اللي يرضعون عيالهم طبيعي

طب حبيبتي ضبطي اكلك
والصناعي اصلا مش مضر بالعكس المضر انك تديله اعشاب كتيره تملي بطنه بيها
بس المفروض اصلا تكوني اكلتيه من 4 شهور
يعني خلاص ياكل مع الطبيبعي
وربنا يوفقك
وفي هنا موضوع عن الاكل روعه بس مش مثبت دوري عليه وخدي طرقه الاكلات

حبيبتي انا ارضع بنتي طبيعي وعندي مثل مشكلتج

احسها ما تشبع وتاكل صوابعها بعد كل رضعه ،،


وحتى امي قالت لي اكلي رايح فيها لأني مثل حالتج ما اكل شي لدرجة ان راسي طول الوقت داير ومو قادره اوقف

اكلي كله شبس وشوكلاته ..

بس ما رضعتها صناعي لأني مو مقتنعه فيه ..

حبيبتي ولدج الحينه عمره 11 شهر الله يحفظه لكم يعني لازم يكون فيه اكل مع الرضاعه والرضاعه بروحه هب كافيه من جي فديته يووعاااااااان ... اسألي الدكتوره شو ممكن تأكلينه بهالعمر انا بنتي بديت اعودها على الاكل من عمرها 7 شهور ام ريلي كانت تقولي ابدي عودي من عمرها 4 شهور بس ما كنت مقتنعه ويوم وصلت 7 شهور بديت احطلها بسكويت فارليز ويا الحليب الصناعي اذوربه واكلها بالملعقه....ومرات اهرسلها موز ويا زبادي ومرات اعطيها عصير برتقال تشربه ومرات ااكلها سيريلاك ....ومرات اذوب البسكويت العادي اللي بالعسل مع شويه ماي دافيء وشويه عسل اصلي كااااانت تحبه وايد اكثر من الحليب...

بنتي تميت ارضعها طبيعي لين عمرها 8 شهور وبعدين خلاص ماقام ينزل مني حليب كفايه لانيه ما قمت اكل زين...بالنسبه للحليب الصناعي كنت اعطيها ويا الطبيعي يعني مب كله طبيعي...بالليل قبل ما ارقد كنت اعطيها صناعي عشان تنام الليل بطوله وماتزعجني لاني شفت انه الطبيعي ما يشبعها وكل ربع ساعه تنش تصيح..وبعد يوم اظهر وياها وماقدر ارضعها جدام خلق الله اعطيها رضعه صناعيه....

السلام عليكم و رحمة الله تعالى و بركاته،

راح أقول لكم هالكلام عن خبرة .. أنا أم لطفلين و أشجع الرضاعة الطبيعية و أكره الصناعي ..

إذا الأم ما تاكل زين و ما تنام كفاية ما يتكون عندها حليب ... لازم و ضروري تشربون حليب أقل شي ثلاث أو أربع أكواب في اليوم... ممكن تشربون الحليب قليل الدسم لأنه فيه نفس الفوائد مع دهون أقل ... و لازم تاكلون خضار و فواكه و تكثرون من الأوراق الخضراء ... و لازم كمية كافية من البروتينات من اللحوم و الدجاج و البيض و الكبد ... و لازم بعد كمية كافية من الماء

بالنسبة للنوم أعرف إنه شي صعب على الأم تحصل وقت تنام فيه بس حاولي قد ما تقدرين ...

يقولون بعد إن ماء اليانسون و ماء الحلوة للأم يساعد على إدرار الحليب ...

بس بعد بقول لكم ... معروف إن إختيار الرضاعة الطبيعية خيار أصعب الطفل يتعلق بأمه و يستمر يطلب الحليب ... و السبب إن فعلاً حليب الأم خفيف و ما يسد نفس الطفل مثل الصناعي و بعد السبب الثاني دلع من الطفل ... بس عليكم بالصبر و كل ما يكبر الطفل يصير الموضوع أسهل لأنه يبدأ يعتمد على الأكل و برأيي بعد سن سنة و نصف لازم تنظمين وجبات الطفل حاولين تتجاهلين طلبه للحليب بعض أوقات النهار ... و حاولي تعطينه وجباته من الأكل في وقت أبكر حتى لا يحس بالجوع مع وجود وجبة طعام خفيفة خلال فترة الصباح و وجبة أخرى مساءً من الفواكه أو حتى الجبس و الحلويات مع عدم الإكثار منها .. و كل ما يكبر الطفل و يفهم حاولي تشرحين له إنه خلال الليل لن ترضعيه بأي كلمات ممكن يفهمها ... و شوي شوي تدريجياً حاولي تقللين من الرضعات ... المسألة صعبة مو سهلة و متعبة جداً بس ممكن تحقيقها و بتحسون بالسعادة و الفخر إذا صبرتو شوي لين ما توصلون لعمر سنتين

حبيبتي والله

الامهات يحبطون الواحد انا اول ما ولدت الكل كان يقولي حليبج ما يكفي لكن الحمدلله طنشت والين الحين ارضعها طبيعي ..

بس انا طبيعتي ما اكل اكل الا وصحن الخضرة في اثباني (اخوي اونه خروف مب ادميه.. ارعي) والماي ضروري لاني عقب كل رضعه الهض من العطش كاني يايه من الصحراء ..

بس تبين الصراحه الحليب ينزل بعد ما تمص بدقايق احس بوغزه وعقبها ينول ...