تجربتي مع كريم روز

السلام عليكم ورحمة الله
كيف الحال؟ عساكم بخير جميع


بخبركم عن تجربتي مع كريم روز+صابونة روز

اولا من انا بالصف الخامس الابتدائي ووجهي امتلى حبوبوانا بشرتي كانت صافية ولله الحمد بس للاسف من بدت فيها الحبوب تطلع خلاص شكلي صار يخوف والكل يسالني وش صار فيك وكنت متعقدة من نفسي

ظليت سنين على هالوضع واستخدم خلطات طبيعية بعضها يروح لي اياه شوي وبعضه يزيد وبعضه ما يفيد

وابدا ما لجأت لاي طبيب

وفي مرة من المرات الوالد جاب لي كريم روز+ صابونة روز
انا رفضت استخدمه وقلت خلااااص ما ابي استخدم اي شي بس الوالد اصر اني استخدمه
وقررت استخدمه لفترة طويلة جدا ويكون هو اخر شي استخدمه لحبوب وجهي

وفعلا بديت استخدمه ومن كملت اسبوع والكل يسالني وجهك وش فيه لانه كان احمر كثيررررررررررررررررررررررر وكنت احسه حاااااااار وما كنت حتى اقدر اغسله بالماي بسهولة من كثر ما كان يحرقني

بس قلت ما علي من كلامهم بواصل استخدامه وان شاء الله بتخف الحبوب
وفعلا واصلت استخدامه لاكثر من سنة بدون كلل او ملل
والحمدلله وجهي خفت عنها الحبوب كثيررررررررر وحتى اللي يشوفني من بعيد يقول ما يبان ان وجهك كان فيه حبوب

وانا تركته صار لي تقريبا 3 سنين وما تطلعي لي الا حبه او حبتين وتروح
بس طبعا وجهي ما صفى للحين لان فيه اثار الحبوب والحفر اللي يسببها الحبوب

انا كتبت هالموضوع لان في خوات تخوف من الكريم وحبيت اقول تجربتي معه علها تفيدكم
للعلم انا بشرتي دهنية+ حساسة

وكريم روز لونه مثل البني الفاتح والصابونة لونها وردي
تحصلونه بالجمعيات او بالصيدليات او عند العطارين او بالاماكن اللي يبيعون فيها كريمات للجسم والوجه

وسعرهم الاثنين ما يوصل 30 درهم

هذي تجربتي بالتفصيل واي سؤال انا حاضرة لين باجر الاربعاء لان بغيب عن المنتدى اسبوع:flower: