الحقوني** لسه تكلم زوجي

[GLOW="FFCC00"]زى ما البنوتات قالولك ماتطلقيش انتى اه مش هتقدرى تتحكمى فيها لكن تقدرى تتحكمى بزوجك ثابرى بقوة ودافعى عن حياتك والله معك اعلم بحجم معاناتك وحاسه بيكى ربنا يفك كربك ويستر على بيتك[/GLOW]

الله يعينج اختي على ما ابتلاج

اذكري الله وصلي بليل وادعي الله ان زوجج يصطلح حاله

وانصحج انج ما تتسرعين بالطلاق لان اللي تتصل على زوجج تبي هالشئ

خلي زوجج يغير الررقم وكلميه وقولي له ان هالمراة تبي تسوي مشاكل بينكم عشان تتطلقونو لو

تطلقتوا راح تنتشر هالسالفة بين الناس وسمعته راح تصير زفت يعني الناس بيقولون عنه راعي

بنات <<< خوفيه يعني على سمعته ومن كلام الناس واكيد ربنا بعد ما يرضى بالشئ هذا

والله يصلح حالج

فلورال و دوني
تسلموا انا ححاول اني اجذبه بالذات هدي الايام

بس من جد مو قادره

عارفين كيف شعوري زي لما بطنك تكون مايعه من اكله معينه وودك ترجعين وتاكليها غصب وانتي ترجعي وتاكلي

بس انا كدا مع زوجي

لا تخلينه لها

و تعاليله من الناحية الدينية بطريقة غير مباشرة

و ترا هو ينظر لتلك المراة على انها ساقطة و لا يحترمها بالطبع و لننننن يتزوجها

لكن انتبهي تخلينه لها

و طمنينا عليج حبيبتي

×.. السلام عليكم ..×

صدق إنها حرمه ما تستحي !!!

هي يوم متزوجه و تخون زوجها !! كيف يوم مات ( الله يرحمه ) أكيد خلت لها الساحه و صارت Free أكثر !!! و كأنه هم و انزاح عنها !

و الصراحه من الموضوع مبين إنج كاشفتنهم عالأخير و زوجج يالس يكذب ( سوري على الكلمه ) عليج !!

و خاصة سالفة الصور الفاضحه اللي كانت هي مطرشتنها و هو قال اخوها مطرشنهن !! << معقووووول كلام ما يدخل المخ صراحه !! لو حتى صورها و هي محجبه أخوها ما بيطرش الصور على موبايل حد !! << هذا عرض عايلته مستحيل يسويبه جيه ..

مال غير الدعاء لج :(

الله يوفقج يا رب و يحنن زوج قلبج عليج و يهديييييييييييييييييييييييييييييه ...

تحيتي لج :

ناديـن

خيتو ................ طنشي نصحتي انتي مره ومرتين وثلاث سكتي عنه وكل ما تكتشفين شي جديد راويه انج عرفتي او حسسيه انج مع الحدث وعطيه نظره حاده عين بعين وانتي ساكته بس بدون مشاكل وضرابات ترى الضرابات مش بصالحج بصالحها الضرابات اطفش الرجال وتخليه ادور على من يعطيه وجه وسمعه كلمتين حلوات...فنصيحة الدعاء ومن ثم اللسان الحلو+ شطارة الحريم باللبس وشياكه والشكل الخارجي ومن ثم العقاب النفسي ادخلي معاه الحرب النفسيه اما الحرمه عطيها باللي في خاطرج العني بو سلسفيلها

لا حول الله ولا قوة الا بالله

هاذي يبالها حد يوقفها عند حدها


خبري اخوها او اي حد كبير في العايله عشان يأدبها

سمراءالسودان;4053372:
فلورال و دوني
تسلموا انا ححاول اني اجذبه بالذات هدي الايام

بس من جد مو قادره

عارفين كيف شعوري زي لما بطنك تكون مايعه من اكله معينه وودك ترجعين وتاكليها غصب وانتي ترجعي وتاكلي

بس انا كدا مع زوجي

السلام عليكم ورحمة الله وبركاته ...

اختي بس لازم ياكل الانسان عشان جسمه ما يتعب .. عشان ما يهلك ... !! ...
يقولج "انـــا بين أمرين احلاهما مر" ... يعني انتي بين انج تخلينه ... وبين انج تحافظين على بيتج وانتي مو طايقته هالايام ..؟ شنو احسن ؟!!! ... أكيد عارفة الاجابة ....

فانا اقولج مرة ثانيه ... دوسي على نفسج .. واغلبيها ....

وتفائلي ... قال الرسول صلى الله عليه وسلم "تفائلوا بالخير تجدوه" ...

كذبيه مثل ما قلتي ومشي معاه .... وادعي ربج ليل نهــار والله راح يستجيب لج ...
ما يترك عباده سبحانه وتعالى ...

والله احس انج تعبانه وايد يا سمراء السودان ... روحي اسمعي لج سورة يوسف ... وتفكري في المعاني ....
وخلج في هدوء شوي وفكري بعيد عن اي شي ... وان شاء الله ربي بيريح قلبج ..

الله يكون في عونك

مادري وش اقول بس ادعي ربك القادر على قوي ومتسلط في الكون

عليك بالدعاااااااااااااااااااااااااااء

انا نيلي من الاردن ، اول شي بدي اشكرك على جرءتك في طرح قصتك ، على فكرة انا عندي تقريباً مثل مشكلتك زوجي مسكته وهو يتكلم مع وحده تانية وشفت الرقم ورجعت ضربت على الرقم واتفاجئت انها ست ، تصرفي كان كالتالي :
قررت اني ابعد عنه وما اكلمه واحسسه باني احسن منه بس اقلب وجهي عنه يعني افرجيه الوجه الاخر وهو اني ما اهتم فيه والا اكلمه والا احسسه حتى بوجوده بالبيت ، صار بعدها هو يتوددلي ورجع افضل من اول ، الحين انا ما بعرف اذا ما زال يكلمها او لا بس كل الي يهمني اني مشاعري اتجاهه تغيرت عن اول وقدرت اقسي قلبي اتجاهه لانه الخيانه اصعب شى .

مشكورين يا بنات والله ردودكم حلوة لين جلست ابكي

انا من جد تعبانه وحاسه بنار جواي يعني سبحان الله اش اقول

معناها هو ما همه يوم سامحته في الغلطه الاولى

وحرد على كل البنات وحده وحده لان بصراحه الردود جميله وتستحق وقفه مع كل رد منكن يا عزيزاتي

شمس حياته مشكوره على تفاعلك معي

احب ريلي تسلمي وراح اقوله نفس اللي قلتيه ادعيلي

فتاة الخليج شكرا يا غاليه كلامك سليم وبحاول اضغط على نفسي
امس قلت له بسوي لك ليله رومنسيه يوم جا الليل ما قدرت ورحت نمت وطنشته

روز والله انك صادقه والله اني بكيت وانا اقرا ردك من جد كلامك مدري اشفيهم الرجال

زمرده والله حاولت دينيا بس المشكله هو ما يعترف انا ارف زوجي انتي عارفه اش كان مشكر لقبه قبل الزواج ((حنك)) لان عنده قدره في الاقناع والكلام المنمق رهيبه بس انا خلاص عاشرته وصورت عارفه الاعيبه لو شفتيه بعينك يسوي شي ما يعترف وممكن يقنعك انه مو هو

انتي عارفه هو دحين مدير لشركه افران اليه

وماسك الفرع الي بابها

عارفه ماشاء الله اكتر فرع مبيعات هو يجلس مع رجال الاعمال ويقنعهم يشتروا

مره الشيخ صاحب العمل مبسوط منه

يعني هدي هبه من ربنا عنده القدره على الاقناع وتنميق الكلام عجيبه هو بصراحه متحدث راااائع

نادين تسلمي قلبي

وكلامك صحيح

اما بخصوص الصور ما كانت ترسل صورها هي لا الصور المنتشره صور اجانب وكدا

دمعه قبل صلصوحه سارقه الاضواء

نيللي تسلموا حبيباتي ع الرد الجميل

نيلي والله انك صادقه فعلا شي مؤلم جدا

احب ريلي;4052616:
شوفي ياسمراء انا بعد متزوجة وحطيت نفسي مكانج قلت والله اكره اقرب منه ولا اشتهيه بس فكرت فيا وقلت الحين اذا انا تركته طبعا بجذي انا مهزومة عموما في الحالتين مهزومة معاه اوبدونه لانه يكلمها
فخليج اقوى لومن غير نفس تعوذي من الشيطان وتذكري الايام الحلوة اللي بينكم والليالي الرومانسية واستلي الليلة الحلوة اللي سويتيها ودلعيه ولعبي في شعره وقولي له بدلع
حبيبي انا اقدر اترك لك البيت واطلع بس فكرت في 3 اشياء لازم انت بعد تفكر فيها اول شي وقبل كل شي الله فوقنا يعني اللي تسويه غلط وحرام
ولو هي تبي الزواج منك انت مش خبل عشان تتزوج وحدة مثلها بكرة في غيابك بتكلم غيرك لان هالاشكال ماتشبع وثالثا حبنا وعيالنا اشذنبهم يضيعون بسبب تافه وعشان وحدة تافهه تكلم غيرك مليون مارحمت زوجها في حياته ولافي قبره فانت شنو انت ولاشي متزوج وابو عيال بتلعب على غيرك بعد
واتمنى اني افدتك وادعيلي الله يحفظ زوجي من الشرور هاي ومن هالاشكال الوسخة ويحفظ ذرياتنا ويجعلها صالحة امين يارب

سمورة حبيبتي ماعليك منها

انا كنت متابعة موضوعك الاول واتوقعت انو هذا تكمله له من العنوان

بس تدرين وش الحل

روحي ارتاحي عند امك الله يحفظها كم يوم وشوفي ردة فعل زوجك

اذا كان فعلا يبيك بيرجع

الله يوفقكم

اختي سمراء السودان

اذكري الله وتروي في الحلول وفكري بكل هدوووء هذي حياتك وحياة أسرتك

الحلول السريعه ماتنفع ... موضوعك محتاج سياااااااسه

بغظ النظر عن أي مشكله بينك انتي وزوجك ولا انتي وهي
تذكري الفترة الأولى من زواجك كيف كانت ؟؟؟؟؟؟؟؟؟؟؟؟

اكيد كانت لحظات لاتنسى من الحب والرومنسيه ؟؟؟ صح ؟
ماسالتني نفسك ليه حصت هالمشاكل الحين .؟؟؟
بتقول لي لي هي دخلت حياتنا ........... أوكي أنا معاك
ماسألتني نفسك زوجك ليه عطاها وجه من الأول ؟؟؟؟
بالرغم انه محترم ومثل ماقلتي مو راعي الحركات هذي

عزيزتي يمكن زوجك وصله مسكول منها بس مو شرط انه كان يكلمها يمكن هي حبت ترجع العلاقه بينها وبينه
فشي طبيعي انه رح ينحرج منك سواء يكلمها أو لا
خجله لايعني تملص منك أو انه على وشك الفضيحه
خجله ربما يكون في الواقع خوفه على حياته من الهدم ... وخوف من انك تفهمي الموضوع خطأ

من هذي اللحظه انسي الماضي وافتحي صفحه جديده مع نفسك
ارمي كل همومك خلفك واجعلي لك سحر انثوي ملموس في المنزل وفي اسلوبك وفي كلامك وفي
نظراتك وفي عباراتك وهمساتك

إجعلي منزلك سحر انثوي... كل ليله مميزه عن السابقه في لبسك ... في إهتمامك بذاتك ... في ثقافتك .. في إهتمامك به .. في رومنسيتك ..

بغض النظر عن الماضي ... إجعلي هدفك الحفاظ على بيتك ولفت نظر زوجك لك وللمنزل
ومهما يحصل تجاهلي واستمري في ماذكرت لك وستجدين نتيجه قد تبهرك أنتي شخصيا

اتمنى لك حياة سعيده
ولا تنسي الدعاء بهذه الكلمات

اللهم اجعل لنا من ازواجنا قرة أعين ))

وادعي للبنت
اللهم ارها الحق حقا وارزقها اتباعه ... وارها الباطل باطل وارزقها اجتنابه ..
اللهم رد كيدها في نحرها

دمتي بخيييييييييييير

الله يهدي ازواجنا يارب


ذكرتيني بسالفة زوجي اول ماأنخطبت قال لي عن وحدة كل تلاحقه وتبغاه يتزوجها

وعطاني كل شي عنها حتى رقم تليفونها واسمها وانا نسيت السالفة والله

بعد فترة اتصلت تبغى تفتن

تقول انها تحب زوجي وانه يبغاها اهي اصلاً وتقول كلام ان زوجي يلاحقها

قلت لها فلان خبرني عن كل شي

ولا يحتاج انك تكملي سالفتج حسيتها انقهرت حدها وسكرت


وبعدها بفترة ردت تتصل علي بيتنا صرت اكلمها عاادي كأنها وحدة من رفيجاتي

بس بأستفزاز كنت اقول لها اليوم فلان جى عندي الليلة بنروح نتعشى في المكان الفلاني

فلان شرى لي هدية ....................وهكذا من انواع الاستفزاااز

واستمريت معها يمكن 4او5شهور وانا اكلمها

واتى اليوم اللي قلت لها خلاص اتركينا في حالنا فلان مايبغاج ماتحسين ولا تفهمين

حسيتها اختنقت من كلامي وبعدين ماسمعت صوتها


الى يوم سنة يمكن وخمسة اشهر زوجي جايب فواتير الجوال

وأنا من عادتي ما افتح الفواتير

وداك اليوم فتحت الفاتورة وانا كنت جالسة معاه ونسولف والله جت لي صدمة يوم شفت رقمها وسكتت ماتكلمت ولا كلمة

وراويته الفاتورة وقلت له ويش ذا الرقم

والله ماقال ولا حاجة ومرت اسبوع وقلت له ها مابتقول ليي الصراحة

قال ليي انها كانت تتصل ليه واتفق هو وصديقه انهم يخبرون ابوها بكل سوالفها بعد ماأستخار زوجي

ووعدني وعد انه مايخبي علي شي وقلت له لو فعلاً رحت بيت اهلي والسبب هذا الشي

وصار لنا الحين خمس 6سنوات ماشاء الله ولا اشوف منه شي ولا حتى اتصالات

مع اني احياناً اشك فيه بس مالقيت اي شي يأكد شكي فنسيت السالفة خلاااااااااص

لأني دايماً احسسه بالندم

صحيح ان الانسان يجي له احياناً هفوات شيطانية بس انه يدرك نفسه في الوقت المناسب

وبعض الشباب يسيرون ويا الشياطين طول حياتهم

وانا بالعكس مخليه زوووجي على راحته في كل شي

بس لو اشم ريحة خيااانة والله ماأسامحه بالمرة


وآسفة طولت عليكم

بس حبيت اقول لكم تجربتي مع هالانسانة الفاسقة اللي حاولت تحطم حياتي وتبعدني عن زوجي

لابارك الله فيها

آآآآآآآآآآه الله يكون في عونك بس غلط انك تدخلين اهلك واهله في المشكله حاولي تتقربين منه وتسوين كل شي يريحو ويعجبه وتظغطين على نفسك وتدعين ربك وتستغفريه وربي يارب يخرلك زوجك ولا يشوف غيرك

أختي سمراء .. تقولين زوجك محترم و مش راعي هذي الشغلات ، أنا مش متزوجة بس يتهيأ لي ما فيه أعظم من عذاب الرحمن ، اشتري محاضرتين وحدة منهم هن انتهاك أعراض الناس ، و اجلسي اسمعيهم معاه .. علقي أحاديث الرسول عليه السلام عن هذا الموضوع ، اقرأي له آية عض البصر و تكلمي معاه بصراحة ، إن سبب ذكر المؤمنين قبل المؤمنات هو سرعة الانجذاب ، يعني إذا مش عشانك و لا عشان عيالك .. عشان نفسه ، يمكن يخاف من عذاب الله .. و حاولي تضغطي على نفسك و تتقربي منه ، وقفي هالحنه و الرنة ، صيري ناعمة و حلوة عشان يعقل الرجال ... أتمنى أكون فدتك أختي .. الله يصبر قلبك