سوالف يوم ذكرى زواجك ... تعالوا ونسونا وعلمونا (الجزء الثاني)

مشكوره اختي على الموضوع الرائع

وان شاء الله الكل يستفيد >>>>>واولهم انا ^ _____ ^

بنات بليز اللي خطف موعد زواجها وسوت شي تكتب شو سوت عشان نستفيد من الافكار

المصيبه العوده ان عيد ميلاد ريلي اول شهر 12 وعيد زواجنا اخر شهر 1

والمصيبه الثانيه ان تقريبا كل حركات المنتدى اسويها يعني ما عندي حركات بس لو افضي عمري شوي اكيد يخطر في بالي اشيا وااايده بس انا من النوع العياز ... الله يعين بس

المهم ..

انا ابا اسوي شي بيرفكت في عيد ميلاده (لان في عيد ميلادي كان اول شهر 3 سوالي حفله وسهرنا وكنا برا الامارات وبتنا 4 ليالي ) عشان جذيه ابا احجز في فندق بس كان خاطري احجز في عيد زواجنا في نفس المكان اللي كنا فيه لليله الدخله في شاليهات غنتوت

اقولكم والله حوووسه حووووسه في بالي بسوي اشيا وايد بس مااعرف اي يوم يناسب وماابا اكرر شي في هالموعدين ...

احترامي : دلوعة 88

انا لسى متزوجه من 3 شهور بس انشالله بس تجي ذكرى زواجي بكتب كل الي صار

تسلمون على ردودكم حبيباتي

يالله وين الباقين

أنا صار لي سنتين متزوجة و السنة الأولى سويت حركة جنان طار عقل زوجي منها راح أكتبها لكم في موضوع مستقل لوحده قريبا .... و اللحين صار لنا شهر و شوي من مر عيد زواجنا الثاني و سويت حركة سنوايت (أميرة الثلج) زينة غرفتنا و شبكت اللمبات اللي تولع و تطفي هي تجي ألوان لفتها على أطراف سريرنا و صارت تولع و تطفي رووووووووعه طلعت و حطيت شموع معطرة توت بري على التسريحة و شغلت الابتوب على موسيقى كلاسيك و لبست لبس نوم لونه أبيض و تزينة و رشيت العطر و حطيت على شفايفي عسل بدل الروج و عملت نفسي الأميرة النائمة و طبعا كنت حاطة أسهم بأرضية الصالة و موصلتهم إلى باب الغرفة و حاطة على الباب الرسالة حقة أميرة الثلج ........ بس بصراحة طلعت الحركة تجنن و أستانس عليها زوجي و بعدين طلعنا رحنا تعشينا بمطعم و تونسنا و كانت ليلة رومانسية لا تنسى ........

ياحليلكم يابنات
زوجي يكره شي اسمه ذكرى زواج
يقول طول ايام السنه نحتفل لكن في معين لالالالالالالالالالالا
تخيلوا ان ذكرى زواجي الاول كنت حامل بالشهر الثامن
وذكرى الثاني كان طالع باستراحه مع اهله وبنتي كانت مريضه
ووديتها المستشفى بعد ماجاء شفتو الوناسه كيف
عالعموم الحمدلله على كل حال>>>
أهم شي بالحياه الراحه والحمدلله مومقصر معي بالمره

انا سويت الحفلة وهو ولا على باله ولا داري عن الدنيا


يوم دخل البيت وشاف الاجواء

عباله عيد ميلاده وهو مو داري


بس استانسنا

ماشاء الله عليكم :)

ياليت كل وحده احتفلت بهالمناسبه وتبغي تحطي لنا في موضوع مستقل

تحطيلنا على الاقل رابط الموضوع هنه علشان نستفيد:)

ماشاء اللة اللة يوفقكم مع ازواجكم
وحبايبي عندي لكم بس نصيحة صغيرة اتمنى تقبلوها بصدر رحب
كلمة عيد ميلاد وكلمة عيد عموووووما كما اجمع علمائنا اللة يحفظهم حرام لأن حنا المسلمين عندنا عيدين بس عيد الفطر والاضحى ولاعياد هذة من التشبة بالكفار وحنا مهما كان مسلمين مانحب نقلدهم فشي لايرضي اللة ورسولة
واذ بتسوي حفلة لزوجك سويها بس ماتكون بنية عيد ويوم معين واللة يحفظكم
واسفة ع الاطالة

افكار حلووووووووووه بستفيد منها بعيد زواجي الاول بتاريخ 12/1

اختي حيل مقهوره بتكلم عن نفسي >> الحمدالله انا عارفه انه حرام نقول عيد علشان جه عنوان الموضوع (((ذكرى زواجج ))) ذكرى مش عيد

وبصراحه انا اذا احتفل احتفل قبله بكم يوم او عقبه بكم يوم يعني مافيه يوم محدد على العموم مشكوره على تواجدج معانا :)

عاشقة زوجها لاتنسين اتخبرينا عاد ^_* نترياج وان شاء الله تكون من احلى الليالي :)

وينهم باقي البنات :)

مرحبا بنات
أنا أمس كان ذكرى يوم زواجي الرابع
واتخيلوا في هاليوم ريلي موموجود مسافر عني من 3 شهور ربي يحفظه ويرده لي بالسلامة انشالله بس مطول لأنها دورة من الدوام الله يعيني ويصبرني على فرقاه والله هذي أول مره يبعد عني ويطول هالفترة 6 اشهور وانا حامل في الشهر التاسع وللاسف اني ماقدرت احتفل في هاليوم اول مرة واخر مرة انشالله
وانشالله محد يصيرله نفس الموقف اللي صار لي لانه شعور موحلو ابد
وسلامتكم

حلوه افكاركم بنات
انا يوم زواجي انشالله قريب راح يكون بتاريخ 22 محرم
وما عندي افكار الى الان ياريت تنزلون افكاركم الحلوه لاني ابغى شي مميز وجديد وغريب
العام لما احتفل زينت المجلس حق الضيوف كله با التل الاحمر والذهبي وعبيته شموع احمر وذهبي
وحتى الطاول كمان خليتها احمر وذهبي ورشيت ورد جوري ابيض عليها وكريستالات حمراء
والارض خليتها كلها تل ولميته من كل مكان شوي يعني طلع زي خليت النحل مره حلو
وشريت كيكة وجبت عصير خمسه انواع ملون وردي وازرق واخضر واحمر وطبعا مشروبي المفضل الببسي
وصبيتها كلها في كاسات اشكالها كانت تجنن طويله وقصيره ونحيفه وتخينه يعني صار شكلها مثل الابراج وخليتها جنب الكيكه وطبعا عشان يبان جمالها حطيت حوليها شموع وموسيقى هاديه مون امور وانا لبست فتنوره قصيره حيل ولبست عليها بوت اسود طويل وبلوزه صغييييييييييييره مغريه جدا يعني شكلي كان حلو وبس فياريت اللي عنده طريقه جديده حيييييييييييييييييل تقولنا وطبعا حبيبتي ام راكان لا تنسي لمساتك مهمه عندي حيل

ما شاء الله

ابدعتي الله يحفظج

هلا وغلا مشكوره اختي على الموضوع

عيد زواجي باقي عليه 4 شهور وما بعد جمعت افكاري
بس عيد زواجي السنه الي راحت كان اول عيد زواج
مليت الشقه كلها بالونات من والى
وحطيت لحاف السرير حق زواجي
ومليته ورد
وجهزت غرفة مساج الى زوجي كلها شموع وورد
وفوق السرير نسقت ورد وبالونات في طرفه وحطيت الهديه وكتبت رساله
وفي النهايه عشئ من صنع ايدي
وطلعت ليلة شئ

نسيت اقول قميص النوم هو نفسه الي لبسه لسلة زواجي

يارب يارب يارب
اللهم ارزق جميع المتزوجين والمتزجات بالود والموده والرحمه والسكينه والاستقرار والراحه والطمئنينه وارزقهم منهم بالذريات الصالحه الطيبه الباره التقيه النقيه يارب ياوهاب ياارحم الراحمين
اللهم آمين
اكثررررررروا من الدعــــــــــاء والاستغفـــــــــــــــــــــار

الله يوفقكم ويسعدكم دنيا وآخره

ياسلام على الافكار الخطيرة
انا ذكرى زواجي بعد ثلاثة اشهر وبيكون كملنا ثلالث سنوات.... طبعا السنتين اللي راحوا ما عملت حاجه سبيشل لانه اول سنه كنت حامل بالشهر الاخير وثاني سنه رحنا اتعشينا في مطعم وبس لكن السنه هذي حابه اعمل حاجه جديدة افاجأ بها زوجي وفكرت اني ارتب غرفة النوم بشكل حلو واعمل ديكور حلو بالحمام واجهزه واعمل فيها ورود وشموع وافاجأ زوجي به بس لسه الخطوات ما مبينا عندي وحابه منكم افكار اما بالنسبة للملابس فكرت البس بيبي دول لانجري لاني ابدا ما لبست مثله وبس وافكاركم يا عرايس

للرفع

:

:

مشكوره اختي
وافكار واااااااااايد حلوه ماشاء الله
الله يهنيكم جميع
وانا باقي مخطوبه وبس احتفل بذكرى زواجي اخبركم ان شاء الله ...

للرفع للفائده