربي معقوله فيه ناس جي انزين هاذا ريلها كيف حتى المتديناااااااات يتعدلن وهم اكثر نااااس يتعدلن لازواجهن لنه هاي طاعه وتأجر لي ترضي زوجها بس الله يهديهن بعض الحريم عندهم جهل في هالامور منوه مايحب يتعدل بالله قوليلي ((ان الله جميل يحب الجماااااااال))بصراحه انا مابخلي شي يوم بعرس >>>>>
-
الغلط منه هو
ليش صبر ؟!؟!؟
ن
نسأل الله العفو و العافيه
d
[GLOW="FFCCCC"]أكيد الان إاتعلمت درس اود ان تعلمه لبناتها [/GLOW]
&
ستغفر الله هذي مو صاااحيه معقده

كل شي عندها حرام العطر والكحل والحناء
شلون صبر عليها 20 سنه الله لايبلانا
والله انا اذا ماحطيت كحل يوميا احس نفسي مريضه خخخخخخخخخخ



مشكوره نادين
X