بنتي بنتي بنــــــــــــــــــــتي :( ارجووووووووووكم ساعدوني

الحمدلله اشوف في تطورات بسيطه وان شاء الله تتطور الامور اكثر وتنام عدل ولا تقوم الليل يارب....

رانيا البحرينيه ... مشكوره حبيبتي ... اقولج انا بعد عورت قلبي وانا من يومها اعطيها عسل عشان صوتها يرجع :) فديتها صرت احبها اكثر هههههههههه...


lugana فديتج مشكوره حبيبتي .. يبلنا سوبر ناني لووووول
بس اي والله صاجه عيالهم هاديييين مسنعينهم عدل !!! بحاول اسوي مثلهم ... وان شاء الله يتعدل نومها قبل الدوام ياااااااارب...
انزين بسألج حبوبه ... شلون اذا ابي اقطع عنها الرضاعه بالليل؟؟ انا ارضعها صناعي ....
طماعه ها لوووول خل يتعدل نومها قبل عقب افكر اقطع الرضاعه :)
مشكورييين وسوي على كثرة الاسئله ....

الله يكون في عونج اختي
انا بنتي نفس الشي نومها كلش قليل
اصلا ماتنام كل ساعة تقريبا تقعد
والله ساعات حتى اقعد اصيح من قلة النوم
والكل نصحني اني افطمها
بس قلت لا بعدهي صغيرة
وانتظرت لم صار عمرها سنة وفطمتها
والحين انــــــــــــــــــــــــــــــــــــــــــــــــــام وانا مرتاحة
والله ماتقعد يمكن الا مرة وحدة
وبعض الليالي بعد لم تكون توها مسبحة ومشبعة
ماتقعد طول الليل (ماشاء الله)
انصحج بالفطام اختي بس اتصبري عليها شوي لانها صغيره

مشكوره اختي العاشقه ....
ماشاء الله عليها الله يخليها لج يارب...
بس بسألج انا بنتي عمرها 9 شهور عادي افطمها ... وقصدج الفطام ان بس بالليل مايشربون حليب ولا طول اليوم؟؟؟
انا ارضعها صناعي...
وشلون فطمتيها بأي طريقه ...
سوري بس والله ماعرف شلون....
تسلمين حياتي

اختي ميـــــــــرا
انا بنتي ماكنت اعطيها صناعي ،، فطمتها من الطبيعي
واذا بنتج اسم الله عليها تاكل عدل افطميها اصلا الصناعي يخرب اسنان الطفل
وآنه اقصد فطام طول اليوم،،
بنتي في البداية كنت احاتي لانها وايد متعلقة في الرضاعة عشان جذي كل حين تقعد
بس في اليوم الي قررت اني افطمها مانيمتها طول اليوم وداااااااخت كلش
وقمت ااكلها عدل،، كل حين ااكلها،،
وفي الليل وقت النومة -بس اول ليلة او ليلتين- بتتعبين معاها
بس بعدين كلش عادي
بتنام لج احسن مايكون ،،، لان مافي شي يوعيها الاهو الرضاعة
والله يصبرج ويكون في عونج حبيبتي

مشكوووووووووورين وجزاكم الله ألف خير !!!!
اختي رحيل الاصيل مشكوره حبيبتي وراح اجرب اني ماعطيها حليب بالليل وببدا بالنعناع لأنه يريح البطن...
غاليتي meeeera
اسفه تاخرت عليك بس كنت مسافره
بس بسألج كم ساعه تخلينه بدون حليب؟؟؟ احس حرام اكيد يجوعون .... ولا اشرايج ؟؟؟
تقريبا 6 الى 8 ساعات على حسب متى يقوم من النوم اكثر من كذا هو يصحى يصيح ما راح ينام من الجوع...
والحين ولدج صار مايقوم بالليل؟ يعني اذا بديت خطوه خطوه نعناع عقب ماي ماراح تقعد بعد؟؟
احيانا يصحى اعطيه مويه بس نادر يعني ما تحسب....ان شاء الله
مشكوره حبيبتي ماتقصرين وان شاء الله من اليوم راح ابدا معاها المعركه لوووول
الله يعينك ويوفقك ويريحك وبنتك

متابعه لردودكم من بعيد لبعيد ونشاءلله الكل يستفيد

meeeera;4089065:
الحمدلله اشوف في تطورات بسيطه وان شاء الله تتطور الامور اكثر وتنام عدل ولا تقوم الليل يارب....

رانيا البحرينيه ... مشكوره حبيبتي ... اقولج انا بعد عورت قلبي وانا من يومها اعطيها عسل عشان صوتها يرجع :) فديتها صرت احبها اكثر هههههههههه...


lugana فديتج مشكوره حبيبتي .. يبلنا سوبر ناني لووووول
بس اي والله صاجه عيالهم هاديييين مسنعينهم عدل !!! بحاول اسوي مثلهم ... وان شاء الله يتعدل نومها قبل الدوام ياااااااارب...
انزين بسألج حبوبه ... شلون اذا ابي اقطع عنها الرضاعه بالليل؟؟ انا ارضعها صناعي ....
طماعه ها لوووول خل يتعدل نومها قبل عقب افكر اقطع الرضاعه :)
مشكورييين وسوي على كثرة الاسئله ....

مافهمت حبيبتي شلون يعني قصدك تقطعي عنها الرضاعه بالليل وانتي تعطيها صناعي ؟
يعني عطيها الحليب قبل لا تنام وتكون كميه مناسبه عشان لا تصحى بالليل وهي تبغي اكثر حليب وتصحى طبعا لانها جوعـانـة فعطيها كميه كبيره من الحليب الى ان تشبع تماما و خليها تنام وانا مافهمت قصدك بالظبط عن قطع الرضاعه انتي يعني تعطيها شوي طبيعي؟؟ لانك كاتبه ارضعها صناعي :flower:

نارا11 بالخدمه حبيبتي اييييي وقت :) اسئليني

انا احس الرضاعه بالليل ضروريه لانه معروف ان اعضاء الجسم تقوم بوظائفه بالليل بشكل اسرع واكبر ...

انا عيالي الين الحين يقومون مرة او مرتين فالليل احي ان عادي مرة يقومون يبون حليب ومرة يبون حنان يعني يرقدون من دون ما اعطيهم حليب ولا ماي ولا اي شي ثاني .. احضنهم يرقدون

السلام عليكم ورحمة الله

ماشاء الله لاقوة إلا بالله, بالك طوييييل أختي.
والله أنا يوم صارت 6 شهور وشفت الوضع على ماهو عليه
قلت خلاااااااااااااااص باخليها تبكي لييين تتعب بس المشكله في
أبوها ماطاوعه قلبه. :gum:

المهم بالنسبه للحليب نهارا لاتقطعيه عنها:down:
انا قريت انه الطفل لحد سنه مفروض يشرب على الاقل 200 مل
(ان ماخانتني الذاكره) ثلاث مرات باليوم.
لانه الدهن اللي يلقاه من الحليب يحرقه كله باللعب والحركه
عشان كذا حاى يقولون لاتعين الطفل اللي أقل من خمس سنين
حليب قليل الدسم. وانتي عارفه كمان انه عظام الطفل واسنانه
محتاجه كالسيوم فانتببببهي تفطميها من الحليب في النهار.

بالنسبه لليل لازم تتأكدي انها لما تصحى تكون جوعانه ولا لا
قبل ماتقرري تقطعيه عنها. عشان تعرفي شوفي قد ايش تشرب
اذا هي بالعاده مثلا تشرب 150 مل بالنهار في كل رضعه
شوفي لما تقوم بالليل كم تشرب اذا كملت الرضاعه أو بقت فيها
بس شوي معناتها كانت جوعانه أما إذا شربت بس شوي وخلت الرضاعه
أغلبها مليانه يعني ماكانت جوعانه وقتها ممكن تبدليها بمويه أو حتى
حليب مخفف اذا رفضت المويه. يعني اذا كان حليبها بخمس ملاعق تخليه
اربع كم ليله وبعدين تخففيه لثلاث وهكذا لين يصير بس مويه.

النوم المتقطع حل من اثنين: واحد سريع والثاني بطئ.
السريع في ثلاث او اربع يوم بالكثير. زي ماقالوا الاخوات تخليها تبكي
ولاتردي عليها (طبعا وتتأكدي انها مو جوعانه, بردانه, حرانه... الخ)
ومضمووووووون من ثالث أو رابع يوم بالكثير حتبطل.
بشرررررط ماتردي عليها ابداااااا. لو طبطبتي عليها ولو مره واحده خربت
الشغله وكانك يابو زيد ماغزيت.

احنا نعتقد انه الاطفال مايعرفو شي بس هذا مو صحيح بالمره. الطفل دائما
يمتحن صبرك واحتمالك يشوف كم بتسكتي لين تقولي لا وبيجرب لييييين يتعب
عشان كذا اقول لك ولا مره طبطبه. لو شافت انك رديتي عليها بعد ربع ساعه
المره اللي بعدها بتواصل ربع ساعه. اتمنى اكون وصلت الفكره.

الطريقه الأبطأ انك تطنشيها في البدايه 5 دقايق وبعدين تردي عليها. وبعدين مرتين
ثلاث تخليها بعد 7 أو 10 دقايق وهكذا لين تتعود وتبطل. لما سألت هنا قالوا
لي البكاء مايضرها طالما انها مي مريضه يعني لو مريضه ماتخليها تبكي.

وبعدين اهم نقطه في النوم نومة النهار بنتي الكبيره تتحمل 5-6 ساعات عدم نوم
عشان كذا مااخليها تنام بعد الساعه 5 ولا مابتنام لين 11-12 (عمرها سنه و8 شهور).
الصغيره (عمرها 6 شهور) تقعد 2-3 ساعات صاحيه وبعدين تنام شوي بعد الساعه
7 مااخليها تنام تقعد لين 9 وبعدين انومها وادخلها الغرفه.
انتي شوفي نمط بنتك كم ساعه تقعد صاحيه في النهار قبل ماتنام وعلى هذا الاساس
نظمي نومها. اذا 4 ساعات لاتخليها تنام قبل الموعد اللي تبغي تنوميها فيه باربع ساعات.
وبعدين لازم روتين تعرف فيه انه بعد كذا جاء الليل ولازم تنامي.

يعني لما يجي وقت النوم تقولي لها وقت النوم ماما (ولاتقولين صغيره بتفهم عليك بعد كم يوم)
وشيليها حمميها ولبسيها ملابس النوم (لازم يكون عندها ملابس خاصه للنوم) وبعدين اعطيها
رضاعتها قبل ماتنام. هذا على سبيل المثال وانتي شوفي الروتين اللي يريحك (حمام, قصه
قبل النوم... الخ) وتودينها غرفه بنور ليلي لما تشرب الحليب. ووااااااااظبي كم يوم وهي بتتعود.
ترى هنا الغربيين على طووووول يرددو الروتين الروتين لان الطفل يحب الروتين وعشان كمان
تتهيأ نفسيا انه خلاص هذا موعد النوم. يعني حتى احنا الكبار لما نتعود ننام ساعه معينه
ونصحى ساعه معينه تشوفينا بدون منبه ننعس الساعه نفسها ونصحى الساعه نفسها.

وان شاء الله اكون افدتك وخبرينا ايش يصير معاك. الله يعينك ويهديها. على فكره نسيت
يقولوا ريحة اللافندر تنعس ممكن تاخذي شامبو بريحة الللافندر او عطر لافنر تنقطي منه نقطتين
على مخدتها عشان يرخي اعصابها. وانتببببببببببهي تعطيها منوم الله يحفظها لك من كل شر.

اختك.

هههههههههههههه الحال من بعضه اروح دوام وارقد بالمكتب وصرت اكررررررررررررررررررره الليل ماتسوي حفلاتها الا حزة الوقت اللي بنام فيه

بصراحه الله يعينج

انا مامريت بهالمرحله حتى يوم كان ولدي في الاربعين

شوفي سبحيها وعطيها حليب وحطي لها ملعقتين شاي مااااي غريب وانشالله تنام

والله ياجرج