داخله على الله ثم عليكم .."الشفة الارنبية"

ا

البنفسج*

عروس نشيطة

26-07-2007 | 12:06 PM

السلام عليكم ورحمةالله وبركاته

بنات داخله على الله ثم عليكم
واللي عندها شي يفيدني ياليت ما تبخل به علي

أنا طفلي فيه الشفة الأرنبية من الطرفين وشق في سقف الحلق (اللهاة)
فياليت اي وحده مرت عليها هالحالة أو حد من قرايبها
تقولي وين سووا عمليات التجميل لعيالهم؟؟
ومن أحسن دكتور؟؟
او تقترح علي أحسن عيادات التجميل؟؟
وما يهم في اي مكان

ساعدوني تكفون
والله لا يوريكم اي مكروه ان شاء الله
ويبعد عنكم كل شر

أختكم
البنفسج

m

mokaneh_al5ali

عروس رائعة

26-07-2007 | 03:14 PM

حبيبتي الله يعينج
وماعليه شر ولدج ...

بس والله ماعرف.. ماقد مرت علينه هالحاله

ان شاء الله البنات مابيقصرن معااااج..

ا

البنفسج*

عروس نشيطة

30-07-2007 | 05:39 AM

جزاج الله خير حبيبتي على الرد
والله لا يوريج مكروه بعزيز

بناااااااااااااات حرام عليكم
37 زيارة ولا حد عطاني جواب
على الاقل ادعوا لولدي
الله يسامحكم
مب هذا العشم فيكم يابنات عروس

a

alina

نائبة المشرفة العامة

30-07-2007 | 07:13 PM

السلام عليكم ورحمة الله وبركاته
أختي الغالية سلامة طفلك ألف سلامة
أسأل الله العظيم بأسمائه الحسنى ان يحفظه ويشفيه ويعافيه ويبارك لك فيه
اللهم آمين
عملت بحث ووجدت هذه المواقع إن شاء الله تفيدك

عمليات جراحية .. لاعادة البسمة الى شفاه الاطفال

مستشفى الأطفال بمدينة الملك فهد الطبية يقدم أفضل الخدمات بمعايير عالمية

المؤتمر التاسع لجمعية جراحي الحروق والتجميل في الوطن العربي

أعمال أكبر مؤتمر لجراحات التجميل تبدأ في البحرين اليوم

http://go.3roos.com/0aIolaCKo5i

جمعية عملية الابتسامة ترسم البسمة على وجوه الأطفال

http://go.3roos.com/l3hOxMhXCjx

http://go.3roos.com/KQbmSmTMNxo

الله يحفظك ويبارك فيك

ا

البنفسج*

عروس نشيطة

30-07-2007 | 10:10 PM

جزاج الله خير أختي
وما قصرتي على المواقع

و

ورود2

عروس جديدة

05-08-2007 | 07:16 PM

السلام اختي...

الله يشفيلك ولدك...

اسمعيني..

انا عندي ولد اختي نفس حالة ولدك تمامآ الشفه الارنبيه مع الطرفين

وشق بالحلق (( اللهاه))

وعطونا تحويل لمستشفى التخصصي بالرياض بس لسى ماجاء موعده...

وعندي ولد خالي جاه موعده بنفس المستشفى وسووله العمليه وسبحان الله ماتقولين فيه شي..

بس انتبهي العمليه دائمآ يسوونها في الشهر السادس لان اول المواعيد يكشفون على الطفل وبعدين يعطونك

موعد ثاني للعمليه..

وبالنسبه للرضاعه ولد اختي كنا نعطيه الرضاعه المخصصه لهم بس بدت لثته تلتهب وبعدين

جتنا حرمه من معارفنا عندها ولد بنفس الحاله عملوله العمليه وتشافى الحمدلله بس باقي التقويم حق الاسنان..

المهم قالت لنا نعطيه الرضاعه العاديه كيف

انا اقولك..

تحطينه على رجولك وترفعين راسه شوي براحة يدك علشان يرضع طبيعي

لان لو نزلتي راسه راح يشرق ويطلع مع خشمه...

اتمنى انك فهمتيني...

واي استفسار تبينه انا جاهزه لك ان شاءالله...

b

business_girl

عروس ذهبية

05-08-2007 | 09:03 PM

الله يشافي بنتج يارب

انا بنت خالي كان فيها .. وسولها عملية عند دكتور ايراني في دبي .. وماشاءالله عليها الحين بخير وصحة
وعايشه حياتها طبيعيه

اذا بغيتي العنوان راسليني عالخاص

وماتشوف شر بنتج ان شاءالله