بنـات بليـز أنصحوني

حبيبتي ،،

موضوع الزواج (( مصيري ))

يعني لا تخلين العواطف تتحكم فيج ،، وبعدين تندمين .. ولا تتزوجين شخص انتي مو مقتنعه اقتناع تام فيه ..

وبعدين لو اقنعتي نفسج به ترى امبين ياهل وما يتحمل مسؤولية يعني حرام يظيع عمرج مع واحد صايع ..
ترى المره تحب تحس برجولة زوجها وقوة شخصيته عليها ..


والله يسوي اللي فيه الصلاح

مشكـوره حياتي


وبصراحه انا حاسه انه مو مال مسويليه

ومو مقتنعه فيه بس حبيت استشيركم


جزاج الله خير يالغاليه

حبيبتي

مومشكلة فهمي اخته او وحدة من خالاتك تبين له انك ماتبينه بطريقة مؤدبة وماينجرح فيها

او تقوله انك ماتفكرين بهالموضوع بهالفترة لأنك صغيرة

وهو بعد اشوووفه مررررة صغير على سالفة زواج وبيت وعيال وصرفيات


الله ييسر لك اختي بالزوج الصالح الناصح

اختك

عائدااااااات

حبيبتي

مومشكلة فهمي اخته او وحدة من خالاتك تبين له انك ماتبينه بطريقة مؤدبة وماينجرح فيها

او تقوله انك ماتفكرين بهالموضوع بهالفترة لأنك صغيرة

وهو بعد اشوووفه مررررة صغير على سالفة زواج وبيت وعيال وصرفيات


الله ييسر لك اختي بالزوج الصالح الناصح..
ماراح ازيد على كلام اختي العائدات. كلام سليم....

اختك
لحن الا اشواق ...

اللـه يسعدكم ويسلملي مروركـم


،،


واكثروا لي الدعاء بارك الله فيكـم ..

مواصفات خطيبك نفس مواصفات خطيبي الأول وبرضه من قرايبي

طلع من الصف الأول ثانوي ... على باله بيشتغل ... واشتغل فتره وطلع .. همه سيارته والأشرطه المغربيه والدجه
خطبني وكان متيم فيني مع اني والله ماكنت اعطيه وجه ابد بس من الله حبني وخطبني
ووافقت عليه بس لما تكلمت معاه حسيت انه مرررررررررررره مو مناسبني

كان يبي يشتغل شغله مثل شغله قريبك يدام 3 أيام والباقي راحه ولا أقل بعد ..
والله من قال لي هالشغله قلت والله هذا مرررررررررررررررررررررره مو راعي مسؤليه
وتكلمت معاه بكل هدوء وقلت له صراحه انا وانت ماننفع لبعض خلاص انا ابي انهي الموضوع
ودخل امه واخته بالموضوع وأبوه بس انا خلااااااااااااص قفلت الموضوع

وبعد فتره والله توصلني اخبار مررررررررره مو حلوه عنه
تدرين ليه

لأنه مو راعي مسؤوليه
شوفي حبيبتي
الشخص الليما يكمل دراسته ويجلس بالبيت ويدور شغله برضه يرتاح فيها ......... إعرفي انه مو راعي مسؤليه ابد وبيتم عمره كله كذا

اما اللي ترك دراسته لظروف واشتغل وتعب فعلا واسس نفسه ولا حتى ملتزم ومحترم وظيفته وشايل نفسه وأهله هذا اللي ممكن تقولين انه راعي مسؤليه

انتي ماتشوفين وش كثر اللي يعانون من عدم تحمل رجالهم لمسؤليتهم اللي الله وكلهم فيها
فما بالك بهذا اللي مو قادر حتى يشيل نفسه

فكري بعقل ... بكره عمرك يروح ولو أخذتيه بتندبين حظك عليه وبتتمنين هالناس اللي جوك وماعليهم كلام وتقولين ساعتها ياليت اللي جرى ماكان

فكري بعقلك واللي يعجبك وافقي عليه لو توفقين وأنتي تبكين بكره تقولي الحمد لله
ولين سألتك بنت خالك ليه ............ تعذري الأعذا كثيييييييييييره

عزيزتي اولا اهنيج على كبر عقلج ماشاء الله رغم سنك الصغير جداا

وعدم تسرعك بالموافقه وترويك ووضعك للسلبيات الموجوده اصلا وفهمك لها لهو دليل على حكمتك

بصراحه انت تقريبا متخذه القرار وانا اعتقد بانه الصحيح لانكي كشفتي لنفسك سلبياته وايجابياته واتضح لكي سلبيات كثيره لن تكون اساس صحيح لبناء علاقة زواج ,,,والزواج مسؤوليه

انا برأيي لاتنحرجي فهذا قرار مصيري وهذه حياتك الخاصه ولاتقبلي لاجل خاطر غيرك لانك لن تعيشي بحياة مستقره ان فعلتي ذلك
والامر يزعل الحين ولا انه يزعل بعدين ...وماتنجبر نفس على نفس....خلك صريحه بردك ولكن غير جارحه تقدرين تتعذرين بانه بسبب السن مثلا او لانك تعتبريه كاخ لكي ولاتتخيليه زوج لكي بهذه الطريقه لن تزعلي احد الاطراف
بالتوفيق

حبيبتي كلامك صح مايصلحلك ولا ينفعك

وبعدين الزواج مافيه ماودك تكسري خاطره مع احترامي بالطقاق يحبك او لا انتي ايش تبغي وبايش مقتنعه دا المهم لو مانتي مقتنعه فيه فهمي بنت خالك انك ماتبغيه وتعتبريه متل اخوكي مو اكتر وممكن عشان لاتجرحين احد ماتعبري عن اسبابك بس انك تعتبريه حسبة اخوكي وماتفكرين فيه كزوج لكن لاتتعسي نفسك عشان لاتكسري خاطر احد

والله يرزقك بولد الحلال الي يستاهلك

الله يخليكم لي يـآرب


ومثل ماقلتي غاليتي * عيني تحبـك *


أنا متاخذه القرار ومقتنعه مو مال زواج


بس بغيت من يشجعني بخطوه حاسمه ونهائيه ..


والله يوفقكم ويرزوقكم يـآرب