الامهات بليييييييييز ساعدوني انا فورطة مع ولدي

بنااات ليش محد رد علي بليييييييييييييييييييييييز محتاجة والله لنصايحكم بلييييييييييييييييييييييييييييييييييييييييز ساعدونيييييييييييييييييييييي

حبيبتي اخاف الولد يكون شايف شي و يقلد في وحده نعرفها ولدها كان يسوي نفس الحركات بعدين اكتشفت انها لمن كانت تخليه مع الشغاله و تطلع كانت الشغاله تدخل رياييل البيت و تسوي شغلها معاهم و الولد يطالع


انتبهي

مادري والله صح انا اخليه ويا الشغاله واايد بس ممممممممممممم ماعرف انا ماطلع من البيت اكون دوم وياه بس لما ينش الصبح اخليه معاها وانا اروح اكمل نومي مممممممم بس شغالتي مسكينه وخوافه انا قلت يمكن هي كانت تلعب معاه ولا تسوي حركات استغفر الله مابا ابتلي على الحرمه والله محتاره ماعرف ماعرف
انا اقول بسببي انا يوم كنت العبه اتعود الولد وبروحه اكتشف هالشي وعيبت السالفه
محتاره شنو اسوي معاه والله

بسم الله الرحمن الرحيم
أختى هدئى من روعك الطفل لايميز الخطأ من الصواب
هو فقط يقلد وهو فيديو يسجل ويخزن مايراه ويسمعه وإن لم يكن يتكلم
لابد أن رأى أحد فعل هذا أمامه راجعى نفسك وراقبى فربما تفعلى انتى أو أبوه أو أحد الاهل اشياء لاتبالون بها لكن الطفل يهتم بكل ماتفعلونه وان كان صغيرا
عاقبيه بأن تنظرى اليه نظرة قاسية إذا فعل ذلك وتزجريه ولاتكلميه بعدها لفترة
حتى لاينهدم كل شئ فعلتيه
وعليكى بالدعاء كثيرا أن يجعله الله عز وجل ذرية صالحة
وعليكى بالقرآة فى كتب تربية الأطفال هناك كتاب لابن القيم رحمه الله
وإن شاء الله ربما ابحث لك عن كتب لتربية الأطفال
لأنه إذا كان عندك مشروع فإنك تقرأين كثيرا فى هذا المشروع
وإبنك ياأختى هو مشروع العمر فاحرصى أن يكون سبب فى دخولك الجنة بإذن الله عز وجل

اختي الله يساعدك ان شاء الله
بنت خالتي لم كان عمرها 5 سنوات ديما تسوي نفس هالحركة بالضبط
على المخدة او المسند
وقامت امها تنازعها وتصرخ عليها وحطب بالها عليها
كل ماتسويها تصرخ عليها
فخلي بالك عليه
وخصوصا انه صغير يعني بسرعة ينسى

تحياتي: العــــاشقة

اختي هدئي من روعج.. الولد للحين عليه حفاضة مو؟ يعني سالفة الحركة عجبته مو معقولة لأن الحفاض مانع انه يحس باي شيء او اثارة اذا صح نقولها اصلا..

كل مافي الامر انه يتذكر لعبتج معاه ويبي احد يسويله مرة 2..

ولا تعصبين عليه مسكين .. كسر بخاطري

um a7mad;4089931:
مادري والله صح انا اخليه ويا الشغاله واايد بس ممممممممممممم ماعرف انا ماطلع من البيت اكون دوم وياه بس لما ينش الصبح اخليه معاها وانا اروح اكمل نومي مممممممم بس شغالتي مسكينه وخوافه انا قلت يمكن هي كانت تلعب معاه ولا تسوي حركات استغفر الله مابا ابتلي على الحرمه والله محتاره ماعرف ماعرف
انا اقول بسببي انا يوم كنت العبه اتعود الولد وبروحه اكتشف هالشي وعيبت السالفه
محتاره شنو اسوي معاه والله

من أين لك بكل تلك الثقة فيها ؟!


عاشوا شغالات مع ناس سنين وفي الخير اكتشفوا إنهم رجال ...


أو أو أو


هذا ابنك وليس ابن الشغالة


كيف تنامي وتشعري بالراحة والاطمئنان وهو مها


وهذه هي النتيجة ؟!!!

انا بعطيج بعض النصائح
اولا خلي بالج من ولدج ولا اتحرجين عليه
بالعكس بهذا الاسلوب انتي فتحتيه على الموضوع خليتي يعرف انه غلط وطبعا الاطفال يوم يزعلون يسون الغلط
شوفي حبيبتي لا انتي ولا ابوه تعاملونه بقسوه
ثانيا: يوم بيسوي جيه قوليلي بخوف .. حبيبي بعدين بيستويلك اووف .ويوم بتقرب من ريلج لا تمنعنيه بالعكس ابتكري لعبه جديده ما فيها خطوووره وبينسا الاولى...
واذا شفتيه يلمس المكان ... قوليلي اخخ وشلي ايده وقولي ايدك بتتوسخ ..
وآخر نصيحه الخدامه ..لا اتخلين ولدج مع الخدامه الا امام عيونج..

حبيبتي الياهل ترا اتيه الشهوه يمكن سوا الحركه مرة بالصدفه وحس بشعور غريب وعجبه فيعيد ويسويها ..

ولا يمكن فيه احمرار ..

هو الاحسن تستشيرين دكتور اطفال يفحصه .. واذا ما كان فيه شي ..

حاولي تنسينه .. مب بالعصراخ والضرب لانه ممكن ما يسوي جامكم يسوي يوم يكون بروحه ولا ينخش ويسوي هالشي ..

حاولي تفهمينه بلاول وبعدين تذكرينه كل ما حاول يسوي تشغلينه بلعبه ولا باغنيه

اختي انصحج تبتعدين عن اسلوب الضرب لانه هذا ياهل وما يعرف شي فالدنيا ما يعرف الصح من الغلط لازم انتي تفهمينه ..

خليج حنونه معاه بتتعبين اليما يفهم بياخذ وقت شهر شهرين 3 استحملي

السلام عليكم اختي

اول شي المفروض ما اتحرجين عليه لأنه بيعاند وبيتم ايسوي الحركه... فهميه انه اللي يسويه غلط بس اشوي اشوي لأنه بعده اصغير...



يمكن شايف حد امسوي جدامه شي انتي ما اتعرفين...

وانا ما احب سالفة الخدم حبيبتي حطي في بالج لو شو ماكانت الخدامه زينه لا اتخلين ولدج وياها الا اذا انتي كنتي يالسه ...

السموحة الخوات افادوج اكثر ....

ماعندي كلام أختى أكثرمن كلام البنات..

أولا.. مهما كنت واثقة من الشغالة إنتبهي لأن إحتمال صدر منها شي او تسوي له هالحركة وهو عجبته،، كثير من الناس تثق بالخدم وفي النهاية أين هذه الثقة... قصص يعجز عنها اللسان... إبنك أمانة في عنقك...

ثانيا.. على كلام الأخت جمانة الحفاظة تمنع أي شعور بالشهوة او غيره،، أنا ولدي لما صار عمره تسع شهور وكنت أهليه بالبانيو وأعمل له الماء مع الفقاعات كان يمسك بعضوه ويضحك وأنا كنت أصرخ وهو يعاند ويكرر الحركة، بس لما تركته وكنت أشغله بشي ثاني وهو يستحم نسى الحركة بعدها بفترة...

اختي حتى لو كنتي تثقين ثقة عمياء بالشغاله اشلون قلبج يطاوعج تخلينه عندها و تنامين والله ما تدرين شنو تسوي فيه و انتي نايمه انا ما اتبلى على بنت الناس بس الواحد ما يغفل كلش ديري بالج

لا تخافين و لا تحاتين ...اليهال يتصرفون تصرفات من غير مباله بس نحن الكبار نفسرها باشياء غلط..مثل يوم الياهل يسال انا من وين يبتيني ...هو ما ياسل عن المكان و الطريقه بالضبط نحن الي نخاف و نرتبك لان نعرف الحقيقه ... و لكن الطفل تكفيه كلمه وحده من بطني و يفرح فيها هذا مب يعني انه يعرف شي و لا شاف شي

الارجح انه يبي تمرجحينه ....بنتي كنت العبها نفس اللعبه بس كن اخليها يالسه على القدم ريولي يعني و ارفعها ...استوت لها فتره من ما تشوف حد ماد ريوله تروح و تيلس على ريولهم و كانوا الناس ما يعرفون بلاها ....حتى امي قالت لي بلاها بنتج كل ما تشوفني اصلي ((امي تصلي و هي جالسه على كرسي )) اتي و تيلس على ريولي ....قلت لها تبيج تميرحينها

ثاني شي اذا يلبس حفاظ يمكن اتيه حكه او المكان ملتهب عليه

و ثالث شي ...اذا صار عمره سنتين لازم ينام بغرفه بروحه شرعا لا يجوز للطفل انه ينام بغرفتكم ...و بعد ابدا لا تصارخين عليه بيعاند ... و لا تقولين حق حد عن الي في بالج بيسون لج مصيبه عوده و كلهم بيعيدون و بيزيدون فيها و بيلسون يسالونه و بيخلون الياهل ينتبه و يفكر و يدور و يبي يعرف ليش الكل محتج على حركته

كل الي تقولينه له ماما حبيبي ايلس عدل طفرت خالي و لا عمي و لا بابا و خالوا اي حد يالس يلعب على ريوله ...او ماما حبيبي المخده مب مالت لعب رجعها مكانها و ايلس عدل لا تتعور .....و مرات طنشيه و لا تعبرينه لان يمكن يسوي جذي يلفت انتباهج او يبيج تتضاربين وياه ..المهم ما تبينين له ان الحركه مب عايبتنج الهيه بشي ثاني و لا تضربيييييييييييينه بيعااااااااااااااااااااااااااند.... كلها يومين بالكثير بينسى الموضوع ان شاء الله

و مافي داعي تخوفين عمرج و تكبرين الموضوع

تحياتي

والله فديتكم ماقصرتو كفيتو ووفيتو الله يجزاكم الف خير ويكتبه في ميزان حسناتكم
بحاول انشالله قد ماقدر اني اخلي جدام عيني واعتني فيه اكثر و احاول انشالله اني املك اعصابي والله يوفققني يارب