مضايقة من صديقاتي واااااااااااايد ،، ريحوا قلبي يابنات

عزيزتي خلج قوية دام لابسة الحجاب عن قناعة فما عليج من غيرج..

والمفروض كنتي تقولين لهم بما أني مسلمة المفروض علي الحجاب وبأن لج الفخر بأنج متحجبة.

اختي ...



دام ان خطيبك ماشالله فاهم الدين و يخاف الله ..

ماعليك من الناس ..

دام يحاربون الخير و يتهكمون منه ..

أهم ماعليك رضا الله ثم رضا زوجك عليك ..

و اذا على صديقاتك ..

أظن مب صعبه عليك تلاقين آلااااف غيرهم ممن يخافون الله ..



والله ييسر لك


اختك


حزيييييينه

[GRADE="00008B FF6347 008000 4B0082"]فرفورة ترى مو كل من صادقناه يكون نعم الصاحب

وإحنا في زمن العجايب، الموازين مقلوبه والحال غير الحال

وأنتي ما شاء الله عليج عندج عقل، والعقل مثل الميزان يوزن الأشياء والكفة اللي ترجح تعملين بها.

حطي دينج وزوجك في كفة والكفة الثانية صاحباتك مين راح تختارين يا فرفورة
أكيد الدين لأنه مو لعبه عشان نشتريه ونبيعه ولا من السهل إن نرجعه لي ضاع، وزوجك بعد هو عزوتك وتاج راسك واللي يعجبه سويه، أما الصديقات وأنا ما أعتبر اللي تجرني للقاع صديقه بل هذي عدوه وحذار منهم دام هذي أولها، لأن اللي هم يسوونه قاعدين يحرضونك إنك تقوين شخصيتك على زوجك ، وهذا شي مو مقبول أبدا الوحدة منا تبي الريال اللي يسترها ويظللها بحنانه وعطفه ويخاف عليها ويراعيها ويخاف عليها من عيون الناس.

والله يوفقك يا فرفورة ويزيد إلتزامك

ي[/GRADE]

والله لا تفتكرين في احد ماعليج الا من ربج ومن خطيبج
وصديقاتج خففي طلعاتج معاهم واذا تقدرين بعد قطعي علاقتج معاهم شوي شوي

مشكوووووووووووووووريييييييييييييييييين واااااااااااااااااااااااااااااااااااااااااااايد
ريحتوني من قلب

البنات ماقصروا انا معاهم في اللي قالوه

راعية الفراري;4075576:
فديتج انا الشوق يالغاليه
مشكورة على ردج الحلو والمريح ،،
ولا ازيدج من الشعر بيت ،،
ربعي هذلين كلهم متزوجات ،، وريالهم عادي مايقولون لهم شي على اللي يسونة يعني شعرهم طالع والحاله حاله وكل شي عادي عندهم ،،
فيمكن مثل ماتقولين اهم محترين ان ريالهم جذي وانا غيير ،،


مشكووووووووووووورين

أمحق رياييل عيل
وصج اللي قلتيه انهم محترين
شكلهم يحسون ان اللي عندهم مب مهتمين فيهم

ماركة بحرينية;4076023:
وأنا بعد بررررررررررز رووحي مع أنا الشووق

حاضررررررين لج نصير لج ربع أفا عليج عزيزة وغااااالية فرفوووورة

أقووول يا شييييييين الترزز بس :D_smil1: :21_131:

دوري على رضى ربج وخطيبج وبسسسسسسسسسسسس

اش تبين من صديقاتج دام خطيبج مالي عليج دنيتج

ما عليج من حد وانصحج انج تقاطعيهم لأنهم راح يهدمون علاقتج ويا خطيبج
بأفكارهم

والله يسعدج في حياتج حبوبه

:1_3::1_3::1_3::1_3::1_3:

ربنا يعديكى ويثبتك وعقبال اصحابك

حبيبتي بقولج شي... اللي صدق تكون صديقتج و تستاهل صداقتج هي الإنسانه اللي تفرح انج الحمدلله تحجبتي و بعدتي عن الحرام.. و اسمحيلي اقولج البنات اللي انتي معاهم رفقاء سوء و مب صديقات..

اللي عليج انج تسوينه انج ترضين ربج مب صديقاتج :)
الله يوفقج إن شاء الله و يبعد عنج رفقاء السوء و يبدلج بأخير عنهم

حبيبتي وسعي صدرج شوفي هذول ربيعاتج شكلهم رح يتكلمون لين ينقعون بس انتي خليج قووووووووووييييييييه وما يهمج رايهم هم شكلهم يبون لج المشاكل ويا خطيبج خلاص انتي انخطبتي وانتي بنفس الوقت ترضين ربج و خطيبج وش تبين اكثرمن جذي يعني اذا ربيعاتج قالو شي خلي الكلام يخش من اذنج اليمين ويطلع من اذنج اليسار عادي ويفضل تقللين الجلوس وياهم اذا هم من هالنووووع.

اهم شي في الدنيا زوجج ما عليج من احد هو الوحيد الي بينفعج

السلام عليكم أختي الحبيبه

ماشاء الله البنات كفو ووفو
أولا مبروك عليك مرتين مره على الحجاب ومره على الزوج الصالح
ماشاء الله لاقوة إلا بالله الله يتمم لكم على خير.
ترى الرجال كثر حبيبتي بس الزوج الصالح أصبح عمله نادره في
الزمن هذا.
وماأزيد على اخواتي إلا بحديثين لحبيبي رسول الله:
الأول: ((بدأ الاسلام غريبا وسيعود غريبا كما كان فطوبى للغرباء))
والثاني: ((مثل الجليس الصالح والجليس السوء كحامل المسك
ونافخ الكير فحامل المسك إما أن يحذيك وإما أن تبتاع منه وإما أن تجد منه
ريحا طيبة، ونافخ الكير إما أن يحرق ثيابك، وإما أن تجد منه ريحا خبيثة))

وعلى قولة الناس الصاحب ساحب.
فنصيحتي لك تدورين لك صحبه صالحه تعينك على الخير وتقربك لربنا
والصحبه في الله غير انها (من تجربتي) نعمه عظيمه وأمر أساسي في
الزمن الصعب هذا بتكون طريقك لمنابر النور اللي يغبطك عليها حتى الأنبياء
والشهداء.
والشي الثاني انك تستكثري من المحاضرات لانها تقويك على الحق.
ودائما ألحظ على نفسي لما استمع أكثر للمحاضرات ألقى نفسي أكثر تقبلا
للابتلاءات وأكثر رضا وأجد الراحه النفسيه.

يعني خلاصة هذرتي الطويله :) الصحبه الصالحه ومجالس العلم (سواء كان
كتاب شريط على النت... الخ) وطبعا الدعاااااااااااااااااااء (اللهم يامقلب القلوب والابصار
ثبت قلبي على دينك).
وبالنسبه لرفقة السوء اللي معك فإذا انت من النوع اللي يتأثر بسرعه يستحسن
تخففي علاقتك بيهم لين تشوفي إيمانك صار أقوى وساعتها لاتنسيهم من
الدعوه لأن الدين النصيحه وعسى الله يجعلك سبب في هدايتهم
بس الأهم إنك تتأكدي من قدرتك على الثبات على الحق قبل ما تدعيهم عشان
تكوني انتي اللي تسحبيهم للخير بدل مايسحبوك للشر.

الله يثبتك على الحق وان شاء الله نسمع انك صرتي داعيه.
يله أبغى أشوفك على اقرأ :poster_av1:
اللهم أرنا الحق حقا وارزقنا اتباعه وارنا الباطل باطلا وارزقنا اجتنابه.

ماعليه حبيبتي طولت عليك<<من صغرها والناس تشكي من ثرثرتها :D_smil1:

اشكري ربج مليوووووووووووووووووووووون مرة انه رزقج بولد الحلال اللي يخاف عليج وهداج للطريق السليم ، وطبعا هذي ما يباله مناقشة أكيد ان حف الحواجب وعدم التحجب حرااااام وانت الحمد لله الله هداج وهو القادر انه يثبتج وما عليج من كلام صديقات السوء اكيد انهم يبغون يخربونج ويغارون منج وبما انج رضيتي ربج وريلج وانت مقتنعة بهذا الشيء فلا يهزج ريح وحاولي انج تردين عليهم بالرد اللي يسكتهم او ابتعدي عنهم .
والله يوفقفج ويثبتج ويثبتنا على طاعته
وانا بعدعقب ما عرست الحمد لله تنقبت وما همني كلام حد