عذاب الزوجه الثانيه

اختي اللي تنصحني بتكوين عايله ابشرك اني حامل مع قليل من معاناه الحمل والعلاج والمثبتات بس بالنهايه حامل ويارب الله يثبت هالحمل ادعو لي
والله اني ابي هالطفل مو عشان امسك زوجي لا والله انا ابيه لي انا ابيه يونسني بالدنيا هذي اللي مافيها امان وراح اكون له نعم الام انشالله

عزيزتي انك تحزنين للامر هدا شي طبيعي وانه يرد على بنته حتى هدا امر طبيعي والواقع انكم اثنينكم عن صواب كيف
ادا كان معاهم فلازم يعطيهم حقهم وهو معاكي لازم يعطيكي حقك ادا ما رد على تلفونك يمكن كانوا لمة والوقت ماكان مناسب حتى ياخد راحته معاكي في الكلام
بعطيكي طريقة جدا حلوة شخصيا مطبقاها فيها راحة حتىانا زوجي متزوج لحظة يكون معاها ما اتصل ووقت يكون معاي هي ما تتصل هدا قانون طبق بطريقة عفوية لكن طبعا لكل قاعدة استثناء ادا كان فيه شي طارئئ او شي مهم طبيعي انها هي تتصل او حد من الاولاد

ثاني شي وان كان ماجا في موضوعك بس حبيت اهمس لك بيه للفائدة ادا شفتيه بيكلمها في تلفون او بيكلم حد من الاولاد وعارفة حالك غيورة لا تجلسين في نفس المكان الي بيتكلم روحي سوي لك اي شيء حتى ما تسمعين شي وما يحز في نفسك اي امر

انت زوجته وهي زوجته يضا وام اولاده حتى انت عزيزتي الله ينعم عليكي بالذؤية الصالحة ويحقق كل امانيكي والله اني حاسة فيكي لدلك اقولك عزيزتي شوفي الجانب المضيء من حياتك مهما كان صغير بيكبر بفضل الله سبحانه وتعالى

مبروك انشالله والله يثبت الي بطنك ويجعله من الصالحين والبارين باهلهم
اختي الغاليه انا عانيت نفسج بظبط بس بعد ماجبت بنتي تغير الحال للاحسن خصوصا بعد مابنتي قامت تحبي وتمشي وصار الجوعندي فيه مزح وضحك مع بنتي فادعي الله ان يرزقج ويسعدج بدنيا وبالاخره ااااااااااامين

الله يكوون بعونك مالك الاالصبر بس بعد لاتسكتين على حقك

ترى والله لو تعود انك تسكتين ولا تحاسبينه يتمرد اكثر

الله يسهل امرك ويكون بعونك

ويسخرلك اللهم امييييييييييييين

الله يصبرك على هالابتلاء .. بس لو انا منك ما اسكت شنو ذنبك و انتي عروس و في شهر العسل تنصدمين .. ترى الرجال دايما يحن للزوجه الاولى و تلقينه الحين يقول شو الي خلاني ااتزوج و ممكن انك تكوني بالنسبه له نزوه و تسرع و تزوجك و تلقين الحبيب رايح راد لها و حطي في بالك انه في اي لحظه ممكن انه يطلقك فلا تكوني ضعيفه و طالبي بكامل حقوقك خصوصا انك حامل

اختي في اشكرك علي كلامك المريح دعواتي لك
دلوعه خطيره
الله يخلي لج بنتج وزوجج ويديم عليج الامان والفال لي
حنونه
اختي والله اني اتحاشي اسولف عنهم هو اللي دايم يتكلم عنهم جدامي ويتصل جدامي ويحط سبيكر بعد يسمعني سوالفهم وضحكهم معاه بس اذا خلاص استقرت بالبيت انشالله راح اقوله كل وحده يومها يكون لها بروحها مع اني ماظن بيصير الشي هذا لانها الله يسامحها مسلطه عيالها كل شوي يدقون ومليون طلب وطلب وانا بروحي بالشقه بشهر العسل وهو يفتر مع عياله وماقدر اعترض ارجع واقول عياله وانا مقدره بس هي ليش ماتقدر وتستحي علي دمها وماتهدهم جذيه كل يوم اتصالات من بعد ماكانت مانعتهم منع نهائي من انهم يكلمونه ويشوفونه
خواتي كرسبي واحلي الصبايا
والله اني كل يوم اقول لازم ازعل لازم يكون لي رده فعل لازم ماسكت بس ارجع اذكر امي ومرضها
واسكت واقول الصبر جميل ويارب تنولي اللي ببالي
ادعو لي بنات بالذريه الصالحه والتوفيق بحياتي

[GLOW="FFCCFF"]ماعليش أختي الله يعينك بس مثل ماقالوا خواتي أنتي غلطانة من الأصل المتزوج أو المطلق حتى تأكدي
وأسألي عن أسباب الطلاق وهل يحب زوجته وعياله وليش يبي يتزوج ؟؟
بعضهم فسق .. بعضهم يقهر زوجته ...بعضهم يجرب ...
والله يعينك واضح انك حياتك تبي تنتهى قبل بدايتها ... لكن اصبري لعل الله يفرجها ..[/GLOW]



:9_28::9_28::9_28::9_28: تحياتي الغريبة 111

اختي الغريبه اشكرك علي ردك
اختي صعب بعاداتنا اصلا انا نناقش الزوج قالو لي انه منفصل ومدحوه حيل وتوكلت علي الله
ووافقت وسبحان الله مشي زواجي بسهوله عجيبه مع ان انا دايم انخطب واحس بضيقه وساعات يوقف شي الخطبه وتنتهي الا خطبتهم مشت بسلاسه وقلت انشالله هذا خير ولكن ولكن مامشي الحال باول اسبوع انصدمت
والله مدري شسوي انا عند اهلي قلت بغير جو لان نفسيا تعبت وخصوصا انا حامل ودق علي
وقال لي انه شاريني
بنات يعني شنو تصرفه هذا؟
ليش يقهرني اذا شاريني
والله تعبت ماني قادره افهمه

الله يعينج ويصبرج حبوبه

الله يعينج

البنات ما قصروا

الله يصلح حالك

الله يوفقج
انا بعد متزوجه واحد مطلق بس لما تزوجته كانت المده اللي طلق فيها واااااايد يعني من سنين لو كان فعلا يبغي يرجع لها تجان رجع من زمان
بس مشكلتي انا اني ما كنت اعرف انه عنده عيال وطبعا انصدمت بس في الاخير عرفت انه ما كان يبي يقولي عنده عيال عشان اوافق على زواجي فيه والحمد الله مشت الامور وما في اي مشاكل لاني فهمت الوضع
انتي حبيبتي عليج الحينه انج تفهمين زوجج شو يحب شو ما يحب وانت اكيد بتحسين بقلبه ادا فعلا تزوجج عن حب ولا بس عشان يغيضها
كل اللي اتمنى لج انج تصبرين واكيد ربي راح يفرجها عليج

وردة جم عمرج ؟ جم الفرق بينج وبين زوجج ؟؟ انتي لمن خذيتيه بجر او لا ؟؟

كل ها الامور فيها مصلحه لج
والله اذا اصغر من مرته الاولى وبجر اكيد تقدرين تجذبينه لج بدرجه كبيره
وين الغنج وين الدلع وين اللبس المبهر وين الاستقبال الحافل للزوج خليه اهوا بنفسه لمن يكون عندج يصكر جهازه
موقصدي يبعد عن اعياله بس الحق حق لي كان عندج يصير لج بروحج محد يشاركج فيه لازوجه ولا اعيال

والله يوفقج

والله حاله هيج تصيح لأن ريلهاعرس عليها (ريمانوفا) وهذي لأن ريلها رد للأولى

الله يهديكن ويفرج عليكن يارب

ماتقصرون خواتي اللي يدعون لي يارب الله يوفقهم
اختي ندي احس من حركاته لما يتكلم عنهم جدامي انه بيغيضني ومعناتها ان لي مكان بقلبه بس ليش يعاملني جذيه وليش عارفه ياندي كلام الناس بعد يتعب يعني الكل يقول عافها من شهر عرسها رجع زوجته اللي منفصل عنها من سنتين والناس مالها الا بالظاهر مايدرون انها هي اللي نادته وبعد جابت ناس واسطه عشان الامور تسلك والله يتعب كلام الناس وبالنهايه انا انسانه لي احاسيس ومشاعر وغصب اتاثر بالكلام هذا
لبي قلب ولدي اختي وزميلتي بتجمع حوامل الشهور الاولي انا كبر زوجته وكبره هو بس انا بكر لاني كنت مالجه علي واحد قبل بس كرهته مادري ليش وسويت خلع وبعدين كل مايخطبني واحد تييني حاله نفسيه وابجي الا زوجي هذا سبحان الله تيسرت اموري معاه وتم الزواج بسهوله
والله اني مو مقصره ياختي معاه والله اني جميله وناعمه ودلعني طبيعي واهتم بعمري وبلبسي وكلامي معاه حلو ومدلعته بس مادري شسوي اكثر بعد
ذره من المجره عساج ماتجربين الشعور هذا اختي انا اعتبر نفسي الاولي لاني خذيته وهو منفصل وقالو لي ماراح يردها ولا يبيها وصعب علي باول اسبوع تطلب انها ترد شي يجرح ويعور وربي اني قلبي احسه ينزف الم بس ماقول الا عساج ماتجربين الشعور هذا
يارب توفقني وتسخر لي زوجي وتبعد عني كيد الكائدين

الله يعينج

تبين زوجك يصفى لك ويحبك

داومى على صلاه الليل
واستغفرى لمده نص ساعه

وراح تدعى لى بس داومى


والله بتشوفين العجب وربي ماراح يردك خايبه

واتمنى تدعين لى معاك واانا بدعى لك لانى الحمد لله مواظبه عليها

والله يثبتنا

تكلمي عنهم وخليه يتكلم عنها شوفي هو اش يحب وسوي اللي يبيه لاتحسسينه انك تتضايقين منها الين ماتعرفي الطبخه كلها وبعدين تفهمينه

حاولي تكسبينه صوبج اكشخي وادلعي وسويله حركات بيتخبل عليج وبيتم وياج

خواتي
بروف نونا
فوشيه
مهاري
اسيل كل الشكر حبيباتي والله يشهد اني مو مقصره معاه الا بجانب اعترف بضعفي فيه
الاكل
ماعرف اطبخ كل الطبخات بس ماظن ان هالشي ياثر يعني قاعده احاول اجتهد
وهذا تقصيري الوحيد ولا اله اعلم اني احاول قد ماقدر اني ارضيه وهذا لغرض في نفسي
ابي اكون سويت كل اللي علي مابي اذا وصلت الامور الي مفترق الطريق ومافي مجال اصلاح اقول ياليتني سويت وسويت واموت ندم وانا طبعي الندم يذبحني
ابي اسوي كل اللي اقدر عليه عشان بكرا اذا مانصلح الحال اكون مرتاحه اني سويت كل ماقدرني ربي عليه

اختي فوشيه اشكر ك من كل قلبي وجزاج الله خير وراح ادعي لج ياقلبي