اشحالكم يا عرايس
انا من جمن يوم احوس بالمنتدى وشفت مقشر شهر العسل من بنت عذاري
انا من النوع اللي وايد مرتب .. يعني اذا ما عندي علبه ما بسوي المقشر .. مع اني اعيد استعمال العلب عادة بس من النحاسة ما عندي ولا علبة تصلح
هذا شيء والشيء الثاني ان ما عندي غسول الاطفال ما قبل النوم
حشرت بو بطي لين رضى بالامر الواقع وقال لي (مري علي انا بالصناعية وبسير وياج الجمعية اللي هنيه ) :poster_war: الصناعية عاد يا بو بطي !!!!!! الله يسامحك
بس مشكلته استحالة يخليني اسير السوق او الجمعية بروحي .. كل مكان عادي الا الاسواق
وانا ما لقيته بالبقالة اللي عند بيتنا ( اصلا الهنود ما فهموا انا شو ابا كخخخخخخ ) :poster_vt:
جني سندرتكم بالسوالف :21_162:
الزبدة اني شريت العدة ورجعت البيت فرحانة
اقول في خاطري اخلص المقشر واستعمله علشان اجربه :poster_kewlpics:
.....
اممممممم
بديت اسوي المقشر واحط المقادير
فجعني ان الرز المطحون كان وايد اووووفر عن المطلوب والمقشر صار مثل العجينة اليابسة ...
تميت احط غسووول اطفال زيادة واحط جلسرين وزيت زيادة لين اتضبط الموضوع
المرة الياية بحط كوب الا ربع رز مطحون موب كوب ونص .. واااايد حسيته ...
الشيء الثاني ان مضربي العزيز مال الخلطات اخترب من قوة العجينة :cry:
وهذا الشيء اللي زعلني .. يعني لين جهزت المقشر حسيت بكدر ..
المهم من خلصت المقشر رتبت الغرفة بسرعة ولميت حوستي قبل لا يوصل بو بطاااي وسرت خذت شوور ع السريع وحطيت المقشر ..
ما اقدر اوصف ريحة المقشر الفظيعة اللي شلت الحمام والغرفة .. طبعا انا حاطة زيت لافندر لأني اموت عليه
والحين غالياتي هذي صورة المقشر اللي سويته وعداله علبة الجلسرين وزيت اللافندر .. ودفتر خلطاتي العجيب ... تراني احب اكتب الخلطات في دفتر خاص ..
